प्रकाशित वाक्य 7:13 - चम्बयाली नौआ नियम

¹³ इसेरे बाद बुजुर्ग मणू बिच का इक्क ने मेरे जो पूच्छेया, तू इन्हा लोक्कां जो जाणदा जिन्हा ने चिट्टे चोग्गे पाए रे हिन? तू जाणदा कि ए मणू कुते का आए रे हिन?

प्रकाशित वाक्य 7:13 ပူးပေါင်းရင်းမြစ်များ

यूहन्ना 7:28

तां यीशु ने मन्दिर रे अंगण बिच उपदेस दिंदे बेल्ले ऊच्ची अवाज बिच बोल्लेया, तुसा मेरे जो जाणदे ते ए भी जाणदे कि मैं कुते का है: मैं अपणे पास्से का नी आया पर मेरा भेजणे वाला सच्चा हैं, तिसजो तुसा नी जाणदे,

प्रेरितां रे कम्म 3:12

ए दिख्खी करी पतरस ने लोक्कां जो बोल्लेया, ओ इस्राएलियों, तुसा इस मणू पर हैरान किजो होया करदे हिन, ते असा पास्से इय्यां किजो दिख्खेया करदे हिन कि मन्नों असा ही ने अपणी ताकत या भक्ति कने इसजो चलणे-फिरणे जोग्गा बणाई दित्ता।

प्रकाशित वाक्य 3:4

पर सरदीस सहर बिच तुसा लोक्कां बिच किच्‍छ इदेय मणू भी हिन जे पाप कने भिठ्ठे नी होए रे हिन। तिन्हा ने मेरे कने चिट्टे कपड़े पाई करी चलणा, किजोकी से मणू इसेरे काबिल हिन।

प्रकाशित वाक्य 4:4

तिस सिंहासन रे चौं पास्से होर चौबी सिंहासन थिये जिन्हा पर चौबी बुजुर्ग मणू बैठ्ठे रे थिये तिन्हा ने चिट्टा कपड़ा ते अपणे सिर पर सोन्ने रा मुकुट पाए रा थिया।

प्रकाशित वाक्य 5:11

जां मैं फिरी दिख्खेया, तां मैं चाणचक्के ही लख्खों-लख्खों स्वर्गदूतां री अवाज सूणी, तिन्हेरी कोई गिनती नी होई सकदी थी। से सारे राज्जे रे सिहांसन, तिन्हा चार जींद्दे प्राणियां, ते चौब्बी बुजुर्गां रे चारो पास्से खड़ित्ते रे थिये।

प्रकाशित वाक्य 5:5

तां तिन्हा बुजुर्ग लोक्कां बिच का इक्क ने मेरे जो बोल्लेया, मत रोआं, दिख्ख, से शेर, यहूदा रे ‍खानदान रा ताकतवर राज्जा, दाऊद राज्जे रे वंशज ने शैतान जो हराई दित्ते रा! इधेरे तांइ से इस कताब री मौहर जो खोलणे ते तिस बिच लिख्खे री गल्ल जो पढ़ने रे काबिल है।

प्रकाशित वाक्य 7:9

इसेरे बाद मैं दिख्खेया की, हर इक्क जाति, कुल, देस, भाषा, ते लोक्कां री भीड़, जिस जो कोई गिणी नी सकदा थिया चिट्टे कपड़े पाये रे, अते अपणे हत्थां बिच खजूर री डालियां लेई करी सिंहासन अते उरणू रे सामणे खड़ित्ते री थी,