प्रकाशित वाक्य 22:15 - चम्बयाली नौआ नियम

¹⁵ बाहर कूत्ते, जादू-टौणे करणे वाले, अश्लील मणू, हत्यारे, मूर्तां री पूजा करणे वाले ते झूठ बोलणे वाले होणे। से कदी भी सहर बिच नी आई सकदे।

प्रकाशित वाक्य 22:15 ပူးပေါင်းရင်းမြစ်များ

मत्ती 7:6

“तिन्हा लोक्कां जो परमेश्वर री गल्लां मत सुणाओ जे मणू सुनणा नी चाह्‍ंदे, किजोकी जे अगर तुसा इय्यां करदे तां ए पवित्तर चीजां कूत्तेयां या सूअरां रे मुहाग्गर सुटणे रे बराबर होणा, जिन्हा तिसजो अपणे पैरां कने मसल्ली करी तुसा पर हमला करणा।”

मत्ती 8:12

पर इस्राएल रे मते सारे लोक्कां जो बाहर न्याहरे बिच सूटी दित्तेया जाणा: तित्ते रोणा अते दांद्द पिह्णा होणा।

यूहन्ना 8:46

तुसा बिच कुण मेरे जो पाप्पी ठैहरादां? जां मैं सच बोलदा तां तुसा मेरा विश्वास किजो नी करदे?

प्रेरितां रे कम्म 8:11

तिसने मते दिनां का तिन्हा सारेयां जो अपणे जादू-टौणे रे कम्मां कने हैरान करी के रख्खे रा थिया, इधेरे तांइ से तिसजो बड़ा मन्दे थिये।

फिलिप्पियों 3:2

तिन्हा बुरे लोक्कां का बची रेयो जे कूत्तेयां सांई हिन, ते तिन्हा लोक्कां का भी बचे रेयो जे तुसा जो बोलदे कि छुटकारा पाणे तांइ तुसा जो खतना करवाणे री जरुरत है।

कुलुस्सियों 3:6

इन्हा बुरे कम्मां जो करणे री वजह कने ही परमेश्वर ने तिन्हा जो सजा दैणी।

1 तीमुथियुस 1:10

व्यभिचारियां तांइ, दूए मर्दां कने अस्वभाविक रिश्ते बणाणे वाले मर्दां तांइ, गुलामी तांइ मणूआं जो बेचणे वाले लोक्कां तांइ, झूठ बोलणे वाले लोक्कां तांइ, झूठ्ठी कसम खाणे वाले लोक्कां तांइ ते सही शिक्षा रे उलट कुसकी भी तरिक्के रा कम्म करणे वाले लोक्कां तांइ है।

प्रकाशित वाक्य 18:23

ते दीये री रौसनी फिरी कदी तेरे बिच नी चमकणि, ते दुल्हे ते दुल्हन री अवाज तेरे बिच नी सुनिणी, किजोकी तेरे व्यापारी धरती रे प्रधान थिये तेरे जादू कने सारी जातियां भटकाई गेई थी।

प्रकाशित वाक्य 21:27

पर तिस बिच कोई अपवित्र चीज, या बुरा कम्म करणे वाला, या झूठ रा गढणे वाला कुसकी तरिक्के कने तिस बिच आई नी सकणा, पर सिर्फ से मणू जिन्हेरे नां उरणू री जिन्दगी री कताब बिच लिख्खे रे हिन।

प्रकाशित वाक्य 21:8

पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा।