प्रकाशित वाक्य 6:12 - चम्बयाली नौआ नियम

¹² तां मैं दिख्खेया कि तिस “उरणू” ने छठमी मौहर खोल्ली दित्ती, ते तित्ते बड़ा बड्डा भुकम्प होया। सूरज बिल्कुल घणे काले कम्बल सांई काला होई गेया, ते चाँद रा रांग खून सांई लाल होई गेया।

प्रकाशित वाक्य 6:12 ပူးပေါင်းရင်းမြစ်များ

मत्ती 11:21

लाणत है तुसा पर खुराजीन सहर बिच रैह्णे लोक्कों! लाणत है तुसा पर बैतसैदा सहर बिच रैह्णे लोक्कों! जे चमत्कारी कम्म तुसा बिच कित्ते गे, जे से सूर अते सैदा रे सहर बिच कित्ते जान्दे, तां टाट रे कपड़े लेई करी अते अपणे जिस्म बिच राख मली करी अवसोस करदे अपणे पाप्पां का तौबा करी लित्ते रा होणा थिया।

मत्ती 24:29

तिन्हा दिनां रे दुखां रे बिल्कुल बाद बिच ही स्वर्ग न्याहरा होई जाणा, ते चाँद री रौसनी चली जाणी, ते तारें आसमान का डिग्गी पैणे ते स्वर्ग री ताकतां हिलाई जाणी।

मत्ती 24:7

किजोकी जाति पर जाति, ते राज पर राज ने हमला करणा, ते जगाह्-जगह अकाल पैणे, ते भुकम्प होणे।

मत्ती 27:45

दोपहर का लेई करी त्रिये पहर तिकर तिस सारे देस बिच न्याहरा होई गेया।

मत्ती 27:54

तां सूबेदार ते जे तिन्हेरे कने यीशु रा पैह्रा देया करदे थिये, हिल्लण ते जे किच्‍छ होया थिया तिसजो दिखिकरी बड़े वरी डरी गे ते बोल्लेया, सच्ची ए परमेश्वर रा पुत्तर थिया!

मत्ती 28:2

अते दिख्खो, इक्क बड़ा बड्डा हिलण गेया, किजोकी स्वर्ग का इक्क स्वर्गदूत तित्ते उतरेया अते तित्ते आई करी उसने कब्र का पत्थर जो लुढ़ाकाई दित्तेया अते उस पर बेई गेया।

मरकुस 15:33

धियाड़ी रे बारा बजे का लेई करी तीन्न बजे तिकर सारे जगाह् बिच न्याहरा होई गेया।

प्रकाशित वाक्य 11:13

फिरी तिस बेल्ले यरुशलेम सहर बिच इक्क बड़ा बड्डा हिलण होया, ते सहर दसमां हिस्सा छुड़की पेया, ते तिस हिलण कने सत्त हजार मणू मरी गे, ते बाकि बचे रे डरी गे, ते तिन्हा ने परमेश्वर री महिमा कित्ती जे स्वर्ग बिच हिन।

प्रकाशित वाक्य 16:18

फिरी बिजली चमकी ते अवाज ते गर्जन होई ते इक्क इदेया बड्डा भूकपं आया की जां रा मणू पैदा होया तां का इदेया बड्डा भुकंप कदी नी होया, इस कने तिस बड्डे सहर रे त्रै टोट्टे होई गे ते जाति-जाति रे सहर पेई गे ते बड्डे बाबेल जो परमेश्वर रे इत्ते याद कित्तेया गेया की से अपणे गुस्से री मदिरा तिसजो पिलाए।

प्रकाशित वाक्य 16:8

चौथे स्वर्गदूत ने अपणा कटोरा सूरज पर उन्धेरी दित्तेया ते तिसजो मणूआं जो आग्ग कने फुकी दैणे रा हक्क दित्तेया गेया।

प्रकाशित वाक्य 8:12

ते चौथे स्वर्गदूत ने तुरही फुक्की, अते सूरज रा इक्क तिहाई, चाँद तिहाई ते तारेयां रे इक्क तिहाई हिस्से कने किच्‍छ बड़े जोरे टकराया ते तिन्हेरा बड़ा जादा नुक्सान होया, इसेरे नतीज्जे रे तौर पर सूरज दिन रे इक्क-तिहाई समय तिकर नी चमकेया, ते चाँद ते तारे रात्ती रे इक्क-तिहाई समय तिकर नी चमके।

प्रकाशित वाक्य 8:5

ते स्वर्गदूत ने धूपदान लेई करी तिस बिच वेदी रे भखदे कोले भरे, ते धरती बिच पाई दित्ते, ते बिजली चमकणा लग्गी ते गर्जनां होई।