प्रकाशित वाक्य 7:9 - चम्बयाली नौआ नियम

⁹ इसेरे बाद मैं दिख्खेया की, हर इक्क जाति, कुल, देस, भाषा, ते लोक्कां री भीड़, जिस जो कोई गिणी नी सकदा थिया चिट्टे कपड़े पाये रे, अते अपणे हत्थां बिच खजूर री डालियां लेई करी सिंहासन अते उरणू रे सामणे खड़ित्ते री थी,

प्रकाशित वाक्य 7:9 ပူးပေါင်းရင်းမြစ်များ

लूका 12:1

जां हजारां रे साह्बे मणू कठ्ठी गे ते सब इक्क दूज्जे पराल्ले चढ़या करदे थिये, तां यीशु ने पैल्ले अपणे चेल्‍लेयां जो बोल्लेया, कि फरीसी मणूआं रे खमीर का जे कि इन्हेरा कपट है, बची करी रेयो

लूका 21:36

हर बेल्ले तैयार रेयो, अते प्रार्थना करदे रेयो कि तुसा जो इन्हा सब गल्लां का, जे होणे वाली हिन, तिन्हा का बचणे री ताकत मिली सकें अते भरोसे कने मणू रे पुत्तर, जे मैं ही है रे अग्गे खड़ी सकण।

यूहन्ना 12:13

इस तांइ उन्हा ने खजूर री डालियां लित्ती ते उस कने मिलणे जो निकले, ते हक्का मारणा लग्गे, जय हो! धन्न इस्राएल रा राज्जा, जे प्रभु रे नां कने आंदा।

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

इब्रानियों 11:12

जां अब्राहम इन्ना बूड्डा होई गे रा थिया कि से मरणे जोग्गा होई गे रा थिया, तां तिसेरे आसमान रे तारेयां, ते समुद्रं री रेत सांई तिन्हेरी अणगिणत औलाद्दां पैदा होए।

इब्रानियों 12:22

पर तुसा सिय्योन रे पहाड़ रे नेड़े आए रे हिन, जित्ते स्वर्गीय यरुशलेम है, जे जिन्दगी दैणे वाले परमेश्वर रा सहर है, लख्खां स्वर्गदूतां

प्रकाशित वाक्य 11:15

जां सत्तमें स्वर्गदूत ने तुरही बजाई, तां फिरी मैं स्वर्ग का इस बारे बड्डी जादा अवाज्जां सूणी, “असां रे परमेश्वर ते तिन्हेरे चुणे रे छुटकारा दैणे वाले मसीह जो ही धरती पर राज करणे रा हक है, ते परमेश्वर ने हमेसा-हमेसा तिकर राज करणा।

प्रकाशित वाक्य 22:3

तिस सहर बिच रैह्णे वाले लोक्कां पर परमेश्वर रा श्राप नी रैह्णा, ते परमेश्वर रा सिंहासन ते उरणू ने अप्पु भी तिस सहर बिच होणा, ते परमेश्वर रे सेवादार मणूआं ने तिन्हेरी सेवा करणी।

प्रकाशित वाक्य 3:18

इधेरे तांइ मैं तेरे जो सलाह दिंदा कि तू मेरे का सोन्ना खरीदी लै ताकि तू हकीकत बिच अमीर बणी जाए। तू मेरे का चिट्टे कपड़े भी खरीदी लै ताकि तू लोक्कां सामणे नंगे होणे री कने शर्मसार होणे का बची जाए। तेरे जो अपणी हाख्खियां बिच पाणे तांइ किच्‍छ दवाई भी खरीदी लैणी चाएदी ताकि तू दिख्खी सके।

प्रकाशित वाक्य 4:4

तिस सिंहासन रे चौं पास्से होर चौबी सिंहासन थिये जिन्हा पर चौबी बुजुर्ग मणू बैठ्ठे रे थिये तिन्हा ने चिट्टा कपड़ा ते अपणे सिर पर सोन्ने रा मुकुट पाए रा थिया।

प्रकाशित वाक्य 5:11

जां मैं फिरी दिख्खेया, तां मैं चाणचक्के ही लख्खों-लख्खों स्वर्गदूतां री अवाज सूणी, तिन्हेरी कोई गिनती नी होई सकदी थी। से सारे राज्जे रे सिहांसन, तिन्हा चार जींद्दे प्राणियां, ते चौब्बी बुजुर्गां रे चारो पास्से खड़ित्ते रे थिये।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”

प्रकाशित वाक्य 6:11

तां तिन्हा बिच का हर इक्क जणे जो चिट्टे कपड़े दित्ते गे ते तिन्हा जो थोड़ी देर होर इंतजार करणे तांइ बोल्लेया गेया। मसीह री सेवा बिच तिन्हेरे होर भी संगी सेवादार हल्ले भी थिये जिन्हेरा मारेयां जाणा जरुरी थिया। तिन्हा जो ता तांइ करणा जरुरी थिया, जां तांइ ए सब किच्‍छ पूरे तरिक्के कने मुकी नी जाए।

प्रकाशित वाक्य 7:8

जबूलून रे बारा हजार गोत्रियां पर निशानी लाई, यूसुफ रे बारा हजार गोत्रियां पर निशानी लाई, ते बिन्यामीन रे बारा हजार गोत्रियां पर निशानी लाई।