प्रकाशित वाक्य 22:14 - चम्बयाली नौआ नियम

¹⁴ धन्न है से, जे अपणे चोग्गे धोई लिंदे, किजोकी तिन्हा जो सहर रे दुआर का अंदर आणे रा हक दित्तेया जाणा। ते तिन्हा जो तिस बूट्टे रा फल्ल खाणे रा भी हक दित्तेया जाणा जिस जो खाणे कने हमेसा री जिन्दगी मिलदी।

प्रकाशित वाक्य 22:14 ပူးပေါင်းရင်းမြစ်များ

यूहन्ना 10:7

तां यीशु ने फिरी तिन्हा जो बोल्लेया, मैं तुसा कने सच-सच बोलदा, कि भेड़ां रा दुआर मैं है।

यूहन्ना 10:9

दुआर मैं है, जे अगर कोई मेरे का अन्दर आए, तां छुटकारा पाणा, ते अन्दर बाहर आया जाया करणा ते चारा पाणा।

यूहन्ना 14:15

जे तुसा मेरे कने प्यार करदे तां मेरे हुकमा जो मन्नो।

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 4:12

कै तू असा रे बाबे याकूब का बड्डा है जिस ने असा जो ए कुआँ दित्ते रा है, कने अप्पु ही अपणे पुत्तर कने अपणे डंगरा समेत इस बिच का पीन्दा

1 कुरुन्थियों 7:19

कुसकी मणू रे खतना कराणा या ना कराणा कोई बड्डी गल्ल नी है, किजोकी परमेश्वर रे हुकमां जो मनणा ही सबका बड्डी गल्ल है।

1 कुरुन्थियों 8:9

पर चुकन्ने रेयो! इय्यां ना हो कि तुसा रे इय्यां करणे री वजह कने कुसकी संगी विश्वासी रा मसीह यीशु बिच विश्वास कमजोर होई जाओ।

1 कुरुन्थियों 9:5

जिय्यां बाकि रे प्रेरित, याकूब ते यहूदा जे प्रभु रे भ्याल हिन, ते पतरस सफर बिच अपणी लाड़ियां जो कन्ने लेई करी जांदे, मेरे जो भी तिय्यां ही मेरे जो ब्याह करी के ते अपणी लाड़ी कने सफर करणे रा हक है।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

1 यूहन्ना 3:3

हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।

1 यूहन्ना 5:3

परमेश्वर कने प्यार करणे रा मतलब ए है कि असी तिन्हेरे हुकमां जो मन्ने ते तिन्हेरे हुकम मुस्किल नी हिन।

प्रकाशित वाक्य 2:7

जे सुनणा चाए, से ध्यान कने सुणे कि पवित्रात्मा कलीसियां कने कै बोलदा। जिन्हा लोक्कां ने दुष्ट पर जीत हासिल कित्ती, तिन्हा जो मैं जिन्दगी रे तिस बूट्टे रा फल्ल खाणे तांइ दैणा, जे अब्बे स्वर्ग बिच परमेश्वर रे बगीच्चे बिच है।”

प्रकाशित वाक्य 21:12

सहर रे चारो पास्से री सहरपनाह बड़ी ऊच्ची थी, ते तिसेरे बारा दुआरां पर बारा स्वर्गदूत थिये ते तिन्हा दुआरां पर इस्राएली देस रे बारा गोत्रां रे नां लिखित्ते रे थिये।

प्रकाशित वाक्य 21:27

पर तिस बिच कोई अपवित्र चीज, या बुरा कम्म करणे वाला, या झूठ रा गढणे वाला कुसकी तरिक्के कने तिस बिच आई नी सकणा, पर सिर्फ से मणू जिन्हेरे नां उरणू री जिन्दगी री कताब बिच लिख्खे रे हिन।

प्रकाशित वाक्य 22:2

नदी सहर रे बिचो-बिच बैहंदी थी, ते तिस नदी रे दोन्नों किनारे पास्से बूट्टे लग्गे रे थिये जे जिन्दगी दिंदे थिये। तदेय बूट्टेयां पर बारा किस्मां रे फल्ल लगदे थिये, ते हर महिन्ने तिन्हा बूट्टेयां पर नौए किस्म रे फल्ल लगदे थिये, ते तिन्हा बूट्टेयां रे पत्ते दवाई सांई थिये जे देस-देस रे रैह्णे वाले मणूआं री बीमारी जो ठीक करी सकदे।

प्रकाशित वाक्य 22:7

यीशु ने बोल्लेया, सुणो, मैं तौले आणे वाला है! धन्न हिन से मणू जे इस कताब री भविष्यवाणियां जो मनदे।

प्रकाशित वाक्य 7:14

मैं तिसजो जवाब दित्तेया, ओ मेरे स्वामी, मैं ता नी जाणदा तुसा ही जाणदे। तिसने मेरे जो बोल्लेया, ए मणू जिन्हा ने चिट्टे कपड़े पाए रे हिन, ए से ही मणू हिन जे तिस बड़े वरी मुसीबतां ते जुल्मां रे समय रे दौरान मरी गे थिये। ए से मणू हिन जिन्हा ने अप्पु जो “उरणू” री कुर्बानी रे जरिये सुच्चा कित्तेया।