प्रकाशित वाक्य 3:5 - चम्बयाली नौआ नियम5 जिन्हा लोक्कां ने दुष्ट पर जीत हासिल करणी, तिन्हा जो मैं इसी तरिक्के कने चिट्टे कपड़े पुआणे। मैं तिस कताब का तिन्हा लोक्कां रे नां नी कटणे जिस कताब बिच से नां लिख्खे गेरे हिन जिन्हा जो हमेसा री जिन्दगी मिलणी। मैं अपणे पिता ते परमेश्वर, ते सारे स्वर्गदूतां रे सामणे ए एलान करणा कि से मणू मेरे हिन। အခန်းကိုကြည့်ပါ။ |
प्रकाशित वाक्य 3:5
23 ပူးပေါင်းရင်းမြစ်များ
से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!
जे ड्रोणा जानवर तैं अब्बे दिख्खेया, से पैल्ले कदी जिन्दा हुंदा थिया, पर अवे से मरी गे रा है, इनिये पताल का बाहर आणा ते परमेश्वर ने तिसजो हमेसा तांइ मुकाई दैणा। जे मणू धरती पर रेया करदे हिन, जिन्हेरे नां परमेश्वर ने अपणी जिन्दगी री कताब बिच नी लिख्खे रे हिन, तिन्हा लोक्कां ने तिस जानवर जो दिख्खी करी बड़ा हैरान होणा। से कदी जिन्दा हुंदा, पर अवे से मरी गे रा है, पर तिनिये फिरी वापिस आणा।
फिरी मैं मरे रे लोक्कां जो दिख्खेया, मैं खास ते आम लोक्कां जो तिस सिंहासन रे सामणे खड़ित्ते रे दिख्खेया। जिन्ने भी मणू समुंदर बिच डूब्बी करी मरे थिये, जिन्ने भी मणू तिस जगाह् बिच थिये जित्ते मरे रे मणू रैह्न्दे, से सारे तिस सिंहासन रे सामणे खड़ित्ते रे थिये। तिस कताब जो खोल्लेया गेया जिस बिच तिन्हा लोक्कां रे नां लिख्खे गेरे थिये जिन्हा जो कदी ना मुकणे वाली जिन्दगी थी। से कताब भी खोल्ली गयी जिस बिच लोक्कां रे कित्ते रे कम्म लिखित्ते रे थिये, ते हर इक्क जणे का तिन्हेरे कित्ते रे कम्मां रा हिसाब-किताब लित्तेया गेया।
जिन्हा लोक्कां ने दुष्ट पर जीत हासिल करणी, तिन्हा लोक्कां ने परमेश्वर रे मन्दिर रे खम्भे सांई होणा जिन्हेरी मैं अराधना करदा, ते तिन्हा जो से जगाह् भी छडणी नी पैणी। ए दिखाणे तांइ कि से मणू मेरे हिन मैं तिन्हा पर परमेश्वर रा नां ते परमेश्वर रे सहर यरुशलेम रा नां री छाप लाणी। तिस सहर ने परमेश्वर रे पास्से स्वर्ग का उतरणा। मैं तिन्हा पर इक्क नौए नां री छाप लाणी।
ကြော်ငြာတွေ