प्रकाशित वाक्य 21:8 - चम्बयाली नौआ नियम8 पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा। အခန်းကိုကြည့်ပါ။ |
प्रकाशित वाक्य 21:8
39 ပူးပေါင်းရင်းမြစ်များ
ते जिन्ने मणू परमेश्वर रे पुत्तर बिच विश्वास रखदे से तिन्हेरी गवाई पर भी विश्वास रखदे, पर जिन्हा लोक्कां ने परमेश्वर ते तिन्हेरे पुत्तर री गवाई पर विश्वास नी कित्तेया, से मणू परमेश्वर जो झूठ्ठा बणांदे, किजोकी तिन्हा लोक्कां ने परमेश्वर री गवाई पर विश्वास नी कित्तेया जे परमेश्वर ने अपणे पुत्तर रे बारे बिच दित्ते री है।
से ड्रोणे जानवर, ते तिसेरे कन्ने से भविष्यद्वक्ता पकड़ेया गेया। झूठ्ठे भविष्यद्वक्ता ने तिस ड्रोणे जानवर रे पास्से का लोक्कां जो बड़े वरी चमत्कार दिखाए ते लोक्कां जो भटकाई दित्तेया जिन्हा ने तिस ड्रोणे जानवर री छाप लित्ती थी ते तिसेरी मूर्ति री पूजा कित्ती थी। से झूठ्ठा भविष्यद्वक्ता ते से ड्रोणा जानवर तिस आग्ग ते गन्धक रे समुंदर बिच सूटी दित्ते गे।
मैं जाणदा कि तू कै करदा। तू बड़ी जी-हजुरी कने मेरा कम्म करदा, तू मेरे पर अपणे विश्वास री वजह कने जुल्मां जो भी बड़े सबर कने सहन करदा। मैं जाणदा कि तू दुष्ट लोक्कां री झूठ्ठी शिक्षा जो बर्दाश नी करदा। तू तिन्हा लोक्कां जो परखे रा है जे ए बोलदे कि से प्रेरित हिन पर हकीकत बिच से नी हिन, ते तू जाणदा कि से झूठ्ठे हिन।
ကြော်ငြာတွေ