प्रकाशित वाक्य 7:11 - चम्बयाली नौआ नियम

¹¹ अते से सारे स्वर्गदूत तिस सिंहासन, ते तिन्हा चार प्राणिया, ते चौब्बी बुजुर्गां रे चारो पास्से खड़ित्ते रे थिये। से सारे झुकी करी परमेश्वर री अराधना करी के बोलणा लग्गे,

प्रकाशित वाक्य 7:11 ပူးပေါင်းရင်းမြစ်များ

मत्ती 4:10

तां यीशु ने तिसजो बोल्लेया, “ओ शैतान, दुर होई जा किजोकी पवित्रशास्त्र बिच लिख्खे रा है, ‘तू प्रभु अपणे परमेश्वर जो ही प्रणाम कर अते सिर्फ उन्हेरी ही सेवा कर।’”

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

इब्रानियों 1:6

जां परमेश्वर ने अपणे महिमामय मुंडे जो इस दुनिया रे लोक्कां बिच भेज्जेया, तां तिन्हा ने अपणे स्वर्गदूतां जो पुत्तर री अराधना करणे रा हुकम दित्ता।

प्रकाशित वाक्य 11:16

चौब्बी बुजुर्ग लोक, जे परमेश्वर रे सामणे अपणे-अपणे सिंहासन पर बैठे रे थिये, मुँह रे भारे पेई करी परमेश्वर री अराधना करी करी के,

प्रकाशित वाक्य 15:4

ओ प्रभु, कुण तेरे का नी डरगा ते तेरे नां री महिमा नी करगा? किजोकी सिर्फ तू ही पवित्र है सारी जातियां आई तेरे सामणे प्रणाम करगी, किजोकी तेरे इंसाफ रे कम्म सामणे आई गेरे हिन।

प्रकाशित वाक्य 22:9

पर तिनिए मेरे जो बोल्लेया, दिख, इय्यां मत कर किजोकी मैं तेरा, ते तेरे भ्याल भविष्यद्वक्ता, ते इस कताब री गल्लां जो मनणे वालेयां रा सोग्गी दास है परमेश्वर जो ही प्रणाम करेयां

प्रकाशित वाक्य 4:4

तिस सिंहासन रे चौं पास्से होर चौबी सिंहासन थिये जिन्हा पर चौबी बुजुर्ग मणू बैठ्ठे रे थिये तिन्हा ने चिट्टा कपड़ा ते अपणे सिर पर सोन्ने रा मुकुट पाए रा थिया।

प्रकाशित वाक्य 4:6

तिस सिहांसन रे सामणे सीसा सांई इक्क साफ ते समुंद्र जिन्ना चौड़ा मैदान थिया, से सिंहासन तिस जगाह् रे बिल्कुल बिच मझाटे थिया ते मैं तिसेरे चारो पास्से चार जींद्दे प्राणियां जो दिख्खेया।

प्रकाशित वाक्य 4:8

इन्हा चारो जींद्दे प्राणियां रे छे-छे पंख्ख थिये, तिन्हेरे चौं पास्से, ते अन्दर भी हाख्खियां ही हाख्खियां थी, ते रात-दिन बगैर अराम कित्ते रे ए बोलदे रैह्‍न्दे थिये, कि सबका जादा ताकतवर परमेश्वर पवित्र, पवित्र, पवित्र है।