प्रकाशित वाक्य 21:3 - चम्बयाली नौआ नियम

³ फिरी मैं परमेश्वर रे सिहांसन का कुसकी जो ऊच्ची अवाज बिच ए बोलदे होये सूणेया, दिख, अब्बे का लेई करी परमेश्वर ने लोक्कां बिच वास करणा, ते अब्बे का लेई करी परमेश्वर रा घर मणूआं रे बिच होणा। ते से परमेश्वर रे मणू होणे, ते परमेश्वर ने अप्पु ही तिन्हा जो अपणे मणू मनणा, ते तिन्हा कने रैह्णा, ते लोक्कां ने भी तिन्हा जो अपणा परमेश्वर मनणा।

प्रकाशित वाक्य 21:3 ပူးပေါင်းရင်းမြစ်များ

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

2 कुरुन्थियों 6:16

ते मूर्तां कने परमेश्वर रे मन्दिर रा कोई रिस्ता नी। किजोकी असी ता जिन्दे परमेश्वर रे मन्दिर हिन, जिय्यां परमेश्वर ने बोल्ले रा है, “मैं तिन्हा लोक्कां बिच बसणा ते तिन्हा बिच चलणा-फिरणा, मैं तिन्हेरा परमेश्वर होण ते से मेरे मणू होणे।”

2 कुरुन्थियों 6:18

ते मैं तुसा रा प्यो होणा ते तुसा मेरे बच्चे-बच्चियां होणे, ए सर्वशक्तिमान प्रभु परमेश्वर रा वचन है।”

1 थिस्सलुनीकियों 3:11

असा रे पिता परमेश्वर अते असा रे प्रभु यीशु तुसा का आणे तांइ असा री मदद करण।

इब्रानियों 11:16

पर से सबका खरी चीज मतलब स्वर्ग रे चाह्‍णे वाले हिन इधेरे तांइ परमेश्वर तिन्हा का परमेश्वर केहलाणे बिच खुस हुदें थिये, किजोकी तिन्हा ने तिन्हेरे तांइ इक्क सहर तैयार कित्ते रा है।

इब्रानियों 8:10

फिरी प्रभु बोलदे, कि आणे वाले दिनां बिच जे वाचा मैं इस्राएल रे लोक्कां कने बनणी, से ए है कि मैं तिन्हा जो अपणे कानून री सोच बिच पाई दैणा, ते तिन्हा तिसजो अपणे दिल बिच रखणा, ते मैं तिन्हेरा परमेश्वर ठैहरणा, जिसेरी तिन्हा ने अराधना करणी, ते तिन्हा ने मेरे मणू ठैहरणा।

इब्रानियों 8:2

असा रे बड्डे पुरोत्त स्वर्ग बिच, सबका जादा पवित्र जगाह् अंदर, तिस सच्चे तम्बू री सेवा करदे जिस जो परमेश्वर ने बणाए रा है, ना कि कुसकी मणू ने।

प्रकाशित वाक्य 10:4

अते जां सत्तों गर्जनां री अवाज्जां सुणित्ती, तां मैं लिखणे तांइ तैयार थिया, पर मैं स्वर्ग का ए अवाज सूणी, कि तू जे गल्लां गर्जनां री तिन्हा सत्त अवाज्जां बिच सूणी, तिन्हा जो राज़ रख्ख, ते तिन्हा जो मत लिख्ख।

प्रकाशित वाक्य 10:8

तां फिरी मैं तिस अवाज जो सूणेया जिस जो मैं पैल्ले भी स्वर्ग का सूणेया थिया, तिस अवाज ने मेरे जो बोल्लेया, “जा, तिस खुले री कताब जो तिस स्वर्गदूत रे हत्थ का लेई लै जे समुंद्र रे किनारे पर खड़ित्ते रा है।”

प्रकाशित वाक्य 12:10

अवे असा रे परमेश्वर ने अपणे लोक्कां जो बचाणा! अवे तिन्हा ने अपणी ताकत रा इस्तेमाल करणा ते दुनिया पर राज करणा! अवे तिन्हेरे मसीह ने दुनिया पर अपणा हक रा एलान करणा। किजोकी अवे शैतान असा रे परमेश्वर रे सामणे असा रे संगी विश्वासियां पर दिन-रात इल्जाम लाणे तांइ नी खड़ी सकदा। तिसजो स्वर्ग का बाहर सूटी दित्ते गे रा है।

प्रकाशित वाक्य 21:7

जिन्हा लोक्कां ने दुष्ट पर जीत हासिल करणी, तिनिए ही मेरे का इन्हा सारी आशीषां जो हासिल करणा। मैं तिसेरा परमेश्वर होणा ते तिनिये मेरा पुत्तर होणा।

प्रकाशित वाक्य 22:3

तिस सहर बिच रैह्णे वाले लोक्कां पर परमेश्वर रा श्राप नी रैह्णा, ते परमेश्वर रा सिंहासन ते उरणू ने अप्पु भी तिस सहर बिच होणा, ते परमेश्वर रे सेवादार मणूआं ने तिन्हेरी सेवा करणी।

प्रकाशित वाक्य 7:15

इसी वजह कने ए परमेश्वर रे सिंहासन रे सामणे खड़ित्ते रे हिन, अते परमेश्वर रे मन्दिर बिच रात-दिन तिन्हेरी सेवा करदे, अते जे सिंहासन पर बैठ्ठे रे हिन, तिन्हा ने हमेसा तिन्हा लोक्कां कने रैह्णा ते तिन्हेरी रक्षा करणी।