प्रकाशित वाक्य 21:9 - चम्बयाली नौआ नियम

⁹ फिरी जिन्हा सत्त स्वर्गदूतां का सत्त आखरी मुसीबतां कने भरे रे सत्त कटोरे थिये, तिन्हा बिच का इक्क मेरे का आया ते मेरे कने गल्लां करी के बोल्लेया, इत्ते आ, मैं तेरे जो दुल्हन मतलब उरणू री लाड़ी दिखादां।

प्रकाशित वाक्य 21:9 ပူးပေါင်းရင်းမြစ်များ

प्रकाशित वाक्य 1:1

परमेश्वर ने मसीह यीशु जो से लुके री चीजां दिखाई जे बड़े तौले होणे वाली हिन, ताकि से अपणे सेवादार मणूआं जो से गल्लां दस्सी सकण। मसीह यीशु ने अपणे स्वर्गदूत जो भेज्जी करी मेरे पर इन्हा गल्लां जो जाहिर कित्ता जे तिन्हेरा सेवादार है।

प्रकाशित वाक्य 17:1

जिन्हा सत्त स्वर्गदूतां का से सत्त कटोरे थिये, तिन्हा बिच का इक्क ने आई करी मेरे जो बोल्लेया, इत्ते आ, मैं तेरे जो दिखांदा कि परमेश्वर ने तिस बड्डी वेश्या जो सजा किय्यां दैणी जे तिस जगाह् बिच बैठ्ठी री है जित्ते मती सारी नदियां हिन।

प्रकाशित वाक्य 19:7

आओ, असी खुस ते मगन होण, ते तिन्हेरी तारीफ करण, किजोकी उरणू रा ब्याह नेड़े आई गे रा है, ते तिन्हेरी दुल्हन ने अप्पु जो तैयार करी लित्ते रा है।

प्रकाशित वाक्य 21:17

तिसका बाद स्वर्गदूत ने तिस दुआल जो नाप्पेया, तिसने तिस दुआल जो मणूआं रे हिसाब कने नाप्पेया। से दुआल छियाठ मीटर ऊच्ची थी।

प्रकाशित वाक्य 21:2

मैं तिस पवित्र सहर जे यरुशलेम है, तिसजो परमेश्वर रे पास्से का स्वर्ग का उतरदे दिख्खेया। से इक्क दुल्हन सांई तैयार कित्ती गयी थी, ते सजाई भी गयी थी कि से दुल्हे कने ब्याह करे।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।

प्रकाशित वाक्य 22:6

तिसका बाद, इक्क स्वर्गदूत ने मेरे जो बोल्लेया, “से सारी गल्लां सच हिन ते बड़े झट होणे वाली हिन। प्रभु परमेश्वर जे अपणी आत्‍मा सारे भविष्यद्वक्ता जो दिंदे, तिन्हा ने अपणे स्वर्गदूत जो इत्ते आई करी अपणे सेवादार जो ए दसणे रा हुकम दित्तेया कि जल्द ही कै होणे वाला है।”