प्रकाशित वाक्य 21:10 - चम्बयाली नौआ नियम

¹⁰ तां स्वर्गदूत मेरे जो पवित्रात्मा री ताकत कने इक्क बड्डे ते उच्चे पहाड़ पर लेई गेया, ते पवित्र नगर यरुशलेम सहर जो स्वर्ग का परमेश्वर रे नेड़े का उतरदे दिखाया।

प्रकाशित वाक्य 21:10 ပူးပေါင်းရင်းမြစ်များ

प्रेरितां रे कम्म 8:39

जां से पाणी बिच निकली करी उप्पर आये तां प्रभु रा आत्‍मा फिलिप्पुस चुकी करी लेई गे, ते किन्नर ने फिरी तिसजो नी दिख्खेया, ते से खुसी मणादें-मणादें अपणे देस जो हटी गेया।

गलातियों 4:26

पर अब्राहम री लाड़ी सारा स्वर्गीय यरुशलेम सहर जो दर्शांदी ते तिसेरी औलाद्दां अजाद हिन। ते ए यरुशलेम असा री मां सांई है।

प्रकाशित वाक्य 1:10

इतवार रे दिन पर, जे प्रभु रा दिन है, मैं पवित्रात्मा रे ताकत रे वस बिच थिया। मैं अपणे पीच्छे का इक्क अवाज जो किच्‍छ बोलदे सूणेया, से अवाज कुसकी तुरही सांई बड़ी तेज थी।

प्रकाशित वाक्य 11:2

ते परमेश्वर रे मन्दिर रे बाहर रा अंगण छड्डी दे, तिसजो मत नाप, किजोकी से गैर यहूदियां जो दित्तेया गे रा है जे परमेश्वर जो नी जाणदे, ते तिन्हा ने पवित्र सहर जो बताली महिन्ने तांइ रौदंणा।

प्रकाशित वाक्य 17:3

तां पवित्रात्मा री मदद कने स्वर्गदूत मेरे जो बियाबान बिच लेई गेया, ते मैं इक्क जनानी जो लाल रांग रे ड्रोणे जानवर री सवारी करदे दिख्खेया। तिसेरे सत्त सिर ते दस सींग थिये। तिसेरे पूरे सरीर पर इदेय नां लिखित्ते रे थिये जिस कने परमेश्वर री बेजती हुंदी हो।

प्रकाशित वाक्य 21:2

मैं तिस पवित्र सहर जे यरुशलेम है, तिसजो परमेश्वर रे पास्से का स्वर्ग का उतरदे दिख्खेया। से इक्क दुल्हन सांई तैयार कित्ती गयी थी, ते सजाई भी गयी थी कि से दुल्हे कने ब्याह करे।

प्रकाशित वाक्य 3:12

जिन्हा लोक्कां ने दुष्ट पर जीत हासिल करणी, तिन्हा लोक्कां ने परमेश्वर रे मन्दिर रे खम्भे सांई होणा जिन्हेरी मैं अराधना करदा, ते तिन्हा जो से जगाह् भी छडणी नी पैणी। ए दिखाणे तांइ कि से मणू मेरे हिन मैं तिन्हा पर परमेश्वर रा नां ते परमेश्वर रे सहर यरुशलेम रा नां री छाप लाणी। तिस सहर ने परमेश्वर रे पास्से स्वर्ग का उतरणा। मैं तिन्हा पर इक्क नौए नां री छाप लाणी।

प्रकाशित वाक्य 4:2

ते फिरी मैं झट्ट ही पवित्रात्मा रे काबू बिच आई गेया, ते मैं स्वर्ग बिच इक्क सिहांसन दिख्खेया, ते तिस सिहांसन पर कोई बैठ्ठे रा थिया।