प्रकाशित वाक्य 8:10 - चम्बयाली नौआ नियम

¹⁰ ते तिज्जे स्वर्गदूत ने तुरही बजाई, ते इक्क बड्डा तारा जे मशाल सांई बलेया करदा थिया, स्वर्ग का टूट्टेया, इसेरे नतीज्जे रे तौर पर नदियां रे इक्क तिहाई हिस्से पर, ते पाणी रे स्त्रोतां पर आई पेया।

प्रकाशित वाक्य 8:10 ပူးပေါင်းရင်းမြစ်များ

मत्ती 25:1

तां यीशु ने अपणे चेल्‍लेयां कने बोल्लेया, “स्वर्ग रा राज उन्हा दस कुवांरियाँ रे सांई है, जे मसांला लेई करी नौेए लाड़े जो मिलणे तांइ निकली।

लूका 10:18

इस गल्ल पर यीशु ने तिन्हा जो बोल्लेया, मैं शैतान जो आसमान का बिजली सांई थल्ले पैंदे दिख्खेया।

यहूदा 1:13

जिय्यां समुंद्र री जोरदार छलारां गंदी झाग बणादी तिय्यां ही ए मणू भी शर्मिंदगी भरे कम्म करदे। से मणू सुरुआत ता करदे पर सीद्दे रस्ते पर नी चलदे, से सही रस्ता नी दिखांदे। परमेश्वर ने तिन्हा लोक्कां तांइ इदेइ न्याहरी जगाह् बणाए री है जित्ते तिन्हा लोक्कां जो रख्खेया जाणा।

प्रकाशित वाक्य 1:20

मैं अवे तेरे जो मेरे सज्जे पास्से रे इन्हा सत्त तारेयां ते इन्हा सत्त सोन्ने रे धूपदान रे राज़ रा मतलब है दसणा। ए सत्त तारे से स्वर्गदूत हिन जे तिन्हा सत्त कलीसियां री रक्षा करदे, ते से सत्त धूपदान सत्त कलीसियां हिन।

प्रकाशित वाक्य 12:4

तिसेरी चूमट ने आसमान रे तारेयां री इक्क तिहाई जो खिच्ची करी धरती बिच पाई दित्तेया, अते से अजगर तिस जनानी रे सामणे खड़ी गेया कि जिय्यां ही से बच्चे जो जन्म दे, तां से तिस बच्चे जो खाई जाए।

प्रकाशित वाक्य 14:7

तिसने बड़ी जोर कने बोल्लेया, “परमेश्वर का डरो, ते तिन्हेरी महिमा करो, किजोकी दुनिया रे लोक्कां रा हिसाब-किताब करणे रा समय आई गे रा है, अते तिसेरी अराधना करो, जिस ने आसमान ते जमीन, समुन्द्र, पाणी रे स्रोत बणाये रे हिन।”

प्रकाशित वाक्य 16:4

त्रिये स्वर्गदूत ने अपणा कटोरा द्ररेया ते पाणी रे सोत्तेयां पर उन्धेरी दित्तेया ते से खून बणी गेया।

प्रकाशित वाक्य 6:13

तारे आसमान का धरती पर इय्यां पेई गे कि जिय्यां कच्चे फल्ल बड़ी तेज हवा चलणे री वजह कने अंजीर रे बूट्टे का छुड़की पैंदे।

प्रकाशित वाक्य 8:7

पैल्ले स्वर्गदूत ने तुरही बजाई, ते खून कने मिल्ले रे औले ते आग्ग धरती पर पे। ते इसेरा नतीज्जा ए होया कि धरती रा इक्क तिहाई फुक्की गेया, ते सब हरा घा भी फुक्की गेया।

प्रकाशित वाक्य 9:1

अते जां पंजमे स्वर्गदूत ने तुरही बजाई, तां मैं आसमान का धरती पर तारा पैंदा दिख्खेया, अते तिसजो पताल री चाब्बी दित्ती गे री थी, जिसेरा कोई अंत नी है।

प्रकाशित वाक्य 9:15

इधेरे तांइ शैतान रे से चार दूत कठिये। से पैल्ले का ही तैयार थिये ते तिन्हा जो इस बेल्ले, दिन, महिन्ने ते साल रा इंतजार करणे तांइ बोल्लेया गेया थिया, ते अवे से समय आई गे रा थिया। तिन्हा ने मणूआं रा इक्क-तिहाई हिस्सा मारी रखणा।

प्रकाशित वाक्य 9:18

इन्हा तिन्नो महामरियां, मतलब आग्ग, धुआं अते गन्धक जे तिन्हेरे मुँह का निकलदी थी, मणूआं री इक्क तिहाई मारी दित्ती गई