प्रकाशित वाक्य 6:8 - चम्बयाली नौआ नियम

⁸ अते मैं दिख्खेया कि इक्क हल्के पिले रांग रा घोड़ा दिख्खेया, अते तिसेरे सवार रा नां मौत थिया, अते पताल तिसेरे पीच्छे-पीच्छे चलेया करदा थिया तिन्हा जो धरती पर रैह्णे वाले लोक्कां रे इक्क-चौथाई गिनती जो मारी रखणे रा हक मिल्ले रा थिया। तिन्हा ने लोक्कां जो तलवारां कने मारेया, तिन्हा ने लोक्कां जो भुखमरी कने मारी रख्खेया, तिन्हा ने बुरी-बुरी बिमारियां कने तिन्हा जो मारेया, तिन्हा ने जंगली जानवरा रे जरिये तिन्हा जो मारेया।

प्रकाशित वाक्य 6:8 ပူးပေါင်းရင်းမြစ်များ

मत्ती 11:23

ओ कफरनहूम कस्बे रे लोक्को, तुसा कै सोचदे कि तुसा जो स्वर्ग री महिमा तक उच्चा उठाया जाणा? तुसा जो तां पताल तांइ नीच्चे सुट्टेया जाणा, किजोकी जे चमत्कारी कम्म तुसा लोक्कां बिच कित्ते गे, जे अगर से सदोम सहर बिच कित्ते जांदे, तां से कदी भी नास नी कित्तेया जांदा।

मत्ती 24:7

किजोकी जाति पर जाति, ते राज पर राज ने हमला करणा, ते जगाह्-जगह अकाल पैणे, ते भुकम्प होणे।

1 कुरुन्थियों 15:55

ओ मौत, तेरी जीत कुते गई? ओ मौत, तेरा डकं कुते रेया?

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 12:4

तिसेरी चूमट ने आसमान रे तारेयां री इक्क तिहाई जो खिच्ची करी धरती बिच पाई दित्तेया, अते से अजगर तिस जनानी रे सामणे खड़ी गेया कि जिय्यां ही से बच्चे जो जन्म दे, तां से तिस बच्चे जो खाई जाए।

प्रकाशित वाक्य 9:15

इधेरे तांइ शैतान रे से चार दूत कठिये। से पैल्ले का ही तैयार थिये ते तिन्हा जो इस बेल्ले, दिन, महिन्ने ते साल रा इंतजार करणे तांइ बोल्लेया गेया थिया, ते अवे से समय आई गे रा थिया। तिन्हा ने मणूआं रा इक्क-तिहाई हिस्सा मारी रखणा।

प्रकाशित वाक्य 9:18

इन्हा तिन्नो महामरियां, मतलब आग्ग, धुआं अते गन्धक जे तिन्हेरे मुँह का निकलदी थी, मणूआं री इक्क तिहाई मारी दित्ती गई