प्रकाशित वाक्य 22:18 - चम्बयाली नौआ नियम

¹⁸ मैं यूहन्ना, इस कताब बिच लिख्खे रे बसेख बिच होणे वाली घटना जो सुनणे वाले हर इक्क मणू जो खबरदार करदा जे अब्बे ते भविष्य बिच होया करदी हिन। जे अगर कोई मणू इस बसेख री गल्लां बिच किच्‍छ बधाई दे, तां परमेश्वर ने तिसेरी सजा भी बधाई दैणी। तिन्हा ने तिसजो तिन्हा महामरियां कने सजा दैणी जे मैं इस कताब बिच दस्से री हिन।

प्रकाशित वाक्य 22:18 ပူးပေါင်းရင်းမြစ်များ

मत्ती 15:13

पर यीशु ने जवाब दित्तेया, हर इक्क पौधा जे मेरे स्वर्गीय पिता ने नी लाए रा है, से पुट्टी दित्ता जाणा।

इफिसियों 4:17

इधेरे तांइ मैं परमेश्वर का मिल्ले रे अधिकार कने ए बोलदा कि जिय्यां परमेश्वर बिच विश्वास ना करणे वाले मणू बेकार गल्लां बिच जिन्दगी जिन्दे, तुसा अज्ज का बाद तिय्यां मत जिन्दे।

1 थिस्सलुनीकियों 4:6

कि तुसा अपणे विश्वासी भाई रे खिलाफ पाप मत करदे, ते ना जो बुरी चाल चले किजोकी प्रभु यीशु ने इदेय कम्म करणे वालेयां जो सजा दैणी, जिन्हा रे बारे बिच असा तुसा जो पहले ही खबरदार कित्तेया है।

प्रकाशित वाक्य 1:3

परमेश्वर ने तिस हर इक्क मणू जो आशीष दैणी जे इन्हा भविष्यवाणी री गल्लां जो लोक्कां जो पढ़ी करी सुणांदा ते तिन्हा तिस हर मणू जो भी आशीष दैणी जे इन्हा गल्लां जो सूणदा ते इन्हा जो मनदा किजोकी ए गल्लां बड़े तौले होणे वाली हिन।

प्रकाशित वाक्य 15:1

ए सब किच्‍छ मुकी जाणे रे बाद, मैं आसमान बिच इक्क होर निशानी दिख्खी जे बड़ी अनौखी ते ड्रौणी भी थी। तित्ते सत्त स्वर्गदूत थिये जे अप्पु कने सत्त अलग किस्मे री मुसीबतां लेई करी आए रे थिये। से मुसीबतां आखरी मुसीबतां होणी, तिन्हेरे बाद परमेश्वर रा गुस्सा सांत होई जाणा।

प्रकाशित वाक्य 15:6

ते से सत्तों स्वर्गदूत जिन्हेरे का सत्तों मुसीबतां थी, मलमल रे साफ ते चमकदार कपड़े पाए ते छाती पर सोन्ने री पट्टियां बन्नी करी परमेश्वर रे मन्दिर का निकले।

प्रकाशित वाक्य 19:20

से ड्रोणे जानवर, ते तिसेरे कन्ने से भविष्यद्वक्ता पकड़ेया गेया। झूठ्ठे भविष्यद्वक्ता ने तिस ड्रोणे जानवर रे पास्से का लोक्कां जो बड़े वरी चमत्कार दिखाए ते लोक्कां जो भटकाई दित्तेया जिन्हा ने तिस ड्रोणे जानवर री छाप लित्ती थी ते तिसेरी मूर्ति री पूजा कित्ती थी। से झूठ्ठा भविष्यद्वक्ता ते से ड्रोणा जानवर तिस आग्ग ते गन्धक रे समुंदर बिच सूटी दित्ते गे।

प्रकाशित वाक्य 20:10

तिन्हेरा भड़काणे वाला शैतान आग्ग ते गधंक री तिस झील बिच जिसेरे बिच से ड्रोणे जानवर ते झूठ्ठा भविष्यद्वक्ता भी होणा पाई दित्ते जाणा: ते से रात-दिन हमेसा-हमेसा तिकर तड़पदे रैह्णा।

प्रकाशित वाक्य 22:10

फिरी तिनिए मेरे जो बोल्लेया, इस कताब री भविष्यवाणी री गल्लां जो लोक्कां का मत लूका, किजोकी इन्हा गल्लां रे पूरे होणे रा बेल्ला नेड़े आई गे रा है।

प्रकाशित वाक्य 22:16

मैं यीशु है! ते मैं ही अपणे स्वर्गदूत जो तुसा जो कलीसिया तिकर ए गल्लां दसणे तांइ भेज्जेया। मैं दाऊद राज्जे रा महान वंशज है, ते मैं ही भ्याग्गे रा सितारा है।

प्रकाशित वाक्य 22:7

यीशु ने बोल्लेया, सुणो, मैं तौले आणे वाला है! धन्न हिन से मणू जे इस कताब री भविष्यवाणियां जो मनदे।

प्रकाशित वाक्य 22:9

पर तिनिए मेरे जो बोल्लेया, दिख, इय्यां मत कर किजोकी मैं तेरा, ते तेरे भ्याल भविष्यद्वक्ता, ते इस कताब री गल्लां जो मनणे वालेयां रा सोग्गी दास है परमेश्वर जो ही प्रणाम करेयां

प्रकाशित वाक्य 3:14

तिनिये मेरे जो फिरी बोल्लेया, “लौदीकिया रे सहर रे कलीसिया रे स्वर्गदूत जो ए चीठ्ठी लिख्ख, मैं आमीन है, किजोकी मैं भरोस्सेमंद है, ते मैं इस गल्ल जो साबित करदा कि परमेश्वर सच है। जे किच्‍छ भी परमेश्वर ने बणाए रा है मैं तिसेरा जरिया है। मैं तुसा जो ए बोलदा,