प्रकाशित वाक्य 6:1 - चम्बयाली नौआ नियम

¹ जां मैं दिख्खेया कि “उरणू” ने उन्हा सत्त मौहरां बिच का इक्क जो खोल्लेया, तां मैं उन्हा चार प्राणियां बिच का इक्क जो बद्दल री गर्जन जदेई अवाज बिच ए बोलदे सूणेया, जा!

प्रकाशित वाक्य 6:1 ပူးပေါင်းရင်းမြစ်များ

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

प्रेरितां रे कम्म 4:20

किजोकी ए तां असा का होई नी सकदा कि जे किच्‍छ असा ने दिख्खेया ते सुणे रा ओ से ना बोलण

प्रकाशित वाक्य 11:19

ते परमेश्वर रा मन्दिर जे स्वर्ग बिच है, तिसजो खोल्लेया गेया, अते तिन्हेरे मन्दिर बिच तिन्हेरी वाचा रा सन्दूक दिस्सेया, अते बिजलियां रे कड़कणे ते अवाजां ते गड़गड़ाहट अते हिलण होये अते बड्डे बड्डे औले पे।”

प्रकाशित वाक्य 13:8

धरती रे सारे मणूआं ने तिसेरी अराधना कित्ते री है। जिन्हा लोक्कां रे नां तिस जिन्दगी री कताब बिच दुनिया जो बणाणे रे पैल्ले लिख्खे गेरे हिन, सिर्फ तिन्हा ने ही तिस ड्रोणे जानवर री अराधना नी कित्ती। से जिन्दगी री किताब, तिस “उरणू” री कताब है जिस जो कुर्बान कित्तेया गेया थिया।

प्रकाशित वाक्य 14:2

ते स्वर्ग का मेरे जो इक्क इदेयी अवाज सुणिती, जे झरने ते बड़ी गर्जन री अवाज सांई अवाज थी, अते जे अवाज मैं सूणी, से इदेयी थी, कि मन्नो वीणा बजाणे वाला वीणा बजाया करदे हो।

प्रकाशित वाक्य 19:6

फिरी मैं बड्डी भीड़ जदेया ते बड़े झरने री अवाज ते गर्जन री अवाज सूणी, हाल्लेलुयाह: किजोकी प्रभु असा रा सर्वशक्तिमान परमेश्वर राज करदे।

प्रकाशित वाक्य 4:8

इन्हा चारो जींद्दे प्राणियां रे छे-छे पंख्ख थिये, तिन्हेरे चौं पास्से, ते अन्दर भी हाख्खियां ही हाख्खियां थी, ते रात-दिन बगैर अराम कित्ते रे ए बोलदे रैह्‍न्दे थिये, कि सबका जादा ताकतवर परमेश्वर पवित्र, पवित्र, पवित्र है।

प्रकाशित वाक्य 5:1

फिरी मैं दिख्खेया कि जे सिंहासन पर बैठे रा थिया, तिन्हेरे सज्जे हत्थ बिच इक्क कताब थी, तिस पर दोन्नों पास्से लिखित्ते रा थिया, अते से सत्त मौहर लगाई करी बांद्द कित्ते री थी।

प्रकाशित वाक्य 5:12

अते से ऊँची अवाज बिच गाया करदे थिये, “से उरणू जे कुर्बान कित्तेया गेया थिया, से महिमा रे लायक है। तिन्हेरा हक बड़ा उच्चा है। तिन्हेरा ज्ञान बड़ा गहरा है। से बड़े जादा ताकतवर ते अमीर हिन। असी तिन्हेरी इज्जत करण, असी तिन्हेरा आदरमान करण, असी तिन्हेरी तारीफ करण।”

प्रकाशित वाक्य 5:8

जां तिसने कताब लेई लित्ती तां से चारो प्राणी अते चौबी बुजुर्ग मणू तिस उरणू रे सामणे झुकी गे, अते हर इक्क बुजुर्ग रे हत्थां बिच वीणा ते धूप कने भरित्ते रे सोन्ने रे बणे रे डोंगे थिये, जे परमेश्वर री सेवा करणे वाले पवित्र मणूआं री प्रार्थना जो दर्शांदा थिया।

प्रकाशित वाक्य 6:3

जां तिस “उरणू” ने दूज्जी मौहर खोल्ली तां मैं दूज्जे प्राणी जो ए बोलदे सूणेया, जा!

प्रकाशित वाक्य 6:5

अते जां “उरणू” ने तिज्जी मौहर खोली, तां मैं तिज्जे प्राणी जो ए बोलदे सूणेया, जा! अते मैं इक्क काले घोड़े जो निकलदे दिख्खेया ते तिसेरे सवार रे हत्थे इक्क तरकड़ी थी।

प्रकाशित वाक्य 6:7

अते जां उरणू ने चौथी मौहर खोली तां मैं चौथे प्राणी जो ए बोलदे सूणेया, जा

प्रकाशित वाक्य 8:1

जां “उरणू” ने सतमी मौहर खोली, तां स्वर्ग बिच अद्दे घंटे तांइ सन्नाटा छाई गेया।