प्रकाशित वाक्य 21:21 - चम्बयाली नौआ नियम

²¹ बारो दुआर बारा मोतियां रे थिये। इक्क-इक्क दरवाज्जे इक्क-इक्क मोती रा बणे रा थिया नगर री सड़क साफ सीसे सांई साफ सोन्ने री थी।

प्रकाशित वाक्य 21:21 ပူးပေါင်းရင်းမြစ်များ

प्रकाशित वाक्य 17:4

तिस जनानी ने बैंगणी ते लाल रांग रे कपड़े पाए रे थिये। तिनिये अपणे सरीर जो सोन्ने रे गहणे, कीमती मोत्तियां, ते रतनां कने सजाए रा थिया। तिसेरे सज्जे हत्थ बिच सोन्ने रा गलास थिया जिस बिच सराब थी, जे तिसेरे गलत कम्मां ते तिसेरे घटिया अश्लीलता रे कम्मां जो दर्शांदी थी।

प्रकाशित वाक्य 18:16

लाणत है, लाणत है, ए बड्डा सहर जिनिये बैंगणी ते लाल रगं रे कपड़े पाए रे थिये ते सोन्ने ते रतनां ते मोतियां कने सजे रा थिया,

प्रकाशित वाक्य 21:15

जे स्वर्गदूत मेरे कने गल्लां करदा थिया, तिसेरे का सहर ते तिसेरे दुआरां ते तिसेरी सहरपनाह जो नपणे तांइ इक्क सोन्ने रा गज थिया।

प्रकाशित वाक्य 21:18

से दुआल मैह्‍ंगे मोत्तियां री बणे री थी, जिन्हा जो यशब रे मोत्ती भी बोलदे। से सहर सोन्ने रा बणे रा थिया ते से साफ सीसा सांई चमकदा थिया।

प्रकाशित वाक्य 22:2

नदी सहर रे बिचो-बिच बैहंदी थी, ते तिस नदी रे दोन्नों किनारे पास्से बूट्टे लग्गे रे थिये जे जिन्दगी दिंदे थिये। तदेय बूट्टेयां पर बारा किस्मां रे फल्ल लगदे थिये, ते हर महिन्ने तिन्हा बूट्टेयां पर नौए किस्म रे फल्ल लगदे थिये, ते तिन्हा बूट्टेयां रे पत्ते दवाई सांई थिये जे देस-देस रे रैह्णे वाले मणूआं री बीमारी जो ठीक करी सकदे।

प्रकाशित वाक्य 4:6

तिस सिहांसन रे सामणे सीसा सांई इक्क साफ ते समुंद्र जिन्ना चौड़ा मैदान थिया, से सिंहासन तिस जगाह् रे बिल्कुल बिच मझाटे थिया ते मैं तिसेरे चारो पास्से चार जींद्दे प्राणियां जो दिख्खेया।