प्रकाशित वाक्य 8:7 - चम्बयाली नौआ नियम

⁷ पैल्ले स्वर्गदूत ने तुरही बजाई, ते खून कने मिल्ले रे औले ते आग्ग धरती पर पे। ते इसेरा नतीज्जा ए होया कि धरती रा इक्क तिहाई फुक्की गेया, ते सब हरा घा भी फुक्की गेया।

प्रकाशित वाक्य 8:7 ပူးပေါင်းရင်းမြစ်များ

याकूब 1:11

जिय्यां सूरज उगदे कने ही कड़ी धूप्प पैंदी ते घा जो सुखाई दिंदी, ते तिसेरा फूल्ल झड़ी जादां, ते तिसेरी खूबसुरती मिटी जांदी; तिय्यां ही अमीर मणू ने अपणे कम्मां जो करणे बिच ही मुकी जाणा।

1 पतरस 1:24

पवित्रशास्त्र बिच ए लिख्खे रा है, “सारे मणू घा सांई हिन ते तिन्हेरी खूबसुरती जंगली फूल्ल सांई है। घा ने सुकी जाणा ते फूल्ल ने झड़ी जाणा,

प्रकाशित वाक्य 12:4

तिसेरी चूमट ने आसमान रे तारेयां री इक्क तिहाई जो खिच्ची करी धरती बिच पाई दित्तेया, अते से अजगर तिस जनानी रे सामणे खड़ी गेया कि जिय्यां ही से बच्चे जो जन्म दे, तां से तिस बच्चे जो खाई जाए।

प्रकाशित वाक्य 16:2

अते पैल्ले स्वर्गदूत ने जाई करी पर कटोरा प्रथ्वी पराल्ले उधेरी दित्तेया, तां तिन्हा मणूआं पर जिन्हा पर तिस जानवर री छाप थी ते जे मूर्ति री पूजा करदे थिये इक्क किस्म रा बड़ा दर्दनाक फोड़ा निकलेया।

प्रकाशित वाक्य 16:21

स्वर्ग का तेत्ती किलो रे औले पे ते इस तांइ ताकि ए मुसीबत बड़ी वरी थी लोक्कां ने औलेयां री मुसीबत री वजह कने परमेश्वर री बुराई कित्ती।

प्रकाशित वाक्य 6:8

अते मैं दिख्खेया कि इक्क हल्के पिले रांग रा घोड़ा दिख्खेया, अते तिसेरे सवार रा नां मौत थिया, अते पताल तिसेरे पीच्छे-पीच्छे चलेया करदा थिया तिन्हा जो धरती पर रैह्णे वाले लोक्कां रे इक्क-चौथाई गिनती जो मारी रखणे रा हक मिल्ले रा थिया। तिन्हा ने लोक्कां जो तलवारां कने मारेया, तिन्हा ने लोक्कां जो भुखमरी कने मारी रख्खेया, तिन्हा ने बुरी-बुरी बिमारियां कने तिन्हा जो मारेया, तिन्हा ने जंगली जानवरा रे जरिये तिन्हा जो मारेया।

प्रकाशित वाक्य 7:1

इसेरे बाद मैं चार स्वर्गदूतां जो धरती रे चार कूणेयां पर खड़ित्ते रे दिख्खेया। तिन्हा जो परमेश्वर का ए हक मिल्ले रा थिया कि चाए धरती हो या समुंद्र, से महामारी कने धरती रे लोक्कां रा नुक्सान करे। तिन्हा ने धरती रे चारो कूणेयां का हवा जो बांद्द करी दित्तेया, ताकि धरती पर, जंगला बिच ते समुंद्र पर कोई हवा ना चली सके। ते फिरी मैं पूरब दिसा बिच इक्क होर स्वर्गदूत जो दिख्खेया। तिसजो हमेसा-हमेसा तिकर जीणे वाले परमेश्वर का इक्क मौहर मिल्ले री थी। तिस स्वर्गदूत ने बाकि रे चार स्वर्गदूतां जो जोर कने हक्क लाई करी ए बोल्लेया,

प्रकाशित वाक्य 9:15

इधेरे तांइ शैतान रे से चार दूत कठिये। से पैल्ले का ही तैयार थिये ते तिन्हा जो इस बेल्ले, दिन, महिन्ने ते साल रा इंतजार करणे तांइ बोल्लेया गेया थिया, ते अवे से समय आई गे रा थिया। तिन्हा ने मणूआं रा इक्क-तिहाई हिस्सा मारी रखणा।

प्रकाशित वाक्य 9:18

इन्हा तिन्नो महामरियां, मतलब आग्ग, धुआं अते गन्धक जे तिन्हेरे मुँह का निकलदी थी, मणूआं री इक्क तिहाई मारी दित्ती गई

प्रकाशित वाक्य 9:4

ते जिय्यां कुसकी भी मणू जो बिच्छु रे कटणे कने पीड़ हुंदी, इन्हा टिड्डेयां जो तिन्हा लोक्कां जो जिन्हा रे मत्थे पर परमेश्वर री मौहर नी लग्गे री थी, तैसी ही पीड़ दैणे रा हक दित्तेया गेया थिया। पर तिन्हा जो कुसकी, बूट्टे, पौधे या घा जो नुक्सान दैणे रा हक नी मिल्ले रा थिया।