प्रकाशित वाक्य 4:5 - चम्बयाली नौआ नियम

⁵ तिस सिंहासन बिच का बिजली चमकेया करदी थी ते बड़ी गर्जनां निकलेया करदी थी, अते सिंहासन रे सामणे आग्ग री सत्त मशाल्लां बलेया करदी थीे, ए परमेश्वर री सत्त आत्‍मा हिन।

प्रकाशित वाक्य 4:5 ပူးပေါင်းရင်းမြစ်များ

मत्ती 25:1

तां यीशु ने अपणे चेल्‍लेयां कने बोल्लेया, “स्वर्ग रा राज उन्हा दस कुवांरियाँ रे सांई है, जे मसांला लेई करी नौेए लाड़े जो मिलणे तांइ निकली।

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

प्रेरितां रे कम्म 2:3

ते तिन्हा जो इक्क इदेइ आग्ग दिस्सि जे दिखणे बिच जिब्बां सांई थी ते से तिन्हा बिच का हर इक्क पर आई टिकी।

प्रकाशित वाक्य 1:4

मैं यूहन्ना, एशिया प्रदेश रे सत्त इलाक्केयां बिच रैह्णे वाले विश्वासियां जो ए चीठ्ठी लिख्खेया करदा है। मैं प्रार्थना करदा कि तुसा जो परमेश्वर का अनुग्रह ते सांती मिलदी रे। परमेश्वर पिता ही हिन जे अब्बे भी हिन, से पैल्ले भी थिये, ते तिन्हा ने हमेसा तिकर रैह्णा। तिन्हा सत्त आत्मां रे पास्से का जे परमेश्वर रे सिहांसन रे सामणे हमेसा खड़े रैह्‍न्दे,

प्रकाशित वाक्य 10:3

ते तिनिये इन्नी जादा जोरे कने हाक्क मारी, जिय्यां शेर गर्जदा। जां तिसने लेर मारी तां गर्जन री सत्त अवाज्जां सुणित्ती।

प्रकाशित वाक्य 11:19

ते परमेश्वर रा मन्दिर जे स्वर्ग बिच है, तिसजो खोल्लेया गेया, अते तिन्हेरे मन्दिर बिच तिन्हेरी वाचा रा सन्दूक दिस्सेया, अते बिजलियां रे कड़कणे ते अवाजां ते गड़गड़ाहट अते हिलण होये अते बड्डे बड्डे औले पे।”

प्रकाशित वाक्य 3:1

तिनिये मेरे जो बोल्लेया, “सरदीस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है, ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा, मैं तेरे कम्मां जो जाणदा। दिखणे बिच ता तू मेरा भरोस्सेमंद विश्वासी लगदा पर अवे तू मेरे कहे मुताबिक नी चलदा।

प्रकाशित वाक्य 5:6

तां मैं तिस सिहांसन रे सामणे ते तिन्हा चार जींद्दे प्राणियां ते चौब्बी बुजुर्गां रे बिच मझाटे इक्क उरणू जो खड़ित्ते रे दिख्खेया। तिस उरणू पर कुर्बानी रे निसान थिये। तिसेरे सत्त सींग अते सत्त आख्खियां थी, ए परमेश्वर री सत्त आत्‍मा हिन, जिन्हा जो पूरी धरती बिच भेज्जेया गेया थिया।

प्रकाशित वाक्य 8:5

ते स्वर्गदूत ने धूपदान लेई करी तिस बिच वेदी रे भखदे कोले भरे, ते धरती बिच पाई दित्ते, ते बिजली चमकणा लग्गी ते गर्जनां होई।