प्रकाशित वाक्य 3:4 - चम्बयाली नौआ नियम

⁴ पर सरदीस सहर बिच तुसा लोक्कां बिच किच्‍छ इदेय मणू भी हिन जे पाप कने भिठ्ठे नी होए रे हिन। तिन्हा ने मेरे कने चिट्टे कपड़े पाई करी चलणा, किजोकी से मणू इसेरे काबिल हिन।

प्रकाशित वाक्य 3:4 ပူးပေါင်းရင်းမြစ်များ

मत्ती 10:11

जिस भी सहर या ग्रां बिच तुसा बड़गे तां पता करो कि इत्ते कुण लायक है, अते तिस जगाह् जो छडणे तक तित्ते ही रेयो।

मरकुस 16:5

जां से कब्र अन्दर गई तां तित्ते इक्क जवान आदमी जो चिट्टे कपड़ेयां पाए रे ते कब्र अंदर सज्जे पास्से बैठ्ठे रे दिख्खेया। से जनानियां तिस जवान आदमी जो दिख्खी करी हैरान होई गई।

लूका 20:35

पर जे मणू इस जोग्गे होणे कि तिस युग जो ते मुर्देयां बिच का फिरी जिन्दा होण, तिन्हा ने ब्याह नी करणे ते ना ही दुबारा ब्याह बिच दित्ते जाणे

लूका 21:36

हर बेल्ले तैयार रेयो, अते प्रार्थना करदे रेयो कि तुसा जो इन्हा सब गल्लां का, जे होणे वाली हिन, तिन्हा का बचणे री ताकत मिली सकें अते भरोसे कने मणू रे पुत्तर, जे मैं ही है रे अग्गे खड़ी सकण।

प्रेरितां रे कम्म 1:15

तिन्हा ही दिनां बिच पतरस संगी विश्वासियां रे बिच जे इक्क सौ भी लोक्कां रे नेड़े-तेड़े थिये, खड़ी करी बोलणा लगेया,

2 थिस्सलुनीकियों 1:5

तुसा परमेश्वर तांइ दुख-मुसीबतां सहन करेया करदे हिन ते ए तुसा जो तिन्हेरे राज बिच जाणे रे लायक बणांदा। ए इस गल्ल रा सबूत है कि परमेश्वर ने धार्मिकता कने तुसा रा हिसाब-किताब करणा।

यहूदा 1:23

होरणी लोक्कां जो हमेसा री मौत री आग्ग का झपटी करी कड्डी लेयो ते इदेय किच्‍छ मणू भी हिन जिन्हा पर तुसा जो दया करणा चाएदी पर इस कन्ने चुकन्ने भी रेयो। तुसा जो तिन्हेरे कपड़ेयां का नफरत करणा चाएदी किजोकी तिन्हेरी सरीर री बुरी इच्छां कने से गंदे होई गेरे हिन।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 11:13

फिरी तिस बेल्ले यरुशलेम सहर बिच इक्क बड़ा बड्डा हिलण होया, ते सहर दसमां हिस्सा छुड़की पेया, ते तिस हिलण कने सत्त हजार मणू मरी गे, ते बाकि बचे रे डरी गे, ते तिन्हा ने परमेश्वर री महिमा कित्ती जे स्वर्ग बिच हिन।

प्रकाशित वाक्य 14:4

ए से है, जे जनानियां कने व्यभिचार नी कित्तेया, पर कुँआरे हिन। तिन्हा ने तिस उरणू जो छड्डी करी कदी कुसकी होरसी री अराधना नी कित्ती। जित्ते कुथकी से “उरणू रा बच्चा” जांदा, से मणू भी तिसेरे पीच्छे ही जांदे। ए मणू से हिन जिन्हा जो धरती पर रैह्णे वाले लोक्कां बिच का छुड़ाया गेया। जिय्यां मणू परमेश्वर जो अपणी पैल्ली फसल चढांदे, तिय्यां ही तिन्हा ने भी परमेश्वर ते तिस “उरणू” जो चढावा चढाया।

प्रकाशित वाक्य 19:14

स्वर्ग रे मते सारे सिपाई तिसेरे पीच्छे-पीच्छे चलेया करदे थिये। से चिट्टे घोड़ेयां पर सवार थिये, ते तिन्हा ने मलमल रे चोग्गे पाए थिये जिन्हा पर कोई दाग नी थिया।

प्रकाशित वाक्य 19:8

परमेश्वर ने तिसजो साफ मलमल रे कपड़े पाणे तांइ दित्ते, किजोकी तिस महीन मलमल रा मतलब परमेश्वर रे लोक्कां रे धार्मिक कम्म हिन।

प्रकाशित वाक्य 3:18

इधेरे तांइ मैं तेरे जो सलाह दिंदा कि तू मेरे का सोन्ना खरीदी लै ताकि तू हकीकत बिच अमीर बणी जाए। तू मेरे का चिट्टे कपड़े भी खरीदी लै ताकि तू लोक्कां सामणे नंगे होणे री कने शर्मसार होणे का बची जाए। तेरे जो अपणी हाख्खियां बिच पाणे तांइ किच्‍छ दवाई भी खरीदी लैणी चाएदी ताकि तू दिख्खी सके।

प्रकाशित वाक्य 3:5

जिन्हा लोक्कां ने दुष्ट पर जीत हासिल करणी, तिन्हा जो मैं इसी तरिक्के कने चिट्टे कपड़े पुआणे। मैं तिस कताब का तिन्हा लोक्कां रे नां नी कटणे जिस कताब बिच से नां लिख्खे गेरे हिन जिन्हा जो हमेसा री जिन्दगी मिलणी। मैं अपणे पिता ते परमेश्वर, ते सारे स्वर्गदूतां रे सामणे ए एलान करणा कि से मणू मेरे हिन।

प्रकाशित वाक्य 4:4

तिस सिंहासन रे चौं पास्से होर चौबी सिंहासन थिये जिन्हा पर चौबी बुजुर्ग मणू बैठ्ठे रे थिये तिन्हा ने चिट्टा कपड़ा ते अपणे सिर पर सोन्ने रा मुकुट पाए रा थिया।

प्रकाशित वाक्य 6:11

तां तिन्हा बिच का हर इक्क जणे जो चिट्टे कपड़े दित्ते गे ते तिन्हा जो थोड़ी देर होर इंतजार करणे तांइ बोल्लेया गेया। मसीह री सेवा बिच तिन्हेरे होर भी संगी सेवादार हल्ले भी थिये जिन्हेरा मारेयां जाणा जरुरी थिया। तिन्हा जो ता तांइ करणा जरुरी थिया, जां तांइ ए सब किच्‍छ पूरे तरिक्के कने मुकी नी जाए।

प्रकाशित वाक्य 7:9

इसेरे बाद मैं दिख्खेया की, हर इक्क जाति, कुल, देस, भाषा, ते लोक्कां री भीड़, जिस जो कोई गिणी नी सकदा थिया चिट्टे कपड़े पाये रे, अते अपणे हत्थां बिच खजूर री डालियां लेई करी सिंहासन अते उरणू रे सामणे खड़ित्ते री थी,