प्रकाशित वाक्य 22:10 - चम्बयाली नौआ नियम

¹⁰ फिरी तिनिए मेरे जो बोल्लेया, इस कताब री भविष्यवाणी री गल्लां जो लोक्कां का मत लूका, किजोकी इन्हा गल्लां रे पूरे होणे रा बेल्ला नेड़े आई गे रा है।

प्रकाशित वाक्य 22:10 ပူးပေါင်းရင်းမြစ်များ

मत्ती 10:27

जे मैं तुसा रे कने न्यहारे बिच बोलदा तिसजो तुसा लौ बिच बोलो अते जे मैं तुसा रे कन्ना बिच बोल्लेया है, तिसजो घरे री छत्त पर चढ़ी करी प्रचार करो।

रोमियों 13:11

तुसा बिच का हर इक्क जणे जो इक्क दूए कने प्यार करदे रैह्णा चाएदा, किजोकी से समय आई गे रा है जां परमेश्वर ने असा जो इस दुष्ट दुनिया का बचाई लैणा। असा रे मसीह बिच विश्वास करणे रे तिस बेल्ले का अवे ए छुटकारे रा समय अवे होर भी तौले पुजणे वाला, असा जो इस गल्ल जो समजी करी असा जो चुकन्ने ते होशियार रैह्णा जरुरी है।

रोमियों 13:12

असा रा इस बुरी दुनिया बिच रैह्णे रा समय तिय्यां ही मुकणे वाला है जिय्यां कि रात मुकणे वाली हुंदी। मसीह यीशु रे हटणे रे समय बड़ा नेड़े है। इधेरे तांइ असा जो न्याहरे रे कम्मां जदेय तिन्हा बुरे कम्म करणा छड्डी दैणे चाएदे, जे कम्म इस दुनिया रे मणू करदे, ते असा जो रौसनी रे ठीक कम्मां जदेय हथियार बन्नी लैणे चाएदे।

2 थिस्सलुनीकियों 2:3

तिस दिन रे बारे बिच कुसकी भी तरिक्के कने कुसकी भी मणू रे बहकावे बिच मत आदें, किजोकी मसीह यीशु रे हटणे का पैल्ले ही मते लोक्कां ने परमेश्वर रे खिलाफ होई जाणा। ते तिस दुष्ट ने लोक्कां सामणे आई जाणा जिस जो परमेश्वर ने नरक बिच पूरे तरिक्के कने मुकाई दैणा।

1 पतरस 4:7

हर चीज रा अंत नेड़े है। इधेरे तांइ चुकन्ने रेयो ते अपणे मन पर काबू रख्खो ताकि तुसा प्रार्थना करदे रेयो।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 1:3

परमेश्वर ने तिस हर इक्क मणू जो आशीष दैणी जे इन्हा भविष्यवाणी री गल्लां जो लोक्कां जो पढ़ी करी सुणांदा ते तिन्हा तिस हर मणू जो भी आशीष दैणी जे इन्हा गल्लां जो सूणदा ते इन्हा जो मनदा किजोकी ए गल्लां बड़े तौले होणे वाली हिन।

प्रकाशित वाक्य 10:4

अते जां सत्तों गर्जनां री अवाज्जां सुणित्ती, तां मैं लिखणे तांइ तैयार थिया, पर मैं स्वर्ग का ए अवाज सूणी, कि तू जे गल्लां गर्जनां री तिन्हा सत्त अवाज्जां बिच सूणी, तिन्हा जो राज़ रख्ख, ते तिन्हा जो मत लिख्ख।

प्रकाशित वाक्य 22:16

मैं यीशु है! ते मैं ही अपणे स्वर्गदूत जो तुसा जो कलीसिया तिकर ए गल्लां दसणे तांइ भेज्जेया। मैं दाऊद राज्जे रा महान वंशज है, ते मैं ही भ्याग्गे रा सितारा है।

प्रकाशित वाक्य 22:18

मैं यूहन्ना, इस कताब बिच लिख्खे रे बसेख बिच होणे वाली घटना जो सुनणे वाले हर इक्क मणू जो खबरदार करदा जे अब्बे ते भविष्य बिच होया करदी हिन। जे अगर कोई मणू इस बसेख री गल्लां बिच किच्‍छ बधाई दे, तां परमेश्वर ने तिसेरी सजा भी बधाई दैणी। तिन्हा ने तिसजो तिन्हा महामरियां कने सजा दैणी जे मैं इस कताब बिच दस्से री हिन।

प्रकाशित वाक्य 22:20

ए तिसेरे शब्द हिन जे इस कताब बिच दस्से री गल्लां री गवाई दिंदा, से ए बोलदा, हाँ, मैं तौले ही आणे वाला है! मुझ यूहन्ना ने जवाब दित्ता, आमीन! ओ प्रभु यीशु, आओ!

प्रकाशित वाक्य 22:7

यीशु ने बोल्लेया, सुणो, मैं तौले आणे वाला है! धन्न हिन से मणू जे इस कताब री भविष्यवाणियां जो मनदे।

प्रकाशित वाक्य 22:9

पर तिनिए मेरे जो बोल्लेया, दिख, इय्यां मत कर किजोकी मैं तेरा, ते तेरे भ्याल भविष्यद्वक्ता, ते इस कताब री गल्लां जो मनणे वालेयां रा सोग्गी दास है परमेश्वर जो ही प्रणाम करेयां

प्रकाशित वाक्य 5:1

फिरी मैं दिख्खेया कि जे सिंहासन पर बैठे रा थिया, तिन्हेरे सज्जे हत्थ बिच इक्क कताब थी, तिस पर दोन्नों पास्से लिखित्ते रा थिया, अते से सत्त मौहर लगाई करी बांद्द कित्ते री थी।