प्रकाशित वाक्य 22:2 - चम्बयाली नौआ नियम

² नदी सहर रे बिचो-बिच बैहंदी थी, ते तिस नदी रे दोन्नों किनारे पास्से बूट्टे लग्गे रे थिये जे जिन्दगी दिंदे थिये। तदेय बूट्टेयां पर बारा किस्मां रे फल्ल लगदे थिये, ते हर महिन्ने तिन्हा बूट्टेयां पर नौए किस्म रे फल्ल लगदे थिये, ते तिन्हा बूट्टेयां रे पत्ते दवाई सांई थिये जे देस-देस रे रैह्णे वाले मणूआं री बीमारी जो ठीक करी सकदे।

प्रकाशित वाक्य 22:2 ပူးပေါင်းရင်းမြစ်များ

लूका 4:18

“प्रभु रा आत्‍मा मेरे अन्दर है, किजोकी तिन्हा ने मेरा अभिषेक कित्ते रा है कि मैं गरीब मणूआं जो परमेश्वर रे राज रे सुब बसेख जो सूणां, ते परमेश्वर ने मेरे जो गुलाम मणूआं जो ए बोलणे तांइ भेज्जेया कि से अजाद हिन, ते अन्नेयां जो रौसनी दैणे तांइ भेज्जे रा है, अते दुख-तकलिफां अन्दर फसे रे लोक्कां जो छुटकारा दैणे,

1 पतरस 2:24

जां मसीह मरे, तां तिन्हा जो असा रे पाप्पां री सजा तांइ सुली पर चढाया गेया थिया। तिन्हा ने ए इधेरे तांइ कित्तेया थिया ताकि असी पाप करणा छड्डी दैण ते धार्मिकता कने जीणा सुरु करी दैण। जिन्हा जख्मां जो तिन्हा ने सहन कित्तेया, तिन्हेरी वजह कने असी ठीक होए।

प्रकाशित वाक्य 2:7

जे सुनणा चाए, से ध्यान कने सुणे कि पवित्रात्मा कलीसियां कने कै बोलदा। जिन्हा लोक्कां ने दुष्ट पर जीत हासिल कित्ती, तिन्हा जो मैं जिन्दगी रे तिस बूट्टे रा फल्ल खाणे तांइ दैणा, जे अब्बे स्वर्ग बिच परमेश्वर रे बगीच्चे बिच है।”

प्रकाशित वाक्य 21:21

बारो दुआर बारा मोतियां रे थिये। इक्क-इक्क दरवाज्जे इक्क-इक्क मोती रा बणे रा थिया नगर री सड़क साफ सीसे सांई साफ सोन्ने री थी।

प्रकाशित वाक्य 21:24

जाति-जाति रे लोक्कां ने तिसेरी रौसनी बिच चलणा-फिरणा, ते धरती रे राज्जेयां ने अपणा अपणा कीमती समान तिस सहर बिच लाणा।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।

प्रकाशित वाक्य 22:14

धन्न है से, जे अपणे चोग्गे धोई लिंदे, किजोकी तिन्हा जो सहर रे दुआर का अंदर आणे रा हक दित्तेया जाणा। ते तिन्हा जो तिस बूट्टे रा फल्ल खाणे रा भी हक दित्तेया जाणा जिस जो खाणे कने हमेसा री जिन्दगी मिलदी।

प्रकाशित वाक्य 22:19

जे अगर कोई मणू इस कताब बिच लिख्खे री भविष्यवाणियां बिच का किच्‍छ घटाई भी दे, तां परमेश्वर ने भी तिसका तिस बूट्टे रे फल्ल खाणे रा हक लेई लैणा जिस जो खाणे कने हमेसा री जिन्दगी मिलदी, ते तिस सहर बिच बसणे रा हक भी छिन्नी लैणा जिसेरे बारे बिच इस कताब बिच लिख्खे रा है।