प्रकाशित वाक्य 5:12 - चम्बयाली नौआ नियम

¹² अते से ऊँची अवाज बिच गाया करदे थिये, “से उरणू जे कुर्बान कित्तेया गेया थिया, से महिमा रे लायक है। तिन्हेरा हक बड़ा उच्चा है। तिन्हेरा ज्ञान बड़ा गहरा है। से बड़े जादा ताकतवर ते अमीर हिन। असी तिन्हेरी इज्जत करण, असी तिन्हेरा आदरमान करण, असी तिन्हेरी तारीफ करण।”

प्रकाशित वाक्य 5:12 ပူးပေါင်းရင်းမြစ်များ

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

प्रकाशित वाक्य 1:6

तिन्हा ने असा कने प्यार कित्ता। तिन्हा ने सुली पर अपणा खून बहाई करी असा रे पाप्पां रा मुल्ल चुकाया। इसेरी वजह कने असी पुरोत्तां रा परिवार बणी गेरे हिन जे तिन्हेरे पिता यानी परमेश्वर री सेवा करदे। परमेश्वर ने असा जो तिन्हेरे अपणे मणू बणाया जिन्हा पर से राज करदे। इस वजह कने मसीह यीशु जो महिमा ते ताकत हमेसा-हमेसा तांइ मिल्ले, आमीन!

प्रकाशित वाक्य 13:8

धरती रे सारे मणूआं ने तिसेरी अराधना कित्ते री है। जिन्हा लोक्कां रे नां तिस जिन्दगी री कताब बिच दुनिया जो बणाणे रे पैल्ले लिख्खे गेरे हिन, सिर्फ तिन्हा ने ही तिस ड्रोणे जानवर री अराधना नी कित्ती। से जिन्दगी री किताब, तिस “उरणू” री कताब है जिस जो कुर्बान कित्तेया गेया थिया।

प्रकाशित वाक्य 15:3

से परमेश्वर रे दास मूसा रा गीत ते “उरणू” रा गीत गाई-गाई करी बोलदे थिये, ओ सर्वशक्तिमान प्रभु-परमेश्वर, तुसा रे कम्म महान ते अनौखे हिन ओ जुग-जुग रे राज्जे, तेरी चाल ठीक ते सच्ची है।

प्रकाशित वाक्य 19:1

तिस ताकतवर स्वर्गदूत रे गल्ल पूरी करी लैणे रे बाद मैं स्वर्ग बिच मन्नों बड्डी भीड़ जो बड़ी अवाज कने ए बोलदे सूणेया, “हाल्लेलुयाह, छुटकारा ते महिमा ते ताकत असा रे परमेश्वर री ही है।

प्रकाशित वाक्य 4:11

ओ असा रे परमेश्वर, “तुसी अराधना रे काबिल हिन। तुसा आदरमान रे काबिल हिन। तुसा ताकतवर हिन किजोकी तुसा ने सब किच्‍छ बणाया। ए तुसा री मर्जी थी इधेरे तांइ तुसा ने से सब किच्‍छ बणाया ते तिन्हेरे अवे वजूद है।”

प्रकाशित वाक्य 5:13

फिरी मैं स्वर्ग, धरती, पताल ते समुंद्र बिच परमेश्वर री बणाए री हर इक्क चीज जो ए बोलदे सूणेया, “आओ असी तिन्हेरी अराधना करण जे सिहांसन पर बैठ्ठे रे हिन। असी उरणू री तारीफ करण। आओ असी हमेसा तिन्हेरी इज्जत ते आदरमान करण, किजोकी से सारेया का जादा ताकतवर हिन।”

प्रकाशित वाक्य 5:6

तां मैं तिस सिहांसन रे सामणे ते तिन्हा चार जींद्दे प्राणियां ते चौब्बी बुजुर्गां रे बिच मझाटे इक्क उरणू जो खड़ित्ते रे दिख्खेया। तिस उरणू पर कुर्बानी रे निसान थिये। तिसेरे सत्त सींग अते सत्त आख्खियां थी, ए परमेश्वर री सत्त आत्‍मा हिन, जिन्हा जो पूरी धरती बिच भेज्जेया गेया थिया।

प्रकाशित वाक्य 5:8

जां तिसने कताब लेई लित्ती तां से चारो प्राणी अते चौबी बुजुर्ग मणू तिस उरणू रे सामणे झुकी गे, अते हर इक्क बुजुर्ग रे हत्थां बिच वीणा ते धूप कने भरित्ते रे सोन्ने रे बणे रे डोंगे थिये, जे परमेश्वर री सेवा करणे वाले पवित्र मणूआं री प्रार्थना जो दर्शांदा थिया।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”

प्रकाशित वाक्य 6:1

जां मैं दिख्खेया कि “उरणू” ने उन्हा सत्त मौहरां बिच का इक्क जो खोल्लेया, तां मैं उन्हा चार प्राणियां बिच का इक्क जो बद्दल री गर्जन जदेई अवाज बिच ए बोलदे सूणेया, जा!

प्रकाशित वाक्य 7:12

असी ए एलान करदे कि असा रे परमेश्वर महान, ताकतवर, महामहिम, ते समजदार हिन। आओ असी तिन्हेरी तारीफ ते महिमा हमेसा-हमेसा तिकर करदे रैह्ण, आमीन।