प्रकाशित वाक्य 3:12 - चम्बयाली नौआ नियम

¹² जिन्हा लोक्कां ने दुष्ट पर जीत हासिल करणी, तिन्हा लोक्कां ने परमेश्वर रे मन्दिर रे खम्भे सांई होणा जिन्हेरी मैं अराधना करदा, ते तिन्हा जो से जगाह् भी छडणी नी पैणी। ए दिखाणे तांइ कि से मणू मेरे हिन मैं तिन्हा पर परमेश्वर रा नां ते परमेश्वर रे सहर यरुशलेम रा नां री छाप लाणी। तिस सहर ने परमेश्वर रे पास्से स्वर्ग का उतरणा। मैं तिन्हा पर इक्क नौए नां री छाप लाणी।

प्रकाशित वाक्य 3:12 ပူးပေါင်းရင်းမြစ်များ

मरकुस 12:16

से लेई आए, ते यीशु ने तिन्हा जो बोल्लेया, “इस सिक्के पर कुसेरा नां ते छाप बणे री है?” तिन्हा लोक्कां ने जवाब दित्तेया, “सम्राट रा,”

गलातियों 2:9

याकूब, कैफा ते यूहन्ना जिन्हा जो कलीसिया रे खम्भे सांई समजेया जांदा, जां तिन्हा ने मेरे पर होए रे परमेश्वर रे अनुग्रह जो समजी लेया, तां तिन्हा ने मेरे जो ते बरनबास जो अपणी मण्डली रा सहयोगी मन्नी लेया ते से इस गल्ल पर सहमत होई गे कि से यहूदी मणूआं बिच ते असी गैर यहूदी मणूआं जो बसेख सूणाणा जारी रखण।

इफिसियों 3:15

से ही हिन जिन्हा का स्वर्ग ते धरती रे सारे परिवारां जो पछाण मिलदी।

इब्रानियों 12:22

पर तुसा सिय्योन रे पहाड़ रे नेड़े आए रे हिन, जित्ते स्वर्गीय यरुशलेम है, जे जिन्दगी दैणे वाले परमेश्वर रा सहर है, लख्खां स्वर्गदूतां

इब्रानियों 13:14

किजोकी ए दुनिया असा रा घर नी है, पर असा आणे वाले सहर री खोज बिच हिन

1 यूहन्ना 4:4

ओ प्यारे बच्चेयों, तुसा परमेश्वर रे मणू हिन, तुसा तिन्हा झूठ्ठे भविष्यद्वक्तां पर जीत हासिल कित्ते री है, किजोकी पवित्रात्मा जे तुसा बिच बसदी से शैतान का जादा ताकतवर है जे इस दुनिया रे लोक्कां पर राज करदा।

प्रकाशित वाक्य 14:1

फिरी मैं दिख्खेया, ते दिखो, से “उरणू रा बच्चा” सिय्योन पहाड़ पर खड़ितेरा है ते तिसेरे कने इक्क लख चुरताली हजार जणे हिन जिन्हेरे मत्थे पर तिसेरा अते तिन्हेरे पिता रा नां लिख्खे रा है।

प्रकाशित वाक्य 17:14

तिस ड्रोणे जानवर ते दस राज्जेयां ने तिस “उरणू” पर हमला करणा, पर तिस “उरणू” ते तिसेरे प्रेरितां ने तिन्हा सारेयां जो हराई दैणा। ए इधेरे तांइ होणा किजोकी से प्रभुआं रे प्रभु ते राज्जेयां रे राज्जे हिन। तिन्हेरे चेल्‍ले से हिन जिन्हा जो परमेश्वर ने चुणे रा ते सद्दे रा है, ते से भी जे तिन्हा कने भरोस्सेमंद हिन।

प्रकाशित वाक्य 2:11

जे सुनणा चाए, से ध्यान कने सुणे कि पवित्रात्मा कलीसिया जो कै बोलदा। जिन्हा लोक्कां ने दुष्ट पर जीत हासिल करणी, तिन्हा रे शरीरां जो भले ही मारी दित्ता जाए, पर तिन्हा ने हमेसा तांइ नी मरणा।”

प्रकाशित वाक्य 2:17

जे सुनणा चाए, से ध्यान कने सुणे कि पवित्रात्मा कलीसिया रे मणूआं कने कै बोलणा चाह्‍ंदा। मैं तिन्हा लोक्कां जो से लुके रा मन्ना दैणा, जिन्हा लोक्कां ने इन्हा बुराई री ताकत जो हराई दैणा। मैं तिन्हा बिच का हर इक्क जो इक्क चिट्टा बट्टा भी दैणा जिस पर इक्क नौआ नां लिख्खेया जाणा। जिस जो से बट्टा मिलणा, तिसेरे अलावा कुसकी जो भी तिस नां रा पता नी होणा।”

प्रकाशित वाक्य 2:7

जे सुनणा चाए, से ध्यान कने सुणे कि पवित्रात्मा कलीसियां कने कै बोलदा। जिन्हा लोक्कां ने दुष्ट पर जीत हासिल कित्ती, तिन्हा जो मैं जिन्दगी रे तिस बूट्टे रा फल्ल खाणे तांइ दैणा, जे अब्बे स्वर्ग बिच परमेश्वर रे बगीच्चे बिच है।”

प्रकाशित वाक्य 21:2

मैं तिस पवित्र सहर जे यरुशलेम है, तिसजो परमेश्वर रे पास्से का स्वर्ग का उतरदे दिख्खेया। से इक्क दुल्हन सांई तैयार कित्ती गयी थी, ते सजाई भी गयी थी कि से दुल्हे कने ब्याह करे।

प्रकाशित वाक्य 22:4

तिन्हा ने परमेश्वर जो आमणे-सामणे दिखणा, ते परमेश्वर रा नां तिन्हेरे मात्थेयां पर लिख्खे रा होणा।

प्रकाशित वाक्य 3:5

जिन्हा लोक्कां ने दुष्ट पर जीत हासिल करणी, तिन्हा जो मैं इसी तरिक्के कने चिट्टे कपड़े पुआणे। मैं तिस कताब का तिन्हा लोक्कां रे नां नी कटणे जिस कताब बिच से नां लिख्खे गेरे हिन जिन्हा जो हमेसा री जिन्दगी मिलणी। मैं अपणे पिता ते परमेश्वर, ते सारे स्वर्गदूतां रे सामणे ए एलान करणा कि से मणू मेरे हिन।