प्रकाशित वाक्य 4:9 - चम्बयाली नौआ नियम

^9-10 सारे जींद्दे प्राणी तिन्हा जो महिमा, आदरमान, ते धन्यवाद देया करदे थिये जे सिहांसन पर बैठ्ठे रे हिन। से हमेसा-हमेसा तांइ जिन्दे हिन। ते जां भी से इय्यां करदे थिये, तां चौब्बी बुजुर्ग मणू परमेश्वर रे सामणे पेई करी तिन्हेरी अराधना करदे थिये। से ए बोल्ली करी तिन्हेरे सामणे अपणे मुकुट उतारी करी बोलदे,

प्रकाशित वाक्य 4:9 ပူးပေါင်းရင်းမြစ်များ

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

इब्रानियों 7:8

पुरोत्त दसमां हिस्सा लिंदे, हालांकि से मणू ही हिन, जे जिन्दे ते जिन्हा ने इक्क दिन मरी भी जाणा। पर पवित्रशास्त्र मलिकिसिदक से बारे बिच, जिस जो अब्राहम ने दसमां हिस्सा दित्तेया, ए बोलदा, “से हल्ले भी जिन्दा है।”

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 10:6

तिनिये परमेश्वर जे हमेसा-हमेसा जिन्दे, ते जिन्हा ने आसमान, धरती, समुंद्र ते जे किच्‍छ तिस बिच है, तिन्हा सारी चीजां बणाई, तिन्हा रे नां कने कसम खाई करी बोल्लेया, अवे सब किच्‍छ पूरा होई जाणा।

प्रकाशित वाक्य 15:7

ते से सत्त स्वर्गदूत जिन्हा का से आखरी सत्त मुसीबतां थी, से तिस मन्दिर का बाहर आए। तिन्हा ने चमकिल्ले चिट्टे कपड़े पाए रे थिये ते तिन्हा ने अपणी छात्ती पर सोन्ने री पट्टी बन्ने री थी। तां तिन्हा चार प्राणियां ने तिन्हा स्वर्गदूतां जो हमेसा-हमेसा तिकर रैह्णे वाले परमेश्वर रे पास्से का इक्क सोन्ने रा डोंगा दित्तेया जे खतरनाक सजा कने भरे रा थिया।

प्रकाशित वाक्य 21:5

तां से जे सिंहासन पर बैंदे, तिन्हा ने बोल्लेया, “ते अवे मैं हर इक्क चीज जो नौआ बनाणा!” तिन्हा ने मेरे जो ए भी बोल्लेया, “जे गल्लां मैं बोल्ले री है तिन्हा जो लिख्खी लै, तू इन्हा पर विश्वास करी सकदा किजोकी ए चीजां जरुर पूरी होणी।”

प्रकाशित वाक्य 4:2

ते फिरी मैं झट्ट ही पवित्रात्मा रे काबू बिच आई गेया, ते मैं स्वर्ग बिच इक्क सिहांसन दिख्खेया, ते तिस सिहांसन पर कोई बैठ्ठे रा थिया।

प्रकाशित वाक्य 4:8

इन्हा चारो जींद्दे प्राणियां रे छे-छे पंख्ख थिये, तिन्हेरे चौं पास्से, ते अन्दर भी हाख्खियां ही हाख्खियां थी, ते रात-दिन बगैर अराम कित्ते रे ए बोलदे रैह्‍न्दे थिये, कि सबका जादा ताकतवर परमेश्वर पवित्र, पवित्र, पवित्र है।

प्रकाशित वाक्य 5:1

फिरी मैं दिख्खेया कि जे सिंहासन पर बैठे रा थिया, तिन्हेरे सज्जे हत्थ बिच इक्क कताब थी, तिस पर दोन्नों पास्से लिखित्ते रा थिया, अते से सत्त मौहर लगाई करी बांद्द कित्ते री थी।

प्रकाशित वाक्य 6:16

ते पहाड़ां अते फाट्टियां जो बोलणा लगे, असा पर आई पेयो, अते असा जो तिन्हेरी नजर का जे सिंहासन पर बैठ्ठे रे हिन, अते “उरणू” रे गुस्से का लुकाई लेयो।

प्रकाशित वाक्य 7:15

इसी वजह कने ए परमेश्वर रे सिंहासन रे सामणे खड़ित्ते रे हिन, अते परमेश्वर रे मन्दिर बिच रात-दिन तिन्हेरी सेवा करदे, अते जे सिंहासन पर बैठ्ठे रे हिन, तिन्हा ने हमेसा तिन्हा लोक्कां कने रैह्णा ते तिन्हेरी रक्षा करणी।