प्रकाशित वाक्य 7:16 - चम्बयाली नौआ नियम

¹⁶ तिन्हा फिरी कदी भूखे प्यासे नी होणा, तिन्हा ने फिर कदी सूरज कने नी फुकीणा, ते ना ही तिन्हा कड़ाके री धूप बिच तपिणा।

प्रकाशित वाक्य 7:16 ပူးပေါင်းရင်းမြစ်များ

मत्ती 13:21

पर से अपणे बिच जड़ नी पकड़ी पाणे री वजह कने थोड़ी ही हाण तांइ हुन्दे, अते जां वचन री वजह कने दुख या कोई मुसीबत आंदी तां से झट ही डगमगाई जांदे।

मत्ती 13:6

पर जां सूरज निकलेया तां से फुक्कीह् गे, ते जड़ नी पकड़ने री वजह कने से सुकी गे।

मत्ती 5:6

धन्न हिन से, जे धार्मिकता रे भूख्खे अते प्यासे हिन, किजोकी परमेश्वर ने तिन्हा जो रजाणा।

मरकुस 4:17

पर गहरी जड़ ना पकड़ने री वजह कने से जादा वक्त नी टिकी सके। परमेश्वर रे वचन जो मनणे री वजह कने जिय्यां ही तिन्हा पर दुख ते मुसीबतां आंदी से तिय्यां ही से विश्वास का डिगी जांदे।

मरकुस 4:6

ते जां सूर्ज निकलेया तां फुक्की गेया, तां जड़ ना पकड़ने री वजह कने सुकी गेया।

लूका 1:53

तिन्हा ने भुख्खेयां जो खरी खरी चीजां कने रजाया, पर अमीरां जो खाली हत्थ हटाई दित्तेया,

लूका 6:21

धन्न हिन तुसां, जे अब्बे भूख्खे हिन, किजोकी तुसा रजाये जाणे धन्न हिन तुसां, जे अब्बे रोन्दे हिन, किजोकी इदेया बेल्ला भी आणा जां तुसा हसणा।

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

याकूब 1:11

जिय्यां सूरज उगदे कने ही कड़ी धूप्प पैंदी ते घा जो सुखाई दिंदी, ते तिसेरा फूल्ल झड़ी जादां, ते तिसेरी खूबसुरती मिटी जांदी; तिय्यां ही अमीर मणू ने अपणे कम्मां जो करणे बिच ही मुकी जाणा।

प्रकाशित वाक्य 21:4

परमेश्वर ने तिन्हेरी हाख्खियां का सारे आँसु पूंजी दैणे। तिसका बाद कुसकी ने कदी भी कोई दुख महसूस नी करणा, ना कुसकी ने मरणा, किजोकी अवे पुराणी दुनिया नी रैह्णी।