प्रकाशित वाक्य 6:9 - चम्बयाली नौआ नियम9 अते जां “उरणू” ने पंजवी मौहर खोली, मैं तिस वेदी रे थल्ले तिन्हा लोक्कां री आत्मां दिख्खी जिन्हा जो इधेरे तांइ मारी दित्तेया गेया थिया किजोकी से परमेश्वर रे वचन तांइ ते तिस बसेख तांइ भरोस्सेमंद बणी करी रे थिये जिस जो तिन्हा ने मन्नेया थिया। အခန်းကိုကြည့်ပါ။ |
प्रकाशित वाक्य 6:9
21 ပူးပေါင်းရင်းမြစ်များ
इस वजह कने दूज्जे लोक्कां जो असा रे प्रभु मसीह यीशु रे बारे बिच दसणे का शरमाओ मत, ते तुसा जो इधेरे तांइ भी शर्मिंदा होणे री जरुरत नी है किजोकी मैं तिन्हेरी सेवा करणे री वजह कने कैद बिच है। इसेरे बजाए तुसा जो से ताकत इस्तेमाल करणी चाएदी जे तुसा जो परमेश्वर दिंदे ते सुब बसेख तांइ मेरे कने मेरी तकलीफ बिच हिस्सेदार बणी जाओ।
मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।
मैं जाणदा कि तुसा रा कस्बा शैतान रे वस बिच है, पर इय्यां हुंदे होए भी तुसा ने मेरे बिच अपणा विश्वास मजबूती कने बणाई रख्खेया ते मेरे पर विश्वास करणा नी छड्डेया, तिस बेल्ले भी नी जां लम्बे समय पैल्ले अन्तिपास जो मारी दित्तेया गेया थिया। से मेरा बसेख सुनाणे बिच भरोस्सेमंद थिया, इधेरे तांइ तिसजो तुसा रे कस्बे बिच मारी रख्खेया गेया जित्ते शैतान रा काबू है।
फिरी मैं सिहांसन दिख्खे, ते तिन्हा पर मणू बेई गे, ते तिन्हा जो इंसाफ करणे रा हक्क दित्तेया गेया, मैं तिन्हा री आत्मा जो भी दिख्खेया, जिन्हेरे सिर यीशु री ग्वाही दैणे ते परमेश्वर रे वचन रे वजह कने कटी दित्ते गे, ते जिन्हा ने ना तिस ड्रोणे जानवर री ते तिसेरी मूर्ति री पूजा कित्ती थी, ते ना तिसेरी छाप अपणे मत्थे ते हत्थां पर लित्ती थी, से जिन्दे होई करी मसीह यीशु कने हजार साल्लां तिकर राज करदे रेय।
तित्ते का इक्क होर स्वर्गदूत आया ते से वेदी रे सामणे खड़ी गेया। तिस स्वर्गदूत रे हत्थ बिच धूप जलाणे तांइ इक्क सोन्ने रा डोंगा थिया। तिसजो लोक्कां री प्रार्थना कने फुकणे तांइ होर भी धूप दित्तेया गेया। तिनिये तिन्हा प्रार्थनां जो धूप कने तिस वेदी रे अग्गे फुक्केया जे परमेश्वर रे सिंहासन रे सामणे थिया।
ကြော်ငြာတွေ