प्रकाशित वाक्य 6:4 - चम्बयाली नौआ नियम

⁴ ते फिरी इक्क लाल घोड़ा तिस जगाह् का निकलेया जित्ते से सिंहासन थिया। परमेश्वर रे तिस घोड़े रे सवार जो धरती पर रैह्णे वाले लोक्कां बिच लड़ाई कराणे री ताकत दित्ते री थी, ताकि से मणू इक्क-दूए जो लड़ाईयां बिच मारी रखण। इस मकसद तांइ परमेश्वर ने तिस घोड़े रे सवार जो इक्क बड्डी तलवार भी दित्ते री थी।

प्रकाशित वाक्य 6:4 ပူးပေါင်းရင်းမြစ်များ

मत्ती 10:34

ए मत सोच्चो कि मैं दुनिया रे लोक्कां बिच मेल-मिलाप करवाणा आए रा है, पर लोक्कां जो इक्क-दूए रे खिलाफ करणा आए रा है,

मत्ती 24:6

तुसा लड़ाईयां ते लड़ाईया री गल्लां सूणनी, तां डरी मत जादें किजोकी इन्हेरा होणा पक्का है, पर तिस बेल्ले खातमा नी होणा।

यूहन्ना 19:11

यीशु ने जवाब दित्तेया, जे अगर तिज्जो परम परमेश्वर का ए हक्क नी मिलदा, तां तेरा मेरे पर कोई हक नी हुन्दा। इधेरे तांइ मेरे जो तेरे हत्थां पकड़वाए रा है, से तेरे का भी बड्डा पापी है।

प्रकाशित वाक्य 12:3

ते इक्क होर निशानी आसमान बिच दिस्सि, अते दिखो, इक्क बड़ा बड्डा लाल अजगर थिया जे शैतान है, जिसेरे सत्त सिर अते दस्स सींग थिये, ते सिरां पर सत्त राज मुकुट थिये।

प्रकाशित वाक्य 13:10

जिन्हेरे भाग्य बिच कैद बिच पैणा है, तिन्हा ने कैद होणा ही होणा, जिन्हेरा तलवार कने मरणा तय है, तिन्हा ने तलवार कने मरणा ही मरणा। इधेरे तांइ पवित्र मणूआं रा सारी मुसीबतां जो सहन करणा ते सबर कने विश्वास बिच बणी रैह्णा जरुरी है।

प्रकाशित वाक्य 17:3

तां पवित्रात्मा री मदद कने स्वर्गदूत मेरे जो बियाबान बिच लेई गेया, ते मैं इक्क जनानी जो लाल रांग रे ड्रोणे जानवर री सवारी करदे दिख्खेया। तिसेरे सत्त सिर ते दस सींग थिये। तिसेरे पूरे सरीर पर इदेय नां लिखित्ते रे थिये जिस कने परमेश्वर री बेजती हुंदी हो।

प्रकाशित वाक्य 17:6

ते मैं दिख्खेया कि से जनानी परमेश्वर रे लोक्कां रे खून कने इदेइ मतवाल्ली होए री थी कि जिय्यां मणू सराब पीणे कने हुंदे, तिन्हा लोक्कां रे खून कने जे इधेरे तांइ मारे गे किजोकी से परमेश्वर तांइ भरोस्सेमंद थिये। मेरे जो बड़ा वरी दुख होया।”