प्रकाशित वाक्य 3:19 - चम्बयाली नौआ नियम19 किजोकी मैं जिस कने प्यार करदा, तिसजो सुधारदा भी, ते जिस जो औलाद सांई मनदा, तिसजो कोड़े भी लादां ताकि से पाप रे कम्म करणा छड्डी दे। အခန်းကိုကြည့်ပါ။ |
प्रकाशित वाक्य 3:19
31 ပူးပေါင်းရင်းမြစ်များ
किच्छ मणू असा जो ठीक जाण-पैछाण वालेयां सांई मिलदे, पर किच्छ मणू असा जो अनजाण लोक्कां सांई नजरंदाज करी दिंदे। असी मरणे रे करीब रैहन्दे, पर असी फिरी भी जिन्दे हिन। असा जो कुट्टेया गेया, पर असी फिरी भी नी मरे। असा रे दुखी होणे रा समय भी आया पर असी फिरी खुसी मनांदे। असी गरीब हिन, पर मते जणेया जो आत्मिक रुप बिच अमीर बणाई दिदें, असी इदेय हिन कि जिय्यां असा का किच्छ भी नी है, पर फिरी भी असी सब किच्छ रखदे। ते इन्हा ही सारे तरिक्के कने असी ए ज़ाहिर करदे कि असी परमेश्वर रे चुणे रे दास हिन।
ध्यान देयो कि परमेश्वर रे पास्से का मिल्ले रे दुख कने तुसा किन्ने गुणवान बणी गेरे हिन: तुसा बिच किन्नी जादा लगन, अपणी सफाई दैणे तांइ तुसा री उत्सुकता, नाइन्साफी रे खिलाफ तुसा रा गुस्सा, कुसकी खतरे तांइ तुसा रा चुकन्नापन, मेरे कने मिलणे तांइ तुसा री चाह्त, सेवा करणे तांइ तुसा रा लगाव, ते गलत कम्म करणे वाले जो सजा दैणे बिच तुसा री फुर्ती। इन्हा सारी चीजां कने तुसा ने ए साबित करी दित्तेया हर इक्क चीज ठीक तरिक्के कने करणे बिच तुसा ने कोई कसर नी छड्डी।
तू अवे तिस हिसाब कने जिन्दगी नी जिंदा, जिय्यां तू सुरुआत बिच जिंदा हुंदा थिया, तिस बारे बिच सोच। तेरे जो अवे अपणे पाप्पां का मुड़णा ते तिन्हा चीजां जो करणा जरुरी जे तू सुरुआत बिच करदा हुंदा थिया, जे अगर तू तौबा नी कित्ती, तां मैं तेरे का आई करी तेरे धूपदान जो तिसेरी जगाह् का हटाई करी तेरे जो सजा दैणी।
ကြော်ငြာတွေ