प्रकाशित वाक्य 5:14 - चम्बयाली नौआ नियम

¹⁴ अते चारो जिऊंदे प्राणियां ने आमीन बोल्लेया, अते बुजुर्ग लोक्कां ने झुकी करी तिन्हेरी अराधना कित्ती।

प्रकाशित वाक्य 5:14 ပူးပေါင်းရင်းမြစ်များ

1 कुरुन्थियों 14:16

वरना जे अगर तू आत्‍मा कने ही परमेश्वर री महिमा करगा तां कुसकी आम इन्सान ने तेरे शुक्रिया पर आमीन नी बोल्ली सकणा किजोकी से नी जाणदा की तू कै बोल्लेया करदा है।

प्रकाशित वाक्य 19:4

तां चौब्बी बुजुर्ग मणू ते चारों प्राणिया ने झुकी करी परमेश्वर री अराधना कित्ती जे सिहांसन पर बैठ्ठे रे थिये, ते बोल्लेया, आमीन! हाल्लेलुयाह!

प्रकाशित वाक्य 4:4

तिस सिंहासन रे चौं पास्से होर चौबी सिंहासन थिये जिन्हा पर चौबी बुजुर्ग मणू बैठ्ठे रे थिये तिन्हा ने चिट्टा कपड़ा ते अपणे सिर पर सोन्ने रा मुकुट पाए रा थिया।

प्रकाशित वाक्य 4:6

तिस सिहांसन रे सामणे सीसा सांई इक्क साफ ते समुंद्र जिन्ना चौड़ा मैदान थिया, से सिंहासन तिस जगाह् रे बिल्कुल बिच मझाटे थिया ते मैं तिसेरे चारो पास्से चार जींद्दे प्राणियां जो दिख्खेया।

प्रकाशित वाक्य 5:11

जां मैं फिरी दिख्खेया, तां मैं चाणचक्के ही लख्खों-लख्खों स्वर्गदूतां री अवाज सूणी, तिन्हेरी कोई गिनती नी होई सकदी थी। से सारे राज्जे रे सिहांसन, तिन्हा चार जींद्दे प्राणियां, ते चौब्बी बुजुर्गां रे चारो पास्से खड़ित्ते रे थिये।

प्रकाशित वाक्य 5:6

तां मैं तिस सिहांसन रे सामणे ते तिन्हा चार जींद्दे प्राणियां ते चौब्बी बुजुर्गां रे बिच मझाटे इक्क उरणू जो खड़ित्ते रे दिख्खेया। तिस उरणू पर कुर्बानी रे निसान थिये। तिसेरे सत्त सींग अते सत्त आख्खियां थी, ए परमेश्वर री सत्त आत्‍मा हिन, जिन्हा जो पूरी धरती बिच भेज्जेया गेया थिया।

प्रकाशित वाक्य 5:8

जां तिसने कताब लेई लित्ती तां से चारो प्राणी अते चौबी बुजुर्ग मणू तिस उरणू रे सामणे झुकी गे, अते हर इक्क बुजुर्ग रे हत्थां बिच वीणा ते धूप कने भरित्ते रे सोन्ने रे बणे रे डोंगे थिये, जे परमेश्वर री सेवा करणे वाले पवित्र मणूआं री प्रार्थना जो दर्शांदा थिया।

प्रकाशित वाक्य 7:12

असी ए एलान करदे कि असा रे परमेश्वर महान, ताकतवर, महामहिम, ते समजदार हिन। आओ असी तिन्हेरी तारीफ ते महिमा हमेसा-हमेसा तिकर करदे रैह्ण, आमीन।