प्रकाशित वाक्य 5:5 - चम्बयाली नौआ नियम

⁵ तां तिन्हा बुजुर्ग लोक्कां बिच का इक्क ने मेरे जो बोल्लेया, मत रोआं, दिख्ख, से शेर, यहूदा रे ‍खानदान रा ताकतवर राज्जा, दाऊद राज्जे रे वंशज ने शैतान जो हराई दित्ते रा! इधेरे तांइ से इस कताब री मौहर जो खोलणे ते तिस बिच लिख्खे री गल्ल जो पढ़ने रे काबिल है।

प्रकाशित वाक्य 5:5 ပူးပေါင်းရင်းမြစ်များ

लूका 23:28

यीशु ने तिन्हा जनानियां पास्से मुड़ी करी दिख्खेया अते बोल्लेया, यरुशलेम री जनानियों, मेरे तांइ मत रो, बल्कि जे गल्लां अग्गे चली करी होणे वाली हिन तिस वजह कने खुद अपणे तांइ कने अपणे बच्चेयां तांइ रो।

लूका 7:13

ए दिख्खी करी, यीशु रा मन रहम कने भरी गेया, अते तिन्हा ने तिस्स विधवा जो बोल्लेया, मत रोआं!

लूका 8:52

सब जणे तिस कुड़ी रे मरी जाणे पर रोया करदे थिये, पर यीशु ने तिन्हा जो बोल्लेया, रोणा बांद्द करो किजोकी ए कुड़ी तां मरे री नी ए, बल्कि सुत्ते री ए

यूहन्ना 20:13

अते तिन्हा ने मरियम जो बोल्लेया, ओ कुड़िये, तू किजो रुन्दी है? तिन्ने तिन्हा जो बोल्लेया, से मेरे प्रभु रे सरीर जो चुक्की लेई गे हिन अते मेरे जो नी है पता कि तिन्हा ने उन्हा जो कुते रख्खे रा है।

रोमियों 1:3

ए सुब बसेख असा रे प्रभु, मसीह यीशु रे बारे बिच है। से शारीरिक तौर पर राजा दाऊद रे ‍खानदान बिच पैदा होए थिये।

रोमियों 15:12

ते फिरी यशायाह भविष्यद्वक्ता ने पवित्रशास्त्र बिच लिख्खे रा है, “यिशै रे ‍खानदान बिच का इक्क मुंडे ने पैदा होणा, ते तिन्हा ने गैर यहूदी जाति रा शासक बणना, गैर यहूदियां ने तिन्हा पर आस रखणी कि तिन्हा ने तिन्हा लोक्कां जो बचाणा।”

इब्रानियों 7:14

सारे मणू जाणदे कि असा रे प्रभु यीशु यहूदा रे गोत्तर बिच पैदा होए, ते मूसा ने कदी भी यहूदा रे ‍खानदान बिच का कुसकी रे भी पुरोत्त बणने रे बारे बिच कदी नी बोल्लेया, ते अज्ज तिकर यहूदा रे ‍खानदान बिच का कोई भी पुरोत्त बणे रा है।

प्रकाशित वाक्य 1:1

परमेश्वर ने मसीह यीशु जो से लुके री चीजां दिखाई जे बड़े तौले होणे वाली हिन, ताकि से अपणे सेवादार मणूआं जो से गल्लां दस्सी सकण। मसीह यीशु ने अपणे स्वर्गदूत जो भेज्जी करी मेरे पर इन्हा गल्लां जो जाहिर कित्ता जे तिन्हेरा सेवादार है।

प्रकाशित वाक्य 22:16

मैं यीशु है! ते मैं ही अपणे स्वर्गदूत जो तुसा जो कलीसिया तिकर ए गल्लां दसणे तांइ भेज्जेया। मैं दाऊद राज्जे रा महान वंशज है, ते मैं ही भ्याग्गे रा सितारा है।

प्रकाशित वाक्य 3:21

जिन्हा लोक्कां ने दुष्ट पर जीत हासिल करणी, तिन्हा जो मैं अपणे कने सिंहासन पर बैठाणा, जिय्यां मैं भी दुष्ट जो हराई करी अपणे पिता कने तिन्हेरे सिंहासन पर बेई गेया।

प्रकाशित वाक्य 4:4

तिस सिंहासन रे चौं पास्से होर चौबी सिंहासन थिये जिन्हा पर चौबी बुजुर्ग मणू बैठ्ठे रे थिये तिन्हा ने चिट्टा कपड़ा ते अपणे सिर पर सोन्ने रा मुकुट पाए रा थिया।

प्रकाशित वाक्य 5:4

अते मैं बड़े बुरे जोरे-जोरे रोणा लग्गेया, किजोकी तिस कताब रे खोलणे, या तिस बिच लिख्खे री गल्ल जो पढ़ने लायक कोई नी मिल्लेया।

प्रकाशित वाक्य 6:1

जां मैं दिख्खेया कि “उरणू” ने उन्हा सत्त मौहरां बिच का इक्क जो खोल्लेया, तां मैं उन्हा चार प्राणियां बिच का इक्क जो बद्दल री गर्जन जदेई अवाज बिच ए बोलदे सूणेया, जा!

प्रकाशित वाक्य 7:13

इसेरे बाद बुजुर्ग मणू बिच का इक्क ने मेरे जो पूच्छेया, तू इन्हा लोक्कां जो जाणदा जिन्हा ने चिट्टे चोग्गे पाए रे हिन? तू जाणदा कि ए मणू कुते का आए रे हिन?