प्रकाशित वाक्य 21:12 - चम्बयाली नौआ नियम

¹² सहर रे चारो पास्से री सहरपनाह बड़ी ऊच्ची थी, ते तिसेरे बारा दुआरां पर बारा स्वर्गदूत थिये ते तिन्हा दुआरां पर इस्राएली देस रे बारा गोत्रां रे नां लिखित्ते रे थिये।

प्रकाशित वाक्य 21:12 ပူးပေါင်းရင်းမြစ်များ

मत्ती 18:10

इधेरे तांइ दिख्खो, तुसा इन्हा मेरे भोले बच्चेयां बिच का कुसकी जो भी छोटा मत समजदे, किजोकी मैं तुसा जो बोल्दा, कि स्वर्ग बिच दूत मेरे स्वर्गीय पिता रे सामणे हाजिर रैहन्दे।

लूका 15:10

मैं तुसा जो बोलदा, कि इय्यां ही जां कोई मणू पाप्पां जो छड्डी करी परमेश्वर रे रस्ते पर चलणा लग्गी पैन्दा, तां तिसेरे तांइ स्वर्गदूतां रे सामणे उतणी ही खुसियां मनाई जान्दियां।

लूका 16:22

इक्क रोज लाज़र मरी गेया ते स्वर्गदूत तिसेरी आत्‍मा जो स्वर्ग अन्दर तिसेरे पुरखे अब्राहम का लेई गे, से अमीर मणू भी थोड़े रोज्जां बाद मरी गेया ते तिसजो दब्बी दित्तेया गेया।

प्रेरितां रे कम्म 26:7

तिस्सी आस रे पूरे होणे री उम्मीद लाई करी, असा रे बारा गोत्तर अपणे सारे मनां कने दिन-रात परमेश्वर री भक्ति करदे आये रे हिन, ओ राजा, इस ही उम्मीद रे बारे अन्दर यहूदी मेरे पर इल्जाम लान्दे

इब्रानियों 1:14

तां फिरी स्वर्गदूत कै करदे? कै से सिर्फ परमेश्वर री सेवा करदे? परमेश्वर तिन्हा जो छुटकारा पाणे वाले लोक्कां री देख-रेख करणे तांइ भेजदे।

प्रकाशित वाक्य 21:13

पूरब रे पास्से त्रै दुआर, उत्तर रे पास्से त्रै दुआर, दक्षिण रे पास्से त्रै दुआर, ते पश्चिम रे पास्से त्रै दुआर थिये।

प्रकाशित वाक्य 21:15

जे स्वर्गदूत मेरे कने गल्लां करदा थिया, तिसेरे का सहर ते तिसेरे दुआरां ते तिसेरी सहरपनाह जो नपणे तांइ इक्क सोन्ने रा गज थिया।

प्रकाशित वाक्य 21:25

तिसेरे दुआर धियाड़ी कदी बांद्द नी होणे, ते रात तित्ते नी होणी।

प्रकाशित वाक्य 22:14

धन्न है से, जे अपणे चोग्गे धोई लिंदे, किजोकी तिन्हा जो सहर रे दुआर का अंदर आणे रा हक दित्तेया जाणा। ते तिन्हा जो तिस बूट्टे रा फल्ल खाणे रा भी हक दित्तेया जाणा जिस जो खाणे कने हमेसा री जिन्दगी मिलदी।