प्रकाशित वाक्य 4:7 - चम्बयाली नौआ नियम

⁷ तिन्हा चार जींद्दे प्राणियां बिच का पैल्ला प्राणी शेर सांई थिया, अते दुज्जा जींद्दा प्राणी दांद सांई थिया, तिज्जा जींद्दा प्राणी मणू सांई थिया, अते चौथे जींद्दे प्राणी रा मुँह उड़दे इल्लण सांई थिया।

प्रकाशित वाक्य 4:7 ပူးပေါင်းရင်းမြစ်များ

1 कुरुन्थियों 14:20

ओ संगी विश्वासियों, इन्हा गल्लां जो समजणे बिच बच्चेयां सांई ना बणो, बुराई करणे बिच तां बच्चेयां सांई अनजाण ही रेयो, पर इन्हा गल्लां जो समजणे बिच अक्कलमंद बणो।

प्रकाशित वाक्य 4:6

तिस सिहांसन रे सामणे सीसा सांई इक्क साफ ते समुंद्र जिन्ना चौड़ा मैदान थिया, से सिंहासन तिस जगाह् रे बिल्कुल बिच मझाटे थिया ते मैं तिसेरे चारो पास्से चार जींद्दे प्राणियां जो दिख्खेया।

प्रकाशित वाक्य 6:3

जां तिस “उरणू” ने दूज्जी मौहर खोल्ली तां मैं दूज्जे प्राणी जो ए बोलदे सूणेया, जा!

प्रकाशित वाक्य 6:5

अते जां “उरणू” ने तिज्जी मौहर खोली, तां मैं तिज्जे प्राणी जो ए बोलदे सूणेया, जा! अते मैं इक्क काले घोड़े जो निकलदे दिख्खेया ते तिसेरे सवार रे हत्थे इक्क तरकड़ी थी।

प्रकाशित वाक्य 6:7

अते जां उरणू ने चौथी मौहर खोली तां मैं चौथे प्राणी जो ए बोलदे सूणेया, जा