प्रकाशित वाक्य 22:16 - चम्बयाली नौआ नियम

¹⁶ मैं यीशु है! ते मैं ही अपणे स्वर्गदूत जो तुसा जो कलीसिया तिकर ए गल्लां दसणे तांइ भेज्जेया। मैं दाऊद राज्जे रा महान वंशज है, ते मैं ही भ्याग्गे रा सितारा है।

प्रकाशित वाक्य 22:16 ပူးပေါင်းရင်းမြစ်များ

मत्ती 1:1

यीशु मसीह अब्राहम ते दाऊद राज्जे रे ‍खानदान बिच का थिये। यीशु मसीह रे गोत्रियां रे ए नां हिन,

मत्ती 2:2

“से मुंडा कुते पैदा होए रा है जिनिये यहूदी लोक्कां रा राज्जा बणना? किजोकी असा पूरब दिसा बिच से तारा दिख्खेया जे तिसेरे पैदा होणे रे बारे बिच दसदा अते असी तिसेरी अराधना करणा आए रे हिन।”

मत्ती 22:42

मसीह यीशु रे बारे बिच तुसा कै सोचदे कि से कुसेरा मुंडा है? तिन्हा ने तिन्हेरे जो बोल्लेया, दाऊद रा।

मत्ती 22:45

भला, जां दाऊद तिसजो प्रभु बोलदा, तां से तिसेरा पुत्तर किय्यां ठैहरेया।

लूका 1:78

ए सब असा रे परमेश्वर री दया कने होणा, जिस तरिक्के कने इक्क नौआ दिन सुरु हुंदा, तिय्यां ही मसीह ने भी असा तांइ नौई चीजां करणी जां तिन्हा ने असा का स्वर्ग का आणा।

लूका 20:44

अवे जां दाऊद अप्पु ही मसीह यीशु जो प्रभु जी बोलदा है, तां मसीह यीशु दाऊद री औलाद किय्यां होई सकदा?

रोमियों 15:12

ते फिरी यशायाह भविष्यद्वक्ता ने पवित्रशास्त्र बिच लिख्खे रा है, “यिशै रे ‍खानदान बिच का इक्क मुंडे ने पैदा होणा, ते तिन्हा ने गैर यहूदी जाति रा शासक बणना, गैर यहूदियां ने तिन्हा पर आस रखणी कि तिन्हा ने तिन्हा लोक्कां जो बचाणा।”

रोमियों 9:5

अब्राहम, इसहाक ते याकूब तिन्हेरे पुरखे हिन। ते मसीह यीशु भी इन्सानी तौर पर इक्क इस्राएली मणू थिये। परमेश्वर जो महिमा मिलदी रे जे सारेयां पर राज करदे। आमीन!

2 पतरस 1:19

इधेरे तांइ असी भविष्यद्वक्तां री बोल्ले री गल्लां बिच होर भी जादा हिम्मत रखदे। जे अगर तुसा इस बसेख पर ध्यान दिंगे ता से बड़ी बदिया गल्ल होणी, किजोकी ए इक्क दीये सांई है जे न्याहरे बिच तां तांइ चमकदी जां तांइ दिन नी आई जांदा ते मसीह री रौसनी तुसा रे दिल बिच नी चमकदी, बिल्कुल तिय्यां ही जिय्यां भ्याग्गे रा तारा इस दुनिया बिच रौसनी लांदा।

प्रकाशित वाक्य 1:1

परमेश्वर ने मसीह यीशु जो से लुके री चीजां दिखाई जे बड़े तौले होणे वाली हिन, ताकि से अपणे सेवादार मणूआं जो से गल्लां दस्सी सकण। मसीह यीशु ने अपणे स्वर्गदूत जो भेज्जी करी मेरे पर इन्हा गल्लां जो जाहिर कित्ता जे तिन्हेरा सेवादार है।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 1:4

मैं यूहन्ना, एशिया प्रदेश रे सत्त इलाक्केयां बिच रैह्णे वाले विश्वासियां जो ए चीठ्ठी लिख्खेया करदा है। मैं प्रार्थना करदा कि तुसा जो परमेश्वर का अनुग्रह ते सांती मिलदी रे। परमेश्वर पिता ही हिन जे अब्बे भी हिन, से पैल्ले भी थिये, ते तिन्हा ने हमेसा तिकर रैह्णा। तिन्हा सत्त आत्मां रे पास्से का जे परमेश्वर रे सिहांसन रे सामणे हमेसा खड़े रैह्‍न्दे,

