प्रकाशित वाक्य 7:1 - चम्बयाली नौआ नियम

^1-2 इसेरे बाद मैं चार स्वर्गदूतां जो धरती रे चार कूणेयां पर खड़ित्ते रे दिख्खेया। तिन्हा जो परमेश्वर का ए हक मिल्ले रा थिया कि चाए धरती हो या समुंद्र, से महामारी कने धरती रे लोक्कां रा नुक्सान करे। तिन्हा ने धरती रे चारो कूणेयां का हवा जो बांद्द करी दित्तेया, ताकि धरती पर, जंगला बिच ते समुंद्र पर कोई हवा ना चली सके। ते फिरी मैं पूरब दिसा बिच इक्क होर स्वर्गदूत जो दिख्खेया। तिसजो हमेसा-हमेसा तिकर जीणे वाले परमेश्वर का इक्क मौहर मिल्ले री थी। तिस स्वर्गदूत ने बाकि रे चार स्वर्गदूतां जो जोर कने हक्क लाई करी ए बोल्लेया,

प्रकाशित वाक्य 7:1 ပူးပေါင်းရင်းမြစ်များ

मत्ती 24:31

तिन्हा ने तुरही री बड़ी अवाज कने अपणे स्वर्गदूतां जो अग्गे भेजणा, ते तिन्हा आसमान रे इस कुणे का लेई करी तिस कुणे तिकर, चारों पास्से का तिन्हेरे चुणे रे लोक्कां जो कठेरणा।

मरकुस 13:27

तिस बेल्ले मैं अपणे स्वर्गदूतां जो भेजी करी, धरती ते आसमान रे हर कुणे का अपणे चुणे रे मणूआं जो कठेरणा।

प्रकाशित वाक्य 6:6

अते मैं तिन्हा चारो प्राणी रे बिच का मन्नो इक्क अवाज जो ए बोलदे सूणेया, “इक्क धियाड़ी री मजूरी रे इक्क किल्लो कणक, ते दीनार रा इक्क किल्लो जौ, पर तेल, अगूंर रे रस्स जो नुक्सान मत पूजांदे।”

प्रकाशित वाक्य 7:3

जां तांइ असा अपणे परमेश्वर रे भक्तां रे मत्थे पर मौहर नी लगाई दिंदे, तां तांइ धरती, समुन्द्र अते बूट्टेयां जो नुक्सान मत पूजांदे।

प्रकाशित वाक्य 8:7

पैल्ले स्वर्गदूत ने तुरही बजाई, ते खून कने मिल्ले रे औले ते आग्ग धरती पर पे। ते इसेरा नतीज्जा ए होया कि धरती रा इक्क तिहाई फुक्की गेया, ते सब हरा घा भी फुक्की गेया।

प्रकाशित वाक्य 9:14

ते तिस अवाज ने तिस छठमे स्वर्गदूत जो, जिस का से तुरही थी, ए बोल्लेया कि तिन्हा चार दूत जो खोल्ली दे जे बड्डी नदी फरात रे कन्ने बन्ने रे हिन।

प्रकाशित वाक्य 9:4

ते जिय्यां कुसकी भी मणू जो बिच्छु रे कटणे कने पीड़ हुंदी, इन्हा टिड्डेयां जो तिन्हा लोक्कां जो जिन्हा रे मत्थे पर परमेश्वर री मौहर नी लग्गे री थी, तैसी ही पीड़ दैणे रा हक दित्तेया गेया थिया। पर तिन्हा जो कुसकी, बूट्टे, पौधे या घा जो नुक्सान दैणे रा हक नी मिल्ले रा थिया।