प्रकाशित वाक्य 21:14 - चम्बयाली नौआ नियम

¹⁴ तिन्हा ने सहर रे चारो पास्से दुआल बारा बड्डे-बड्डे बट्टेयां पर बणाए री थी। हर बट्टे पर तिस उरणू रे बारा प्रेरितां रे नां लिखित्ते रे थिये।

प्रकाशित वाक्य 21:14 ပူးပေါင်းရင်းမြစ်များ

मत्ती 16:18

ते मैं भी तिज्जो बोलदा कि तू पतरस है, ते मैं इस्सी पत्थर पर अपणी कलीसिया बनाणी ते पताल रे दुआर तिस पर हावी नी होणे।

प्रेरितां रे कम्म 1:26

तां तिन्हा ने तिन्हेरे नां री चीठ्ठियां पाई, ते चीठ्ठी मत्तियाह रे नां पर निकली अते से तिन्हा ग्यारह प्रेरितां कने गिणेया गेया।

गलातियों 2:9

याकूब, कैफा ते यूहन्ना जिन्हा जो कलीसिया रे खम्भे सांई समजेया जांदा, जां तिन्हा ने मेरे पर होए रे परमेश्वर रे अनुग्रह जो समजी लेया, तां तिन्हा ने मेरे जो ते बरनबास जो अपणी मण्डली रा सहयोगी मन्नी लेया ते से इस गल्ल पर सहमत होई गे कि से यहूदी मणूआं बिच ते असी गैर यहूदी मणूआं जो बसेख सूणाणा जारी रखण।

इफिसियों 2:20

कन्ने मिली करी असी परमेश्वर रा घर हिन जे प्रेरितां ते भविष्यद्वक्तां री नीं पर बणे रा है ते तिस नीं रा पत्थर अप्पु मसीह यीशु हिन।

इफिसियों 3:5

पैल्ले समय बिच परमेश्वर ने अपणाए राज़ कुसकी पर भी ज़ाहिर नी कित्ते रा थिया, पर अवे तिन्हा ने इसजो अपणे पवित्र प्रेरितां ते भविष्यद्वक्तां पर पवित्रात्मा रे जरिये ज़ाहिर कित्ते रा है।

इफिसियों 4:11

मसीह यीशु ने ही ए बखरे-बखरे दान दित्ते, तिन्हा ने किच्‍छ जणेया जो प्रेरित ठैहराया, ते किच्‍छ जणेया जो भविष्यद्वक्ता ठैहराया, ते थोड़े जणेया जो सुब बसेख सुनाणे वाले ठैहराया, ते किच्‍छ जणेया जो पादरी ते उपदेस दैणे वाले ठैहराया रा है।

इब्रानियों 11:10

किजोकी से सहर जे हमेसा बणी रैह्णा, जे स्वर्ग बिच है, ते मणूआं रे हत्थां कने नी बणे रा है, जिसेरा बणाणे वाला परमेश्वर है।

यहूदा 1:17

ओ प्यारे दोस्तों, मसीह यीशु री तिन्हा गल्लां जो याद रख्खो जे बड़े पैल्ले तुसा जो तिन्हेरे प्रेरितां रे जरिये पैल्ले दस्सी गे थी।

प्रकाशित वाक्य 18:20

ओ स्वर्ग ते ओ परमेश्वर रे लोक्कों ते प्रेरितो ते भविष्यद्वक्ता जे तिस कने होआ, तिस पर खुस हो, किजोकी परमेश्वर ने तिसका जे किच्‍छ भी तिसने तुसा कने कित्तेया थिया, तिसेरा सही हिसाब करी के तुसा रा बदला चुकाए रा है।”

प्रकाशित वाक्य 21:13

पूरब रे पास्से त्रै दुआर, उत्तर रे पास्से त्रै दुआर, दक्षिण रे पास्से त्रै दुआर, ते पश्चिम रे पास्से त्रै दुआर थिये।