प्रकाशित वाक्य 5:9 - चम्बयाली नौआ नियम

⁹ से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”

प्रकाशित वाक्य 5:9 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

मत्ती 26:28

किजोकी ए मेरा वाचा रा से खून है, जो मतेयां रे पाप्पां री माफी तांइ बहाया जादां।

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

1 कुरुन्थियों 6:20

किजोकी प्रभु ने सुली पर कुर्बानी देई करी तुसा री कीमत चुकाए री है। इधेरे तांइ अपणे सरीर कने ठीक कम्म करी के परमेश्वर री महिमा करो।

1 कुरुन्थियों 7:23

मसीह यीशु ने सुली पर कुर्बानी देई करी तुसा री कीमत चुकाए री है इधेरे तांइ कुसकी मणू रे नी पर परमेश्वर रे गुलाम बणो।

इफिसियों 1:7

परमेश्वर ने असा जो मसीह रे खून बहाई करी कुर्बानी दैणे रे जरिये छुटकारा दित्ते रा है, जिसेरा मतलब ए है कि असा रे पाप माफ होई गेरे हिन किजोकी परमेश्वर रा अनुग्रह इन्ना महान है जे तिन्हा ने असा पर बड़ा जादा कित्ते रा है।

इफिसियों 5:19

ते अप्पु-मिते इक्क दूए जो भजन संहिता सूणाई करी होंसला देया करो। स्तुतीगान ते आत्मिक गीत गाई करी परमेश्वर री महिमा करेया करो, ते अपणे-अपणे मनां बिच परमेश्वर रे सामणे गांदे ते किर्तन करदे रेयो।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

इब्रानियों 11:14

ते जे मणू इदेइ गल्लां बोलदे थिये, से इस दुनिया बिच अजनबी हिन। से मणू इक्क इदेय देस जो अपणे हक बिच रखणे री उम्मीद बिच हिन, जे तिन्हेरा अपणा होणा।

2 पतरस 2:1

जिय्यां कि बड़े पैल्ले झूठ्ठे भविष्यद्वक्तां उठे थिये, तिय्यां ही तुसा बिच झूठ्ठे शिक्षक उठणे। तिन्हा ने झूठ्ठी शिक्षा देया करणी जिसेरी वजह कने लोक्कां ने मसीह बिच विश्वास करणा छड्डी दैणा। इत्ते तिकर तिन्हा ने मसीह जो अपणा मालिक बणने का इन्कार करी दैणा जिन्हेरा तिन्हा लोक्कां पर हक है ते जिन्हा ने तिन्हा लोक्कां जो पाप रे काबू का अजाद कित्ते रा है। तिस्सी तरिक्के कने तिन्हा ने अप्पु जो चाणचक्के ही मुकाई दैणे री वजह बणना।

1 यूहन्ना 1:7

पर जिय्यां परमेश्वर रौसनी बिच हिन जे अगर असी भी तिय्यां ही रौसनी बिच जिन्दगी बिताण ते असी परमेश्वर कने अप्पु मिते इक्क-दूए कने मेल-मिलाप रखगे, ते तां मसीह यीशु रे खून ने असा रे पाप्पां का साफ करणा।

1 यूहन्ना 2:2

ते मसीह यीशु असा रे पाप्पां री कीमत चुकाणे तांइ कुर्बान होया, ते सिर्फ असा तांइ ही नी पर सारी दुनिया रे लोक्कां रे पाप्पां तांइ भी।

प्रकाशित वाक्य 10:11

तां मेरे जो ए बोल्लेया गेया, कि तिज्जो बड़े मणूआं, अते गैर यहूदियां रे मणूआं, अते भाषा, ते राज्जेयां पर, फिरी भविष्यवाणी करणी पैणी।

प्रकाशित वाक्य 11:9

ते सब कुल, देस, भाषा, ते लोक्कां ने तिन्हेरी लासां जो साड्डे त्रै रोज तांइ दिखदे रैह्णा, अते तिन्हेरी लासां जो कब्र बिच रखणे नी दैणा।

प्रकाशित वाक्य 13:7

तिस ड्रोणे जानवर जो ए हक दित्तेया गेया, कि पवित्र मणूआं कने लड़े, ते तिन्हा जो हराई दे, अते तिसजो हर इक्क जाति, कुल, देस, ते भाषा पर हक दित्तेया गेया।

प्रकाशित वाक्य 13:8

धरती रे सारे मणूआं ने तिसेरी अराधना कित्ते री है। जिन्हा लोक्कां रे नां तिस जिन्दगी री कताब बिच दुनिया जो बणाणे रे पैल्ले लिख्खे गेरे हिन, सिर्फ तिन्हा ने ही तिस ड्रोणे जानवर री अराधना नी कित्ती। से जिन्दगी री किताब, तिस “उरणू” री कताब है जिस जो कुर्बान कित्तेया गेया थिया।

प्रकाशित वाक्य 14:6

फिरी मैं इक्क होर स्वर्गदूत जो आसमान बिच उड़दे दिख्खेया जिस का धरती बिच रैह्णे वाले इक्क कुल, देस, भाषा, ते लोक्कां जो सुनाणे तांइ हमेसा सुब बसेख थिया।

प्रकाशित वाक्य 15:3

से परमेश्वर रे दास मूसा रा गीत ते “उरणू” रा गीत गाई-गाई करी बोलदे थिये, ओ सर्वशक्तिमान प्रभु-परमेश्वर, तुसा रे कम्म महान ते अनौखे हिन ओ जुग-जुग रे राज्जे, तेरी चाल ठीक ते सच्ची है।

प्रकाशित वाक्य 17:15

स्वर्गदूत ने मेरे कने भी बोल्लेया, “जे पाणी तैं दिख्खेया, जिस पर से वेश्या बैंदी, से देस, लोक, जातियां, ते भाषां हिन।”

प्रकाशित वाक्य 4:11

ओ असा रे परमेश्वर, “तुसी अराधना रे काबिल हिन। तुसा आदरमान रे काबिल हिन। तुसा ताकतवर हिन किजोकी तुसा ने सब किच्‍छ बणाया। ए तुसा री मर्जी थी इधेरे तांइ तुसा ने से सब किच्‍छ बणाया ते तिन्हेरे अवे वजूद है।”

प्रकाशित वाक्य 5:12

अते से ऊँची अवाज बिच गाया करदे थिये, “से उरणू जे कुर्बान कित्तेया गेया थिया, से महिमा रे लायक है। तिन्हेरा हक बड़ा उच्चा है। तिन्हेरा ज्ञान बड़ा गहरा है। से बड़े जादा ताकतवर ते अमीर हिन। असी तिन्हेरी इज्जत करण, असी तिन्हेरा आदरमान करण, असी तिन्हेरी तारीफ करण।”

प्रकाशित वाक्य 5:6

तां मैं तिस सिहांसन रे सामणे ते तिन्हा चार जींद्दे प्राणियां ते चौब्बी बुजुर्गां रे बिच मझाटे इक्क उरणू जो खड़ित्ते रे दिख्खेया। तिस उरणू पर कुर्बानी रे निसान थिये। तिसेरे सत्त सींग अते सत्त आख्खियां थी, ए परमेश्वर री सत्त आत्‍मा हिन, जिन्हा जो पूरी धरती बिच भेज्जेया गेया थिया।