प्रकाशित वाक्य 8:13 - चम्बयाली नौआ नियम

¹³ अते मैं आसमान बिच इक्क उकाब जो उड़दे होए दिख्खेया, ते जोरे कने ए बोलदे होए सूणेया, कि जां तिन्हा त्रै स्वर्गदूतां ने अपणी तुरहियां बजाणी, तां दुनिया बिच रैह्णे वाले लोक्कां पर बड़ी वरी मुसीबतां आणी, जे तुरहियां तिन्हा जो दित्ती गे री हिन, से बड़ी जादा ड्रौणी हिन। ते तिसेरी वजह कने धरती रे लोक्कां पर हाय, हाय, हाय।

प्रकाशित वाक्य 8:13 ပူးပေါင်းရင်းမြစ်များ

इब्रानियों 1:14

तां फिरी स्वर्गदूत कै करदे? कै से सिर्फ परमेश्वर री सेवा करदे? परमेश्वर तिन्हा जो छुटकारा पाणे वाले लोक्कां री देख-रेख करणे तांइ भेजदे।

प्रकाशित वाक्य 11:14

ए दूज्जी मुसीबत रा अंत थिया। तिज्जी मुसीबत अवे तौले आणे वाली है।

प्रकाशित वाक्य 12:12

इस वजह कने, खुस हो कि तुसा इत्ते स्वर्ग बिच रैह्‍न्दे। पर तुसा धरती ते समुंद्र पर रैह्णे वाले लोक्कां री हालत पर तरस आंदा किजोकी शैतान अवे तुसा थल्ले तुसा का आई गे रा है। से बड़े जादा गुस्से बिच है किजोकी से जाणदा कि तिसेरा अंत बड़े तौले आणे वाला है।

प्रकाशित वाक्य 14:3

से सिंहासन रे सामणे अते चारो प्राणी अते बुजुर्ग मणू रे सामणे मन्नो इक्क नौआ गाणा गाया करदे थिये, ते उन्हा इक्क लाख चुरताली हजार जणेया जो छड्डी करी जिन्हा जो परमेश्वर ने धरती पर रैह्णे वाले लोक्कां बिच का छुड़ाई लित्तेया थिया कोई से गाणा नी सीखी सकदा थिया।

प्रकाशित वाक्य 14:6

फिरी मैं इक्क होर स्वर्गदूत जो आसमान बिच उड़दे दिख्खेया जिस का धरती बिच रैह्णे वाले इक्क कुल, देस, भाषा, ते लोक्कां जो सुनाणे तांइ हमेसा सुब बसेख थिया।

प्रकाशित वाक्य 19:17

फिरी मैं इक्क स्वर्गदूत जो सूरज पर खड़ित्ते रे दिख्खेया। तिनिये जोर सणे हाक्क मारी करी सारे मांस खाणे वाले पच्छियां जो सद्देया, आओ, परमेश्वर रे बड्डे भोज तांइ कठ्ठी जाओ।

प्रकाशित वाक्य 3:10

इधेरे तांइ तुसा ने सबर कने जुल्मां जो सैह्णे रा मेरा हुकम मन्नेया। तिस वजह कने, मैं तुसा जो परिक्षा रे समय बिच बचाणा। ए परिक्षा रा समय दुनिया रे हर इन्सान री जिन्दगी बिच आणा।

प्रकाशित वाक्य 8:2

ते मैं सत्तां स्वर्गदूतां जो जे परमेश्वर रे मुहागर रेह्न्दे हिन, दिख्खेया, ते तिन्हा जो सत्त तुरहियां दित्ती गई।

प्रकाशित वाक्य 9:1

अते जां पंजमे स्वर्गदूत ने तुरही बजाई, तां मैं आसमान का धरती पर तारा पैंदा दिख्खेया, अते तिसजो पताल री चाब्बी दित्ती गे री थी, जिसेरा कोई अंत नी है।

प्रकाशित वाक्य 9:12

पैल्ली मुसीबत बीत्ती गई, दिख्खो अवे इन्हेरे बाद दो मुसीबत होर होणे वाली हिन।