प्रकाशित वाक्य 3:1 - चम्बयाली नौआ नियम1 तिनिये मेरे जो बोल्लेया, “सरदीस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है, ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा, मैं तेरे कम्मां जो जाणदा। दिखणे बिच ता तू मेरा भरोस्सेमंद विश्वासी लगदा पर अवे तू मेरे कहे मुताबिक नी चलदा। အခန်းကိုကြည့်ပါ။ |
प्रकाशित वाक्य 3:1
30 ပူးပေါင်းရင်းမြစ်များ
ए मणू तुसा री मण्डली बिच प्रभु रे प्यार री यादगारी री धाम बिच शामिल हुंदे। से मणू तुसा तांइ इदेय खतरनाक हिन जिय्यां कि समुंद्र बिच लुके री टोल जहाज तांइ हुंदी जिन्हेरी वजह कने जहाज डूब्बी जांदा। से मणू बेशर्म पुहालां सांई हिन जे सिर्फ अपणी ही परवाह करदे। से इदेय बदलां सांई हिन जे हवा कने इत्ते-उत्ते उड़दे पर तिन्हा का कोई बरखा नी हुंदी। से इदेय बूट्टेयां सांई हिन जिन्हा बिच फल्ल नी लगदा ते से जड़ का ही पुट्टी दित्ते गेरे हिन, ते जिन्हेरी दोहरी मौत होए री हो।
मैं यूहन्ना, एशिया प्रदेश रे सत्त इलाक्केयां बिच रैह्णे वाले विश्वासियां जो ए चीठ्ठी लिख्खेया करदा है। मैं प्रार्थना करदा कि तुसा जो परमेश्वर का अनुग्रह ते सांती मिलदी रे। परमेश्वर पिता ही हिन जे अब्बे भी हिन, से पैल्ले भी थिये, ते तिन्हा ने हमेसा तिकर रैह्णा। तिन्हा सत्त आत्मां रे पास्से का जे परमेश्वर रे सिहांसन रे सामणे हमेसा खड़े रैह्न्दे,
मैं जाणदा कि तुसा रा कस्बा शैतान रे वस बिच है, पर इय्यां हुंदे होए भी तुसा ने मेरे बिच अपणा विश्वास मजबूती कने बणाई रख्खेया ते मेरे पर विश्वास करणा नी छड्डेया, तिस बेल्ले भी नी जां लम्बे समय पैल्ले अन्तिपास जो मारी दित्तेया गेया थिया। से मेरा बसेख सुनाणे बिच भरोस्सेमंद थिया, इधेरे तांइ तिसजो तुसा रे कस्बे बिच मारी रख्खेया गेया जित्ते शैतान रा काबू है।
मैं जाणदा कि तू कै करदा। तू बड़ी जी-हजुरी कने मेरा कम्म करदा, तू मेरे पर अपणे विश्वास री वजह कने जुल्मां जो भी बड़े सबर कने सहन करदा। मैं जाणदा कि तू दुष्ट लोक्कां री झूठ्ठी शिक्षा जो बर्दाश नी करदा। तू तिन्हा लोक्कां जो परखे रा है जे ए बोलदे कि से प्रेरित हिन पर हकीकत बिच से नी हिन, ते तू जाणदा कि से झूठ्ठे हिन।
मैं जाणदा कि इक्क विश्वासी होणे रे तौर पर तुसा री जिन्दगी रा स्तर तिस जगाह् पर नी है जे परमेश्वर ने ठैहराए रा है, इधेरे तांइ चुकन्ने होई जाओ ते अपणी आत्मिक निंद्दर का उठी हो, ते अपणी मसीही खुबियां जो तिन्हेरे मुकणे का पैल्ले फिरी नौए जदेया करी लेयो जे तुसा बिच हल्ले भी हिन। मैं जाणदा कि तेरी घटी बड़ी जादा है किजोकी परमेश्वर तेरे कम्मां का खुस नी हिन।
ကြော်ငြာတွေ