प्रकाशित वाक्य 21:5 - चम्बयाली नौआ नियम

⁵ तां से जे सिंहासन पर बैंदे, तिन्हा ने बोल्लेया, “ते अवे मैं हर इक्क चीज जो नौआ बनाणा!” तिन्हा ने मेरे जो ए भी बोल्लेया, “जे गल्लां मैं बोल्ले री है तिन्हा जो लिख्खी लै, तू इन्हा पर विश्वास करी सकदा किजोकी ए चीजां जरुर पूरी होणी।”

प्रकाशित वाक्य 21:5 ပူးပေါင်းရင်းမြစ်များ

लूका 5:38

पर नौए अंगूर रा रस्स जो नौए खलड़ू अन्दर ही भरणा चाएदा

2 कुरुन्थियों 5:17

इस तांइ जे कोई मसीह यीशु बिच विश्वास रखदा तां से नौई रचना है: पुराणी जिन्दगी बीती गे री है, अवे नौई जिन्दगी री सुरुआत होए री है।

इब्रानियों 12:27

ते ए गल्ल इक्क वरी फिरी इस गल्ल जो साबित करदा, परमेश्वर री बणाए री सारी चीजां हिलाई जाणी ते टली जाणी, ताकि जे चीजां हिलाई नी जादीं से अटल रैह्णी।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 1:19

इधेरे तांइ जे किच्‍छ तैं दिख्खेया, जे गल्लां होया करदी हिन, अते जे होणे वाली हिन, तिन्हा सबणी जो लिखदा जा।

प्रकाशित वाक्य 19:9

तां स्वर्गदूत ने मेरे जो बोल्लेया ए लिख, की धन्न हिन से जे उरणू रे ब्याह रे भोज बिच सद्दे गेरे हिन फिर तिन्हा ने मेरे जो बोल्लेया ए वचन परमेश्वर रे सच्चे वचन हिन।

प्रकाशित वाक्य 20:11

फिरी मैं इक्क बड्डा सफेद सिहांसन ते तिसजो, जे तिस पर बैठ्ठा रा है, तिसेरे सामणे का धरती ते आसमान नस्सी गे, ते तिन्हेरे तांइ जगाह् नी मिल्ली।

प्रकाशित वाक्य 22:19

जे अगर कोई मणू इस कताब बिच लिख्खे री भविष्यवाणियां बिच का किच्‍छ घटाई भी दे, तां परमेश्वर ने भी तिसका तिस बूट्टे रे फल्ल खाणे रा हक लेई लैणा जिस जो खाणे कने हमेसा री जिन्दगी मिलदी, ते तिस सहर बिच बसणे रा हक भी छिन्नी लैणा जिसेरे बारे बिच इस कताब बिच लिख्खे रा है।

प्रकाशित वाक्य 22:6

तिसका बाद, इक्क स्वर्गदूत ने मेरे जो बोल्लेया, “से सारी गल्लां सच हिन ते बड़े झट होणे वाली हिन। प्रभु परमेश्वर जे अपणी आत्‍मा सारे भविष्यद्वक्ता जो दिंदे, तिन्हा ने अपणे स्वर्गदूत जो इत्ते आई करी अपणे सेवादार जो ए दसणे रा हुकम दित्तेया कि जल्द ही कै होणे वाला है।”

प्रकाशित वाक्य 4:2

ते फिरी मैं झट्ट ही पवित्रात्मा रे काबू बिच आई गेया, ते मैं स्वर्ग बिच इक्क सिहांसन दिख्खेया, ते तिस सिहांसन पर कोई बैठ्ठे रा थिया।

प्रकाशित वाक्य 4:9

सारे जींद्दे प्राणी तिन्हा जो महिमा, आदरमान, ते धन्यवाद देया करदे थिये जे सिहांसन पर बैठ्ठे रे हिन। से हमेसा-हमेसा तांइ जिन्दे हिन। ते जां भी से इय्यां करदे थिये, तां चौब्बी बुजुर्ग मणू परमेश्वर रे सामणे पेई करी तिन्हेरी अराधना करदे थिये। से ए बोल्ली करी तिन्हेरे सामणे अपणे मुकुट उतारी करी बोलदे,

प्रकाशित वाक्य 5:1

फिरी मैं दिख्खेया कि जे सिंहासन पर बैठे रा थिया, तिन्हेरे सज्जे हत्थ बिच इक्क कताब थी, तिस पर दोन्नों पास्से लिखित्ते रा थिया, अते से सत्त मौहर लगाई करी बांद्द कित्ते री थी।