प्रकाशित वाक्य 20:5 - चम्बयाली नौआ नियम

^5-6 से पैल्ले मणू होणे जिन्हा जो मुर्देयां बिच का फिरी जिन्दा कित्तेया जाणा, ते से मणू खास-तौर पर धन्न ते पवित्र हिन। दुई मौत रा तिन्हा पर कोई हक नी है। तिन्हा ने परमेश्वर ते मसीह रे पुरोत्त बणना ते हजार साल्लां तिकर तिन्हा कने राज करणा। होर कोई मरे रा मणू हजार साल्लां तांइ जिन्दा नी कित्तेया जाणा।

प्रकाशित वाक्य 20:5 ပူးပေါင်းရင်းမြစ်များ

लूका 14:14

किजोकी तिन्हा का तिज्जो हटाणे तांइ किच्‍छ भी नी है, ए ही गल्ल तेरे तांइ आशीष री वजह बणी जाणी इधेरा फल्ल तिज्जो धार्मिक मणूआं रे फिरी जिन्दे होई उठणे का बाद मिलणा।

रोमियों 11:15

किजोकी इस्राएल रे लोक्कां रा छड्डेया जाणा, दुनिया रे लोक्कां तांइ परमेश्वर कने मेल जोल होणे री वजह बणेया। जां तिन्हा ने यीशु जो मसीह मन्नी करी अपणाई लैणा, तां से गल्ल मरे रे मणू जो फिरी जिन्दे करणे रे बराबर होणा।

फिलिप्पियों 3:11

ताकि मैं भी मरे रे लोक्कां बिच का वापिस फिरी जिन्दा कित्तेया जां।

1 थिस्सलुनीकियों 4:16

किजोकी प्रभु यीशु ने अप्पु ही स्वर्ग का उतरणा ते जोर सणे ललकार होणी ते प्रधान दूत री अवाज सुनिणी ते परमेश्वर री तुरही बजाई जाणी, ते जे विश्वासी मणू मरी चुके रे होणे, पैल्ले तिन्हा सारेयां जो फिरी जिन्दा कित्तेया जाणा।

प्रकाशित वाक्य 11:11

पर साड्डे त्रै रोजां बाद परमेश्वर रे पास्से का जिन्दगी री सांस ने तिन्हा पर पैंठी जाणा, अते तिन्हा अपणे पैरा रे भरे खड़े होई जाणा अते तिन्हा जो दिखणे वालेयां जो बड़ा डर होई गेया

प्रकाशित वाक्य 11:15

जां सत्तमें स्वर्गदूत ने तुरही बजाई, तां फिरी मैं स्वर्ग का इस बारे बड्डी जादा अवाज्जां सूणी, “असां रे परमेश्वर ते तिन्हेरे चुणे रे छुटकारा दैणे वाले मसीह जो ही धरती पर राज करणे रा हक है, ते परमेश्वर ने हमेसा-हमेसा तिकर राज करणा।