प्रकाशित वाक्य 8:1 - चम्बयाली नौआ नियम

¹ जां “उरणू” ने सतमी मौहर खोली, तां स्वर्ग बिच अद्दे घंटे तांइ सन्नाटा छाई गेया।

प्रकाशित वाक्य 8:1 ပူးပေါင်းရင်းမြစ်များ

मत्ती 27:66

अते से पैहरेदारां जो कन्ने लेई करी गे, ते कब्र जो बट्टे कने ढकी करी तिस बट्टे पर मौहर लाई करी कब्र री रखवाली कित्ती ताकि कोई तिसजो हटाई ना सके।

प्रकाशित वाक्य 5:1

फिरी मैं दिख्खेया कि जे सिंहासन पर बैठे रा थिया, तिन्हेरे सज्जे हत्थ बिच इक्क कताब थी, तिस पर दोन्नों पास्से लिखित्ते रा थिया, अते से सत्त मौहर लगाई करी बांद्द कित्ते री थी।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”

प्रकाशित वाक्य 6:1

जां मैं दिख्खेया कि “उरणू” ने उन्हा सत्त मौहरां बिच का इक्क जो खोल्लेया, तां मैं उन्हा चार प्राणियां बिच का इक्क जो बद्दल री गर्जन जदेई अवाज बिच ए बोलदे सूणेया, जा!

प्रकाशित वाक्य 6:12

तां मैं दिख्खेया कि तिस “उरणू” ने छठमी मौहर खोल्ली दित्ती, ते तित्ते बड़ा बड्डा भुकम्प होया। सूरज बिल्कुल घणे काले कम्बल सांई काला होई गेया, ते चाँद रा रांग खून सांई लाल होई गेया।

प्रकाशित वाक्य 6:3

जां तिस “उरणू” ने दूज्जी मौहर खोल्ली तां मैं दूज्जे प्राणी जो ए बोलदे सूणेया, जा!

प्रकाशित वाक्य 6:5

अते जां “उरणू” ने तिज्जी मौहर खोली, तां मैं तिज्जे प्राणी जो ए बोलदे सूणेया, जा! अते मैं इक्क काले घोड़े जो निकलदे दिख्खेया ते तिसेरे सवार रे हत्थे इक्क तरकड़ी थी।

प्रकाशित वाक्य 6:7

अते जां उरणू ने चौथी मौहर खोली तां मैं चौथे प्राणी जो ए बोलदे सूणेया, जा

प्रकाशित वाक्य 6:9

अते जां “उरणू” ने पंजवी मौहर खोली, मैं तिस वेदी रे थल्ले तिन्हा लोक्कां री आत्मां दिख्खी जिन्हा जो इधेरे तांइ मारी दित्तेया गेया थिया किजोकी से परमेश्वर रे वचन तांइ ते तिस बसेख तांइ भरोस्सेमंद बणी करी रे थिये जिस जो तिन्हा ने मन्नेया थिया।