प्रकाशित वाक्य 7:10 - चम्बयाली नौआ नियम

¹⁰ अते बड्डी ऊच्ची अवाज बिच हक्कां लांदी बोल्लेया करदी थी, सिंहासन पर बैठ्ठे रे असा रे परमेश्वर री तारीफ हो, ते “उरणू” री भी महिमा हो! तुसा रे जरिये ही छुटकारा मिलदा।

प्रकाशित वाक्य 7:10 ပူးပေါင်းရင်းမြစ်များ

लूका 3:6

अते सबणी मणूआं ने तिसजो दिख्खी लैण जिस जो परमेश्वर ने असा रे छुटकारा तांइ भेजणा।”

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

यूहन्ना 1:36

कने तिसने यीशु जे जाए करदे थिये दिख्खी करी बोल्लेया दिख ए परमेश्वर रा मेमना है

यूहन्ना 4:22

तुसा सामरी कस्बे रे मणू जिस जो नी जाणदे, तिसेरी अराधना करदे, ते असी यहूदी मणू जिस जो जाणदे तिसेरी अराधना करदे, किजोकी छुटकारा यहूदियां बिच का है।

इफिसियों 2:8

परमेश्वर ने तुसा जो अपणे अनुग्रह ते तुसा रे मसीह यीशु बिच विश्वास करणे री वजह कने छुटकारा दित्तेया। तुसा अप्पु छुटकारा नी पाया, पर ए परमेश्वर रा दान है।

प्रकाशित वाक्य 12:10

अवे असा रे परमेश्वर ने अपणे लोक्कां जो बचाणा! अवे तिन्हा ने अपणी ताकत रा इस्तेमाल करणा ते दुनिया पर राज करणा! अवे तिन्हेरे मसीह ने दुनिया पर अपणा हक रा एलान करणा। किजोकी अवे शैतान असा रे परमेश्वर रे सामणे असा रे संगी विश्वासियां पर दिन-रात इल्जाम लाणे तांइ नी खड़ी सकदा। तिसजो स्वर्ग का बाहर सूटी दित्ते गे रा है।

प्रकाशित वाक्य 19:1

तिस ताकतवर स्वर्गदूत रे गल्ल पूरी करी लैणे रे बाद मैं स्वर्ग बिच मन्नों बड्डी भीड़ जो बड़ी अवाज कने ए बोलदे सूणेया, “हाल्लेलुयाह, छुटकारा ते महिमा ते ताकत असा रे परमेश्वर री ही है।

प्रकाशित वाक्य 21:5

तां से जे सिंहासन पर बैंदे, तिन्हा ने बोल्लेया, “ते अवे मैं हर इक्क चीज जो नौआ बनाणा!” तिन्हा ने मेरे जो ए भी बोल्लेया, “जे गल्लां मैं बोल्ले री है तिन्हा जो लिख्खी लै, तू इन्हा पर विश्वास करी सकदा किजोकी ए चीजां जरुर पूरी होणी।”

प्रकाशित वाक्य 22:3

तिस सहर बिच रैह्णे वाले लोक्कां पर परमेश्वर रा श्राप नी रैह्णा, ते परमेश्वर रा सिंहासन ते उरणू ने अप्पु भी तिस सहर बिच होणा, ते परमेश्वर रे सेवादार मणूआं ने तिन्हेरी सेवा करणी।

प्रकाशित वाक्य 4:6

तिस सिहांसन रे सामणे सीसा सांई इक्क साफ ते समुंद्र जिन्ना चौड़ा मैदान थिया, से सिंहासन तिस जगाह् रे बिल्कुल बिच मझाटे थिया ते मैं तिसेरे चारो पास्से चार जींद्दे प्राणियां जो दिख्खेया।

प्रकाशित वाक्य 5:7

फिरी परमेश्वर रा उरणू अग्गे आया ते जे सिंहासन पर बैठे रा थिया, तिसेरे सज्जे हत्थ का से कताब लेई लित्ती।