प्रकाशित वाक्य 2:11

जे सुनणा चाए, से ध्यान कने सुणे कि पवित्रात्मा कलीसिया जो कै बोलदा। जिन्हा लोक्कां ने दुष्ट पर जीत हासिल करणी, तिन्हा रे शरीरां जो भले ही मारी दित्ता जाए, पर तिन्हा ने हमेसा तांइ नी मरणा।”

प्रकाशित वाक्य 2:17

जे सुनणा चाए, से ध्यान कने सुणे कि पवित्रात्मा कलीसिया रे मणूआं कने कै बोलणा चाह्‍ंदा। मैं तिन्हा लोक्कां जो से लुके रा मन्ना दैणा, जिन्हा लोक्कां ने इन्हा बुराई री ताकत जो हराई दैणा। मैं तिन्हा बिच का हर इक्क जो इक्क चिट्टा बट्टा भी दैणा जिस पर इक्क नौआ नां लिख्खेया जाणा। जिस जो से बट्टा मिलणा, तिसेरे अलावा कुसकी जो भी तिस नां रा पता नी होणा।”

प्रकाशित वाक्य 2:7

जे सुनणा चाए, से ध्यान कने सुणे कि पवित्रात्मा कलीसियां कने कै बोलदा। जिन्हा लोक्कां ने दुष्ट पर जीत हासिल कित्ती, तिन्हा जो मैं जिन्दगी रे तिस बूट्टे रा फल्ल खाणे तांइ दैणा, जे अब्बे स्वर्ग बिच परमेश्वर रे बगीच्चे बिच है।”

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।

प्रकाशित वाक्य 22:11

जे मणू बुरे ते भिठ्ठे कम्म करदे, से मणू बुरे ते भिठ्ठे कम्म करदे रैह्ण। बिल्कुल तिस्सी तरिक्के कने जे मणू ठीक ते पवित्र कम्म करदे, से मणू ठीक पवित्र कम्म करदे रैह्ण।

प्रकाशित वाक्य 22:20

ए तिसेरे शब्द हिन जे इस कताब बिच दस्से री गल्लां री गवाई दिंदा, से ए बोलदा, हाँ, मैं तौले ही आणे वाला है! मुझ यूहन्ना ने जवाब दित्ता, आमीन! ओ प्रभु यीशु, आओ!

प्रकाशित वाक्य 22:6

तिसका बाद, इक्क स्वर्गदूत ने मेरे जो बोल्लेया, “से सारी गल्लां सच हिन ते बड़े झट होणे वाली हिन। प्रभु परमेश्वर जे अपणी आत्‍मा सारे भविष्यद्वक्ता जो दिंदे, तिन्हा ने अपणे स्वर्गदूत जो इत्ते आई करी अपणे सेवादार जो ए दसणे रा हुकम दित्तेया कि जल्द ही कै होणे वाला है।”

प्रकाशित वाक्य 3:13

जे सुनणा चाए, से ध्यान कने सुणे कि पवित्रात्मा कलीसिया कने कै बोलदा।”

प्रकाशित वाक्य 3:22

जे सुनणा चाए, से ध्यान कने सुणे कि पवित्रात्मा कलीसिया कने कै बोलदा।”

प्रकाशित वाक्य 3:6

जे सुनणा चाए, से ध्यान कने सुणे कि पवित्रात्मा कलीसिया कने कै बोलदा।”

प्रकाशित वाक्य 5:5

तां तिन्हा बुजुर्ग लोक्कां बिच का इक्क ने मेरे जो बोल्लेया, मत रोआं, दिख्ख, से शेर, यहूदा रे ‍खानदान रा ताकतवर राज्जा, दाऊद राज्जे रे वंशज ने शैतान जो हराई दित्ते रा! इधेरे तांइ से इस कताब री मौहर जो खोलणे ते तिस बिच लिख्खे री गल्ल जो पढ़ने रे काबिल है।