प्रकाशित वाक्य 3:18 - चम्बयाली नौआ नियम

¹⁸ इधेरे तांइ मैं तेरे जो सलाह दिंदा कि तू मेरे का सोन्ना खरीदी लै ताकि तू हकीकत बिच अमीर बणी जाए। तू मेरे का चिट्टे कपड़े भी खरीदी लै ताकि तू लोक्कां सामणे नंगे होणे री कने शर्मसार होणे का बची जाए। तेरे जो अपणी हाख्खियां बिच पाणे तांइ किच्‍छ दवाई भी खरीदी लैणी चाएदी ताकि तू दिख्खी सके।

प्रकाशित वाक्य 3:18 ပူးပေါင်းရင်းမြစ်များ

मत्ती 13:44

“स्वर्ग रा राज खेत्रा बिच छिपे रे धन्न रे बराबर है जे कुसकी मणू जो मिल्लेया अते तिन्ने खेत्तर बिच लुकाई दित्तेया, अते खुसी रे मारे तिन्ने अपणा सब किच्‍छ बेच्ची करी से खेत्तर खरीदी लेया।”

मत्ती 25:9

पर समजदारां ने उन्हा जो जवाब दित्तेया, नी! असी नी देई सकदी किजोकी फिरी ना ए असा रे तांइ पूरा होणा अते ना ही तुसा रे तांइ इधेरे तांइ तुसा तेल बेचणे वाले का जाई करी अपणे तांइ तेल खरीदी लेयो।

लूका 12:21

दिख्खो, इदेया ही से मणू भी हुन्दा जे अप्पु तांइ धन्न कठेरदा, पर परमेश्वर री नजरां बिच से अमीर नी है।

2 कुरुन्थियों 5:3

ताकि जां असी अपणे स्वर्गीय सरीर जो पाई लैण तां असी तिसेरे बगैर ना पाए जाण।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

1 तीमुथियुस 6:18

तिन्हा जो बड़े जादा ठीक काम्म, ते दयालू ते इक्क-दूए री जरुरत रे हिसाब कने बडंणा सिखाओ।

याकूब 2:5

ओ मेरे प्यारे संगी विश्वासियों, ध्यान देयो, परमेश्वर ने इस दुनिया रे गरीब लोक्कां जो मता विश्वास दित्ते रा है ते से अपणे राज रा हिस्सा तिन्हा सारे लोक्कां जो दैणे रा वादा कित्ते रा है जे परमेश्वर कने प्यार करदे।

1 पतरस 1:7

इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।

प्रकाशित वाक्य 16:15

ते दुष्टात्मां ते सारे राज्जे ते तिन्हेरे सिपाई इब्रानी भाषा बिच हरमीगिद्दोन नां री जगाह् बिच कठ्ठे होए। इधेरे तांइ मसीह यीशु ने बोल्लेया, “ए गल्ल सुणो, मेरे आणे रा दिन कुसकी चोर रे आणे सांई चाणचक्के ही होणा। धन्न है से मणू जे मेरे आणे रे समय पर अपणे कपड़े तैयार रख्खी करी जागदा रेह्। तां तिन्हा ने नंगे नी रैह्णा ते तिन्हा जो शर्मिंदा होणे तांइ किच्‍छ नी रैह्णा ते आए से फिरी लोक्कां बिच भी चली जाण।”

प्रकाशित वाक्य 19:8

परमेश्वर ने तिसजो साफ मलमल रे कपड़े पाणे तांइ दित्ते, किजोकी तिस महीन मलमल रा मतलब परमेश्वर रे लोक्कां रे धार्मिक कम्म हिन।

प्रकाशित वाक्य 2:9

मैं जाणदा कि तेरे पर बड़े जुल्म होए रे हिन ते तू गरीब है। पर आत्मिक गल्लां बिच तू अमीर है। मैं तिन्हा यहूदी मणूआं जो जाणदा जे परमेश्वर रे चुणित्ते रे मणू होणे रा दावा ता करदे पर से हकीकत बिच चुणित्ते रे नी हिन। से तुसा री बुराई करदे ते से शैतान रे गुट रे मणू हिन।

प्रकाशित वाक्य 3:17

तेरे जो लगदा कि तू बड़ा अमीर है किजोकी तेरे का अपणी जरुरत री हर इक्क चीज है, पर तू ए नी जाणदा कि तू बड़ा अभाग्गा है। किजोकी सच्चाई ए है कि तू गरीब है, तेरे पाणे तांइ कपड़े नी हिन ते तू अह्ना है।

प्रकाशित वाक्य 4:4

तिस सिंहासन रे चौं पास्से होर चौबी सिंहासन थिये जिन्हा पर चौबी बुजुर्ग मणू बैठ्ठे रे थिये तिन्हा ने चिट्टा कपड़ा ते अपणे सिर पर सोन्ने रा मुकुट पाए रा थिया।

प्रकाशित वाक्य 7:13

इसेरे बाद बुजुर्ग मणू बिच का इक्क ने मेरे जो पूच्छेया, तू इन्हा लोक्कां जो जाणदा जिन्हा ने चिट्टे चोग्गे पाए रे हिन? तू जाणदा कि ए मणू कुते का आए रे हिन?