प्रकाशित वाक्य 3:3 - चम्बयाली नौआ नियम3 तिन्हा शिक्षां जो याद करो जे तुसा ने लम्बे समय पैल्ले सुणी ते मन्नी थी। जे गल्लां तुसा जो सिखाई गे थी, तिन्हेरे मुताबिक चलो, अपणी लापरवाही का तौबा करो। जे अगर तुसा अपणी लापरवाही का बाज नी आए, तां मैं कुसकी चोर सांई चाणचक्के ही आणा, ते तुसा जो तिस बेल्ले रा पता भी नी चलणा जां मैं अचानक ही तुसा जो सजा दैणे तांइ आई जाणा। အခန်းကိုကြည့်ပါ။ |
प्रकाशित वाक्य 3:3
24 ပူးပေါင်းရင်းမြစ်များ
पर मसीह ने पक्के तौर पर वापिस हटणा। तिन्हा ने कुसकी रे सोच्चे बगैर ही हटणा, जिय्यां कि कोई चोर आंदा। तिस बेल्ले आसमान बिच गर्जणे जदेई अवाज होणी, ते आसमान गायब होई जाणा, सूरत, चाँद, ते सितारे आग्ग कने मुकाई दित्ते जाणे। तिस दिन, परमेश्वर ने से हर इक्क से चीज जाहिर करणी जे लोक्कां ने धरती पर कित्ते री हिन ताकि परमेश्वर तिन्हा का हिसाब-किताब लेई सके।
ते दुष्टात्मां ते सारे राज्जे ते तिन्हेरे सिपाई इब्रानी भाषा बिच हरमीगिद्दोन नां री जगाह् बिच कठ्ठे होए। इधेरे तांइ मसीह यीशु ने बोल्लेया, “ए गल्ल सुणो, मेरे आणे रा दिन कुसकी चोर रे आणे सांई चाणचक्के ही होणा। धन्न है से मणू जे मेरे आणे रे समय पर अपणे कपड़े तैयार रख्खी करी जागदा रेह्। तां तिन्हा ने नंगे नी रैह्णा ते तिन्हा जो शर्मिंदा होणे तांइ किच्छ नी रैह्णा ते आए से फिरी लोक्कां बिच भी चली जाण।”
तू अवे तिस हिसाब कने जिन्दगी नी जिंदा, जिय्यां तू सुरुआत बिच जिंदा हुंदा थिया, तिस बारे बिच सोच। तेरे जो अवे अपणे पाप्पां का मुड़णा ते तिन्हा चीजां जो करणा जरुरी जे तू सुरुआत बिच करदा हुंदा थिया, जे अगर तू तौबा नी कित्ती, तां मैं तेरे का आई करी तेरे धूपदान जो तिसेरी जगाह् का हटाई करी तेरे जो सजा दैणी।
मैं जाणदा कि इक्क विश्वासी होणे रे तौर पर तुसा री जिन्दगी रा स्तर तिस जगाह् पर नी है जे परमेश्वर ने ठैहराए रा है, इधेरे तांइ चुकन्ने होई जाओ ते अपणी आत्मिक निंद्दर का उठी हो, ते अपणी मसीही खुबियां जो तिन्हेरे मुकणे का पैल्ले फिरी नौए जदेया करी लेयो जे तुसा बिच हल्ले भी हिन। मैं जाणदा कि तेरी घटी बड़ी जादा है किजोकी परमेश्वर तेरे कम्मां का खुस नी हिन।
ကြော်ငြာတွေ