प्रकाशित वाक्य 22:9 - चम्बयाली नौआ नियम

⁹ पर तिनिए मेरे जो बोल्लेया, दिख, इय्यां मत कर किजोकी मैं तेरा, ते तेरे भ्याल भविष्यद्वक्ता, ते इस कताब री गल्लां जो मनणे वालेयां रा सोग्गी दास है परमेश्वर जो ही प्रणाम करेयां

प्रकाशित वाक्य 22:9 ပူးပေါင်းရင်းမြစ်များ

मत्ती 4:9

“जे तू मेरे अग्गे झुके अते मेरी अराधना करगा, तां मैं ए सारा किच्‍छ तिज्जो देई दैणा।”

लूका 4:7

इधेरे तांइ जे तू मेरी भक्ति करगा तां ए सब किच्‍छ तेरा होई जाणा।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

प्रकाशित वाक्य 1:1

परमेश्वर ने मसीह यीशु जो से लुके री चीजां दिखाई जे बड़े तौले होणे वाली हिन, ताकि से अपणे सेवादार मणूआं जो से गल्लां दस्सी सकण। मसीह यीशु ने अपणे स्वर्गदूत जो भेज्जी करी मेरे पर इन्हा गल्लां जो जाहिर कित्ता जे तिन्हेरा सेवादार है।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 14:7

तिसने बड़ी जोर कने बोल्लेया, “परमेश्वर का डरो, ते तिन्हेरी महिमा करो, किजोकी दुनिया रे लोक्कां रा हिसाब-किताब करणे रा समय आई गे रा है, अते तिसेरी अराधना करो, जिस ने आसमान ते जमीन, समुन्द्र, पाणी रे स्रोत बणाये रे हिन।”

प्रकाशित वाक्य 15:4

ओ प्रभु, कुण तेरे का नी डरगा ते तेरे नां री महिमा नी करगा? किजोकी सिर्फ तू ही पवित्र है सारी जातियां आई तेरे सामणे प्रणाम करगी, किजोकी तेरे इंसाफ रे कम्म सामणे आई गेरे हिन।

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।

प्रकाशित वाक्य 22:10

फिरी तिनिए मेरे जो बोल्लेया, इस कताब री भविष्यवाणी री गल्लां जो लोक्कां का मत लूका, किजोकी इन्हा गल्लां रे पूरे होणे रा बेल्ला नेड़े आई गे रा है।

प्रकाशित वाक्य 22:18

मैं यूहन्ना, इस कताब बिच लिख्खे रे बसेख बिच होणे वाली घटना जो सुनणे वाले हर इक्क मणू जो खबरदार करदा जे अब्बे ते भविष्य बिच होया करदी हिन। जे अगर कोई मणू इस बसेख री गल्लां बिच किच्‍छ बधाई दे, तां परमेश्वर ने तिसेरी सजा भी बधाई दैणी। तिन्हा ने तिसजो तिन्हा महामरियां कने सजा दैणी जे मैं इस कताब बिच दस्से री हिन।

प्रकाशित वाक्य 22:7

यीशु ने बोल्लेया, सुणो, मैं तौले आणे वाला है! धन्न हिन से मणू जे इस कताब री भविष्यवाणियां जो मनदे।

प्रकाशित वाक्य 9:20

बाकि मणूआं ने जे उन्हा बिमारियां कने नी मरे थिये, अपणे हत्थां रे कम्मां का तौबा नी कित्ती, कि दुष्टात्मा, अते सुन्ने चाँदी अते पीतल, अते पत्थरां, ते काठ री मूर्तां री पूजा ना करण, जे ना दिख्खी, ना सूणी, ना चली सकदी हिन।