प्रकाशित वाक्य 5:11 - चम्बयाली नौआ नियम

¹¹ जां मैं फिरी दिख्खेया, तां मैं चाणचक्के ही लख्खों-लख्खों स्वर्गदूतां री अवाज सूणी, तिन्हेरी कोई गिनती नी होई सकदी थी। से सारे राज्जे रे सिहांसन, तिन्हा चार जींद्दे प्राणियां, ते चौब्बी बुजुर्गां रे चारो पास्से खड़ित्ते रे थिये।

प्रकाशित वाक्य 5:11 ပူးပေါင်းရင်းမြစ်များ

इब्रानियों 12:22

पर तुसा सिय्योन रे पहाड़ रे नेड़े आए रे हिन, जित्ते स्वर्गीय यरुशलेम है, जे जिन्दगी दैणे वाले परमेश्वर रा सहर है, लख्खां स्वर्गदूतां

यहूदा 1:14

हनोक जे आदम री सतमी पीढ़ी बिच पैदा होया थिया, तिनिये इन्हा अधार्मिक लोक्कां रे बारे बिच भविष्यवाणी कित्ती थी। तिनिये बोल्लेया थिया, “सुणो, प्रभु ने अपणे अणगिणत स्वर्गदूतां कने सारे मणूआं रा हिसाब-किताब करणे तांइ आणा ते तमाम अधार्मिक लोक्कां जो तिन्हेरे सारे अनैतिक ते बुरे कम्मां तांइ ते परमेश्वर रे खिलाफ बोल्ले री तमाम बेजती री गल्लां तांइ गुनेह्गार ठैहराणा”

प्रकाशित वाक्य 19:6

फिरी मैं बड्डी भीड़ जदेया ते बड़े झरने री अवाज ते गर्जन री अवाज सूणी, हाल्लेलुयाह: किजोकी प्रभु असा रा सर्वशक्तिमान परमेश्वर राज करदे।

प्रकाशित वाक्य 4:4

तिस सिंहासन रे चौं पास्से होर चौबी सिंहासन थिये जिन्हा पर चौबी बुजुर्ग मणू बैठ्ठे रे थिये तिन्हा ने चिट्टा कपड़ा ते अपणे सिर पर सोन्ने रा मुकुट पाए रा थिया।

प्रकाशित वाक्य 4:6

तिस सिहांसन रे सामणे सीसा सांई इक्क साफ ते समुंद्र जिन्ना चौड़ा मैदान थिया, से सिंहासन तिस जगाह् रे बिल्कुल बिच मझाटे थिया ते मैं तिसेरे चारो पास्से चार जींद्दे प्राणियां जो दिख्खेया।

प्रकाशित वाक्य 5:14

अते चारो जिऊंदे प्राणियां ने आमीन बोल्लेया, अते बुजुर्ग लोक्कां ने झुकी करी तिन्हेरी अराधना कित्ती।

प्रकाशित वाक्य 5:6

तां मैं तिस सिहांसन रे सामणे ते तिन्हा चार जींद्दे प्राणियां ते चौब्बी बुजुर्गां रे बिच मझाटे इक्क उरणू जो खड़ित्ते रे दिख्खेया। तिस उरणू पर कुर्बानी रे निसान थिये। तिसेरे सत्त सींग अते सत्त आख्खियां थी, ए परमेश्वर री सत्त आत्‍मा हिन, जिन्हा जो पूरी धरती बिच भेज्जेया गेया थिया।

प्रकाशित वाक्य 5:8

जां तिसने कताब लेई लित्ती तां से चारो प्राणी अते चौबी बुजुर्ग मणू तिस उरणू रे सामणे झुकी गे, अते हर इक्क बुजुर्ग रे हत्थां बिच वीणा ते धूप कने भरित्ते रे सोन्ने रे बणे रे डोंगे थिये, जे परमेश्वर री सेवा करणे वाले पवित्र मणूआं री प्रार्थना जो दर्शांदा थिया।

प्रकाशित वाक्य 7:11

अते से सारे स्वर्गदूत तिस सिंहासन, ते तिन्हा चार प्राणिया, ते चौब्बी बुजुर्गां रे चारो पास्से खड़ित्ते रे थिये। से सारे झुकी करी परमेश्वर री अराधना करी के बोलणा लग्गे,

प्रकाशित वाक्य 9:16

तिन्हा ने कठ्ठी करी इक्क बड़ी बड्डी घुड़सवार मणूआं री फौज कठेरी, जिन्हेरी गिनती बीह् करोड़ थी।