प्रकाशित वाक्य 7:17 - चम्बयाली नौआ नियम

¹⁷ किजोकी उरणू जे सिंहासन रे मझाटे है, तिन्हा ने तिन्हा लोक्कां री इदेइ रखवाली करणी जिय्यां कोई पुहाल अपणी भेड़ां री करदा। परमेश्वर ने तिन्हा लोक्कां जो से ताजा पाणी पुआणे तांइ अपणे कने लेई करी जाणा जिस कने जिन्दगी मिलदी, ते परमेश्वर ने तिन्हा लोक्कां री हाख्खियां का सारे आँसु पूंजी दैणे।

प्रकाशित वाक्य 7:17 ပူးပေါင်းရင်းမြစ်များ

मत्ती 2:6

‘ओ बैतलहम, तू जे यहूदा प्रदेश बिच है, तू कुसी भी तरिक्के कने यहूदा रे अधिकारियां अन्दर सबका छोटा नी है किजोकी तेरे बिच का इक्क अधिपति ने निकलणा, जिनिए मेरे इस्राएल रे मणूआं री दिख्ख-रिख्ख करणी है।’”

मत्ती 5:4

धन्न हिन से, जे मात्तम करदे हिन, किजोकी परमेश्वर ने तिन्हा जो सांती दैणी।

यूहन्ना 10:11

खरा पुहाल मैं है, खरा पुहाल अपणी भेड़ां तांइ हमेसा अपणी जान दैणे तांइ तैयार रैहन्दा।

यूहन्ना 10:14

खरा पुहाल मैं है, मैं अपणी भेड़ां जो ते मेरी भेड़ां मेरे जो तिय्यां ही जाणदी

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

यूहन्ना 4:11

जनानी ने तिसजो बोल्लेया, ओ प्रभु तेरे का तां पाणी भरणे तांइ किच्‍छ है भी नी कने कुआँ डुग्गा है, तां सेह़ जिन्दगी रा पाणी तेरे का कुत्ते का आया?

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

1 पतरस 5:2

कि जिय्यां इक्क पुहाल अपणी भेड़ां री रखवाल्ली करदा, तिय्यां ही तुसा भी तिन्हा सारेयां री रखवाल्ली करो जिन्हा जो परमेश्वर ने तुसा जो सौंप्पे रा है। ए सब किच्‍छ अपणी मर्जी कने करो किजोकी ए ही परमेश्वर री मर्जी है। ए सब इधेरे तांइ मत करो किजोकी तुसा पैसे कमाणा चाह्‍ंदे, पर इधेरे तांइ करो किजोकी तुसा परमेश्वर ते लोक्कां री सेवा करणा चाह्‍ंदे।

प्रकाशित वाक्य 14:4

ए से है, जे जनानियां कने व्यभिचार नी कित्तेया, पर कुँआरे हिन। तिन्हा ने तिस उरणू जो छड्डी करी कदी कुसकी होरसी री अराधना नी कित्ती। जित्ते कुथकी से “उरणू रा बच्चा” जांदा, से मणू भी तिसेरे पीच्छे ही जांदे। ए मणू से हिन जिन्हा जो धरती पर रैह्णे वाले लोक्कां बिच का छुड़ाया गेया। जिय्यां मणू परमेश्वर जो अपणी पैल्ली फसल चढांदे, तिय्यां ही तिन्हा ने भी परमेश्वर ते तिस “उरणू” जो चढावा चढाया।

प्रकाशित वाक्य 21:22

मैं तिस बिच परमेश्वर रा मन्दिर नी दिख्खेया, किजोकी सर्वशक्तिमान प्रभु-परमेश्वर ते उरणू तिसेरा मन्दिर है।

प्रकाशित वाक्य 21:23

तिस सहर जो रौसनी तांइ सूरज या चाँद री जरुरत नी थी, किजोकी परमेश्वर री चमक अप्पु तिस सहर पर चमकदी थी, ते तिस उरणू भी अप्पु तिस सहर री रौसनी री वजह थिया।

प्रकाशित वाक्य 21:4

परमेश्वर ने तिन्हेरी हाख्खियां का सारे आँसु पूंजी दैणे। तिसका बाद कुसकी ने कदी भी कोई दुख महसूस नी करणा, ना कुसकी ने मरणा, किजोकी अवे पुराणी दुनिया नी रैह्णी।

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।

प्रकाशित वाक्य 4:11

ओ असा रे परमेश्वर, “तुसी अराधना रे काबिल हिन। तुसा आदरमान रे काबिल हिन। तुसा ताकतवर हिन किजोकी तुसा ने सब किच्‍छ बणाया। ए तुसा री मर्जी थी इधेरे तांइ तुसा ने से सब किच्‍छ बणाया ते तिन्हेरे अवे वजूद है।”

प्रकाशित वाक्य 5:6

तां मैं तिस सिहांसन रे सामणे ते तिन्हा चार जींद्दे प्राणियां ते चौब्बी बुजुर्गां रे बिच मझाटे इक्क उरणू जो खड़ित्ते रे दिख्खेया। तिस उरणू पर कुर्बानी रे निसान थिये। तिसेरे सत्त सींग अते सत्त आख्खियां थी, ए परमेश्वर री सत्त आत्‍मा हिन, जिन्हा जो पूरी धरती बिच भेज्जेया गेया थिया।