प्रकाशित वाक्य 3:14 - चम्बयाली नौआ नियम

¹⁴ तिनिये मेरे जो फिरी बोल्लेया, “लौदीकिया रे सहर रे कलीसिया रे स्वर्गदूत जो ए चीठ्ठी लिख्ख, मैं आमीन है, किजोकी मैं भरोस्सेमंद है, ते मैं इस गल्ल जो साबित करदा कि परमेश्वर सच है। जे किच्‍छ भी परमेश्वर ने बणाए रा है मैं तिसेरा जरिया है। मैं तुसा जो ए बोलदा,

प्रकाशित वाक्य 3:14 ပူးပေါင်းရင်းမြစ်များ

यूहन्ना 1:3

परमेश्वर ने सब किच्‍छ वचन रे जरिए बणाया ते हर इक्क चीज जे इस दुनिया बिच बणाई गयी से तिन्हेरे ही जरिए बणाई गयी।

यूहन्ना 8:14

यीशु ने तिन्हा जो जवाब दित्या कि जे मैं अपणी गवाई अप्पु दिन्दा हाँ, तां भी मेरी गवाई ठीक हैं, किजोकी मैं जाणदा, कि मैं कुते का आया कने कुते जो जान्दा? पर तुसा नी जाणदे कि मैं कुते का आन्दा कने कुतें जो जान्दा

2 कुरुन्थियों 1:20

परमेश्वर रे कित्ते रे सारे वादे मसीह यीशु बिच पूरे होए रे हिन। इधेरे तांइ असी “आमीन” बोलदे जिसेरा मतलब है “हाँ” ताकि असा रे जरिये परमेश्वर री महिमा हो।

कुलुस्सियों 1:15

कोई भी परमेश्वर जो नी दिख्खी सकदा, पर जां तिन्हेरे पुत्तर ने इक्क मणू रे रुप बिच जन्म लित्ता, तां तिसने परमेश्वर जो लोक्कां पर ज़ाहिर कित्ता किजोकी से अप्पु परमेश्वर रे स्वरूप बिच है। परमेश्वर रा पुत्तर पूरे ब्रम्हांड रे बणाए जाणे रे पैल्ले का है, ते परमेश्वर री बणाए री हर चीज पर तिन्हेरा हक है।

कुलुस्सियों 1:18

से ही कलीसिया जो, जे तिन्हेरे सरीर सांई है, सही मायने बिच चलांदे ते से अप्पु कलीसिया रे सिर हिन। से ही सुरुआत हिन, ते से ही मुर्देयां बिच का फिरी जिन्दे होणे वाले पैल्ले हिन, ताकि हर इक्क चीज बिच से ही प्रधान ठेहरण।

कुलुस्सियों 2:1

मैं चाह्‍ंदा की तुसा जाणो की तुसा तांइ, ते लौदीकिया सहर बिच रैह्णे वाले विश्वासियां तांइ, ते तिन्हा सारे मणूआं तांइ भी जिन्हा जो मैं हल्ले तिकर नी मिल्ले रा है, मैं किन्नी जादा मैहनत करदा।

कुलुस्सियों 4:16

जां इस चीठ्ठी जो तुसा पढ़ी लिंगे, तां इसजो लौदीकिया सहर री कलीसिया बिच भी पढ़ेयो, ते तुसा तिस चीठ्ठी जो भी पढेयो जे लौदीकिया सहर री कलीसिया ने तुसा जो भेजणी।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।

प्रकाशित वाक्य 19:11

फिरी मैं स्वर्ग जो खुले रा दिख्खेया, ते इक्क सफेद घोड़े जो खड़ित्ते रा दिख्खेया, ते तिस पर इक्क सवार है, जे भरोस्सेमंद सच्चा सेवादार है, से परमेश्वर रे दुश्मणा रे खिलाफ तिस हिसाब कने लड़दा जे परमेश्वर री नजर बिच सही है।

प्रकाशित वाक्य 2:1

तिनिये मेरे जो बोल्लेया, “इफिसुस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा,

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 22:13

तां फिरी प्रभु ने बोल्लेया, मैं अल्फा ते ओमेगा है, जिसेरा मतलब है कि मैं सुरुआत ते आखिर है।

प्रकाशित वाक्य 22:6

तिसका बाद, इक्क स्वर्गदूत ने मेरे जो बोल्लेया, “से सारी गल्लां सच हिन ते बड़े झट होणे वाली हिन। प्रभु परमेश्वर जे अपणी आत्‍मा सारे भविष्यद्वक्ता जो दिंदे, तिन्हा ने अपणे स्वर्गदूत जो इत्ते आई करी अपणे सेवादार जो ए दसणे रा हुकम दित्तेया कि जल्द ही कै होणे वाला है।”

प्रकाशित वाक्य 3:7

तिनिये मेरे जो बोल्लेया, “फिलदिलफिया सहर रे कलीसिया रे स्वर्गदूत जो ए चीठ्ठी लिख्ख, मैं ही से पवित्र ते सच्चाई है, जिस का से चाब्बी है जे दाऊद राज्जे का थी। जां मैं चाब्बी लेई करी दुआर खोलदा, तां तिसजो कोई भी बांद्द नी करी सकदा, ते जां मैं चाब्बी लेई करी कोई दुआर बांद्द करदा, तां कोई तिसजो खोल्ली नी सकदा। मैं तेरे जो ए बोलदा,