प्रकाशित वाक्य 3:17 - चम्बयाली नौआ नियम

¹⁷ तेरे जो लगदा कि तू बड़ा अमीर है किजोकी तेरे का अपणी जरुरत री हर इक्क चीज है, पर तू ए नी जाणदा कि तू बड़ा अभाग्गा है। किजोकी सच्चाई ए है कि तू गरीब है, तेरे पाणे तांइ कपड़े नी हिन ते तू अह्ना है।

प्रकाशित वाक्य 3:17 ပူးပေါင်းရင်းမြစ်များ

मत्ती 5:3

“धन्न हिन से, जे जाणदे कि तिन्हा जो परमेश्वर री जरुरत है, किजोकी स्वर्ग रा राज तिन्हेरा ही है।

मत्ती 9:12

ए सुणी करी यीशु ने तिन्हा जो बोल्लेया, “वैद्द री जरुरत भले-चंगेयाँ जो नी पर मरीजाँ जो हुंदी।”

लूका 1:53

तिन्हा ने भुख्खेयां जो खरी खरी चीजां कने रजाया, पर अमीरां जो खाली हत्थ हटाई दित्तेया,

लूका 6:24

पर लाणत है तिन्हा मणूआं पर, जे अज्ज बड़े अमीर हिन, किजोकी तिन्हा ने अपणा सुख-चैन भोग्गि लेया।

रोमियों 11:20

ए गल्ल सच है कि से तां विश्वास नी होणे री वजह कने कट्टी गयी, पर तू इधेरे तांइ घमंडी मत हो कि विश्वास बिच बणी रैहन्दा, पर डर रख्खेया कर।

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

रोमियों 7:24

मैं किन्ना अभागा मणू है। कुनिये मेरे जो परमेश्वर का अलग होणे का बचाणा?

2 पतरस 1:9

ते जे अगर कोई मणू इस तरिक्के कने ना जिये तां से अन्ने मणू रे बराबर है ते जे किच्‍छ नी दिख्खी सकदा। से भुल्ली गे रा है कि परमेश्वर ने तिसेरे पाप्पां जो माफ करी दित्ते रा है जे पाप तिसने मसीह बिच विश्वास करणे का पैल्ले कित्ते थिये।

प्रकाशित वाक्य 16:15

ते दुष्टात्मां ते सारे राज्जे ते तिन्हेरे सिपाई इब्रानी भाषा बिच हरमीगिद्दोन नां री जगाह् बिच कठ्ठे होए। इधेरे तांइ मसीह यीशु ने बोल्लेया, “ए गल्ल सुणो, मेरे आणे रा दिन कुसकी चोर रे आणे सांई चाणचक्के ही होणा। धन्न है से मणू जे मेरे आणे रे समय पर अपणे कपड़े तैयार रख्खी करी जागदा रेह्। तां तिन्हा ने नंगे नी रैह्णा ते तिन्हा जो शर्मिंदा होणे तांइ किच्‍छ नी रैह्णा ते आए से फिरी लोक्कां बिच भी चली जाण।”

प्रकाशित वाक्य 2:9

मैं जाणदा कि तेरे पर बड़े जुल्म होए रे हिन ते तू गरीब है। पर आत्मिक गल्लां बिच तू अमीर है। मैं तिन्हा यहूदी मणूआं जो जाणदा जे परमेश्वर रे चुणित्ते रे मणू होणे रा दावा ता करदे पर से हकीकत बिच चुणित्ते रे नी हिन। से तुसा री बुराई करदे ते से शैतान रे गुट रे मणू हिन।

प्रकाशित वाक्य 3:16

किजोकी मेरे पर तेरा विश्वास कोस्से पाणी जदेया है, इधेरे तांइ मैं तेरे जो ठुकराई दिंदा।