प्रकाशित वाक्य 21:23 - चम्बयाली नौआ नियम

²³ तिस सहर जो रौसनी तांइ सूरज या चाँद री जरुरत नी थी, किजोकी परमेश्वर री चमक अप्पु तिस सहर पर चमकदी थी, ते तिस उरणू भी अप्पु तिस सहर री रौसनी री वजह थिया।

प्रकाशित वाक्य 21:23 ပူးပေါင်းရင်းမြစ်များ

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

मरकुस 8:38

जे कोई इस व्यभिचारी ते पाप्पी जुग बिच मेरे ते मेरे सुब बसेख का शर्मसार हुंदा, तां मणू रे पुत्तर ने भी, जे मैं ही है, तिन्हा लोक्कां का तिस दिन शर्मसार होणा जां मैं अपणे स्वर्गीय पिता री महिमा बिच अपणे पवित्र स्वर्गदूतां कने हटणा।

लूका 2:32

ताकि मसीह गैर यहूदी मणूआं जो परमेश्वर रा रस्ता दिखाणे वाली रौसनी बणना, ते इस्राएल रे मणू, जे कि तुसा रे अपणे हिन, तिन्हा तांइ ए परमेश्वर री महिमा लियाणे री वजह बणना।

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 1:18

परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 1:4

तिस बिच जिन्दगी थी जे सारे मणूआं जो रौसनी दिंदा।

यूहन्ना 1:9

से सच्ची रौसनी जे सारे लोक्कां जो रौसनी दिंदी, से दुनिया बिच आणे वाली थी।

यूहन्ना 17:24

ओ पिता जी! जे मणू तुसा मेरे जो दित्ते हिन, मैं चाह्‍ंदा कि जित्ते मैं है, से भी मेरे कने हो ताकि से मेरी उस बड़ाई जो दिख्खी सकण जे तुसा ने मेरे जो दित्ती है किजोकी दुनिया री रचना का भी पैल्ले तुसा मेरे कने प्यार करदे हिन

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

प्रेरितां रे कम्म 22:11

जां तिस महिमामय लौ री वजह कने मेरे जो दिसणा बांद्द होई गेया, तां मैं अपणे दोस्तां रा हत्थ पकड़ी करी दमिश्क कस्बे तिकर आया।

प्रकाशित वाक्य 14:4

ए से है, जे जनानियां कने व्यभिचार नी कित्तेया, पर कुँआरे हिन। तिन्हा ने तिस उरणू जो छड्डी करी कदी कुसकी होरसी री अराधना नी कित्ती। जित्ते कुथकी से “उरणू रा बच्चा” जांदा, से मणू भी तिसेरे पीच्छे ही जांदे। ए मणू से हिन जिन्हा जो धरती पर रैह्णे वाले लोक्कां बिच का छुड़ाया गेया। जिय्यां मणू परमेश्वर जो अपणी पैल्ली फसल चढांदे, तिय्यां ही तिन्हा ने भी परमेश्वर ते तिस “उरणू” जो चढावा चढाया।

प्रकाशित वाक्य 18:1

इसेरे बाद मैं इक्क स्वर्गदूत जो स्वर्ग का उतरदे दिख्खेया। तिसजो बड़ा हक्क मिल्ले रा थिया ते तिसेरी बड़ी रौसनी कने पूरी दुनिया भरी गयी।

प्रकाशित वाक्य 21:11

से सहर परमेश्वर का आणे वाली बड़ी वरी रौसनी कने चमकेया करदा थिया। से कुसकी यशब रे कीमती मोत्ती सांई चमकेया करदा थिया।

प्रकाशित वाक्य 21:25

तिसेरे दुआर धियाड़ी कदी बांद्द नी होणे, ते रात तित्ते नी होणी।

प्रकाशित वाक्य 22:5

फिरी कदी रात नी होणी, ते सहर रे लोक्कां जो रौसनी तांइ दीये या सूरज री जरुरत नी पैणी, किजोकी परमेश्वर ने अप्पु ही तिन्हा बिच चमकणा। तिन्हा ने राज्जे सांई हमेसा-हमेसा राज करणा।

प्रकाशित वाक्य 5:6

तां मैं तिस सिहांसन रे सामणे ते तिन्हा चार जींद्दे प्राणियां ते चौब्बी बुजुर्गां रे बिच मझाटे इक्क उरणू जो खड़ित्ते रे दिख्खेया। तिस उरणू पर कुर्बानी रे निसान थिये। तिसेरे सत्त सींग अते सत्त आख्खियां थी, ए परमेश्वर री सत्त आत्‍मा हिन, जिन्हा जो पूरी धरती बिच भेज्जेया गेया थिया।

प्रकाशित वाक्य 7:17

किजोकी उरणू जे सिंहासन रे मझाटे है, तिन्हा ने तिन्हा लोक्कां री इदेइ रखवाली करणी जिय्यां कोई पुहाल अपणी भेड़ां री करदा। परमेश्वर ने तिन्हा लोक्कां जो से ताजा पाणी पुआणे तांइ अपणे कने लेई करी जाणा जिस कने जिन्दगी मिलदी, ते परमेश्वर ने तिन्हा लोक्कां री हाख्खियां का सारे आँसु पूंजी दैणे।